Michael Phelps

Michael Phelps

(2016)
Biografía
Nacemento	(en) Michael Fred Phelps II 30 de xuño de 1985 (39 anos) Baltimore, Estados Unidos de América
Educación	Towson High School (en) (–2003) Universidade de Míchigan Dumbarton Middle School (en) Sheldon High School (en)
Altura	193 cm
Peso	88 kg
Actividade
Ocupación	nadador
Período de actividade	1992 - 2016
Nacionalidade deportiva	Estados Unidos de América
Deporte	natación
Adestrado por	Bob Bowman (en) (1995–2012)
Traxectoria   Equipo Competición 1995- North Baltimore Aquatic Club
Participou en
2016	natação nos Jogos Olímpicos de Verão de 2016 (pt)  (medalla de ouro olímpica, medalla de prata olímpica)
2012	Xogos Olímpicos de 2012  (medalla de ouro olímpica, medalla de prata olímpica)
2008	Xogos Olímpicos de 2008  (medalla de ouro olímpica)
19 de agosto de 2004	swimming at the 2004 Summer Olympics – men's 100 metre butterfly (en)  (medalla de ouro olímpica)
18 de agosto de 2004	swimming at the 2004 Summer Olympics – men's 200 metre individual medley (en)  (medalla de ouro olímpica)
16 de agosto de 2004	swimming at the 2004 Summer Olympics – men's 200 metre butterfly (en)  (medalla de ouro olímpica)
14 de agosto de 2004	swimming at the 2004 Summer Olympics – men's 400 metre individual medley (en)  (medalla de ouro olímpica)
2004	swimming at the 2004 Summer Olympics – men's 4 × 100 metre freestyle relay (en)  (Medalla de bronce olímpica)
2004	swimming at the 2004 Summer Olympics – men's 4 × 100 metre medley relay (en)  (medalla de ouro olímpica)
2004	swimming at the 2004 Summer Olympics – men's 4 × 200 metre freestyle relay (en)  (medalla de ouro olímpica)
2004	swimming at the 2004 Summer Olympics – men's 200 metre freestyle (en)  (Medalla de bronce olímpica)
2000	Xogos Olímpicos de 2000
Familia
Cónxuxe	Nicole Johnson (2016–)
Pais	Michael Fred Phelps   e Deborah Sue Davisson
Premios
(2012)  Atleta do ano pola Prensa Asociada (2008)  Atleta do ano pola Prensa Asociada
Descrito pola fonte	Obálky knih,
Sitio web	michaelphelps.com

Michael Phelps nos Xogos Olímpicos de 2016.

Michael Fred Phelps II, nado o 30 de xuño de 1985 en Baltimore (Maryland), é un nadador estadounidense, considerado un dos máis importantes de tódolos tempos. As súas participacións olímpicas en Atenas 2004, Pequín 2008 e Londres 2012 saldáronse cunha colleita de 28 medallas (23 de ouro, 3 de prata e 2 de bronce), o cal converte a Phelps no deportista máis laureado da historia dos Xogos Olímpicos. A súa especialidade era o estilo bolboreta, malia que tamén salientou no estilo crol. Ó longo da súa carreira bateu 39 récords mundiais de natación.

Traxectoria

Nos Xogos Olímpicos

Phelps comezou a súa carreira olímpica nos Xogos de Sydney 2000 con 15 anos de idade, sen acadar ningunha medalla. Nas súas seguintes 3 participacións acadou 22 medallas nestas probas:

• Xogos de Atenas 2004: 6 ouros (100m bolboreta, 200m bolboreta, 200m estilos, 400m estilos, 4x200m libres, 4x100m estilos) e 2 bronces (200m libres, 4x100m libres).
• Xogos de Pequín 2008: 8 ouros (400m estilos, 4x100m libres, 200m libres, 200m bolboreta, 4x200m libres, 200m estilos, 100m bolboreta, 4x100m estilos).
• Xogos de Londres 2012: 4 ouros (4x200m libres, 200m estilos, 100m bolboreta, 4x100m estilos) e 2 pratas (4x100m libres, 200m bolboreta).

Trala cita de Londres, Phelps anunciou a súa retirada do deporte profesional, malia ter tan só 27 anos de idade.

Nos Campionatos Mundiais

Phelps competiu en campionatos do mundo de natación entre os anos 2001 e 2011, colleitando 26 ouros, 6 pratas e 1 bronce, repartidos do seguinte xeito:

• Mundial de Fukuoka 2001: 1 ouro (200m bolboreta).
• Mundial de Barcelona 2003: 4 ouros (200m bolboreta, 200m estilos, 400m estilos, 4x100m estilos) e 2 pratas (100m bolboreta, 4x200m libres).
• Mundial de Montreal 2005: 5 ouros (200m libres, 200m estilos, 4x100m libres, 4x200m libres, 4x100m estilos) e 1 prata (100m bolboreta).
• Mundial de Melbourne 2007: 7 ouros (200m libres, 100m bolboreta, 200m bolboreta, 200m estilos, 400m estilos, 4x100m libres, 4x200m libres).
• Mundial de Roma 2009: 5 ouros (100m bolboreta, 200m bolboreta, 4x100m libres, 4x200m libres, 4x100m estilos) e 1 prata (200m libres).
• Mundial de Xangai 2011: 4 ouros (100m bolboreta, 200m bolboreta, 4x200m libres, 4x100m estilos), 2 pratas (200m libres, 200m estilos) e 1 bronce (4x100m libres).

Véxase tamén

Ligazóns externas

• Ficha de Michael Phelps na páxina web de Londres 2012 (en inglés)