Monte Damavand
Monte Damavand | |
---|---|
![]() | |
Altitude | 5.610 m |
Latitude | 36°57′14″ N |
Lonxitude | 52°6′43″ O |
Rexión | Irán |
Montaña | Montes Elburz |
Primeiro ascenso | ?? |
Tipo de volcán | Estratovolcán, inactivo |
![](http://upload.wikimedia.org/wikipedia/commons/thumb/a/a5/Iran_map-DE.png/285px-Iran_map-DE.png)
O monte Damavand (en escrita árabe: دماوند), tamén dito Donbavand, é un estratovolcán de 5.610 m. de altura que constitúe a maior elevación do Irán. E tamén o volcán de maior altitude de toda Asia.
Situación
[editar | editar a fonte]O Damavand érguese lixeiramente ao sur do mar Caspio, no centro da cadea montañosa dos Montes Elburz, preto das aldeas de Vararu, Sesang, Gol-e Zard e Mianrud, no departamento de Amol, na provincia de Mazandaran, a 66 km ao nordeste da capital do país, Teherán. Os principais centros urbanos da área son a cidade de Rineh e a de Larijan, famosa polas súas fontes termais.
Actividade volcánica
[editar | editar a fonte]A montaña está cualificado como dormente, porén mostra indicios de certa actividade, pois existen fumarolas preto do cráter da cima que depositan sulfuros, e que teñen sido particularmente activas o 6 de xullo de 2007.
Montañismo
[editar | editar a fonte]Existen seis itinerarios de subida recoñecidos. O máis popular é o do sur, que dispón dun campamento a unha altura de arredor de 4.000 m. A ruta máis longa é a de nordeste. Precísanse dous días para atinxir a cima, partindo desde a aldea de Nāndal, pasando unha noite no refuxio Takht-e Fereydun (4.300 m). A vía oeste ten sona polas fermosas vistas que se contemplan no solpor. Esta vía ofrece tamén un refuxio de dous andares que foi construído recentemente, e que se coñece como Simorgh.
O Damavand na cultura iraniana
[editar | editar a fonte]O Damavand ocupa un lugar particular na mitoloxía iraniana. Non textos e na mitoloxía zoroástrica, o dragón tricéfalo Aži Dahāka estaba encadeado ao monte Damāvand, condenado a ficar así até a fin do mundo. Nunha versión máis tardía da mesma lenda, o tirano Zahhāk estaba encadeado, de xeito semellante, nunha gruta do monte Damāvand, logo de ser vencido por Kāveh e Fereydūn.
No Šahnâmeh, a montaña estaba dotada de poderes máxicos.
Na literatura irania , o Damavand é o símbolo da resistencia contra os soberanos estranxeiros. Mohammad Taqī Bahār, por exemplo, compuxo unha célebre casida, titulada Damāvand.
Véxase tamén
[editar | editar a fonte]![]() |
Commons ten máis contidos multimedia sobre: Monte Damavand |