Illa de Lewis

Para outros usos de Lewis véxase Lewis (homónimos)

Illa de Lewis

Tipo	península
Situado na entidade xeográfica	Lewis e Harris
Localización
División administrativa	Hébridas de Fóra, Reino Unido
58°12′N 6°36′O
Características
Superficie	1.770 km²

A illa de Lewis (Leòdhas en gaélico escocés), é a parte setentrional da illa máis grande das illas Hébridas Exteriores, o maior dos arquipélagos escoceses. A parte meridional da illa chámase Harris (Na Hearadh). Os dous nomes con todo refírense as dúas partes da mesma illa. Lewis é tamén a parte máis baixa da illa.

Xeografía

A cidade principal de Lewis, a única cidade das Hébridas Exteriores, é Stornoway (Steòrnabhagh), pola que se cruza a Ullapool xa na Escocia británica. No censo de 2001 Lewis tiña unha poboación xeralmente residente de 16.872 habitantes.

Relixión

A relixión é importante en Lewis, e a maior parte da poboación pertence á Igrexa Libre de Escocia e á Igrexa de Escocia (ambas as dúas presbiterianas. O Sabbath (ou sexa, o domingo) obsérvase xeralmente coa maioría das tendas e servizos pechados, o que non é frecuente no Reino Unido, se ben algunhas comunicacións co resto de Escocia se seguen mantendo. Tamén existen templos católicos, mormóns e das Testemuñas de Xehová.

Lingua

Como en todas as Hébridas Exteriores, son oficiais administrativamente o inglés e o gaélico escocés, que é ademais unha das linguas de tradición histórica na comunidade, a canda o nórdico, xa extinto. Porén, tanto o antigo nórdico coma o gaélico teñen influído moito na fala inglesa, e por veces a lingua inglesa de Lewis soa máis a inglés de Irlanda que ao que habitualmente se escoita en Escocia. O 60% dos habitantes de Lewis falan o gaélico, mentres que un 70% poden lelo, escribilo ou entendelo.

Sitios históricos

A illa de Lewis ten unha variedade de localizacións do interese histórico e arqueolóxico incluíndo:

• Pedrafitas de Callanish;
• Carloway Dun Broch;
• As casas negras de Garenin (Na Gearannan), preto de Carloway e a casa negra en Arnol;
• Igrexa de San Columba en Aignish;
• Teampull Mholuaidh en Ness;
• Castelo de Lews;
• Dùn Èistean.