Ilaix Moriba

Ilaix Moriba
	;
Biografía
Nacemento	(es) Moriba Kourouma Kourouma ; 19 de xaneiro de 2003 (21 anos); Conakry, Guinea
Datos persoais
País de nacionalidade	España ; Guinea
Altura	185 cm
Actividade
Ocupación	futbolista
Lingua	Lingua castelá
Nacionalidade deportiva	Guinea
Deporte	fútbol
Posición de xogo	Centrocampista
Traxectoria

Moriba Kourouma Kourouma, nado en Conakri (Guinea) o 19 de xaneiro de 2003, coñecido deportivamente como Ilaix Moriba, é un futbolista hispano-guineano que xoga como centrocampista no R. C. Celta de Vigo da Primeira División de España.

Traxectoria

FC Barcelona

Moriba chegou ao fútbol basee do Fútbol Club Barcelona procedente do R. C. D. Espanyol en 2010.

En xaneiro de 2019, cando o seu contrato xuvenil estaba a piques de expirar, clubs como o Manchester City e a Juventus de Turín tentaron fichalo, pero finalmente chegou a asinar un contrato récord, cun salario de máis de 500 000 euros anuais e unha cláusula de rescisión fixada a 100 millóns de euros. A tempada seguinte debutou co F. C. Barcelona "B" o 7 de setembro de 2019 na derrota por 1-0 perante o Ejea. Marcou o seu primeiro gol o 8 de marzo, o gañador na vitoria por 3-2 contra Unió Esportiva Llagostera.

Durante a tempada 2020-21, no mes de xaneiro, Koeman incluíuno no primeiro equipo por primeira vez para un partido da liga contra o Granada, malia ser suplente e non xogar ningún só mninuto. O 21 de xaneiro de 2021 na mesma tempada fixo o seu debut nunha vitoria a domicilio por 2-0 contra Unió Esportiva Cornellà nos dezaseisavos de final da Copa do Rey. O 13 de febreiro debutou como titular en Liga dando unha asistencia no triunfo do Barça 5-1 sobre o Deportivo Alavés.

RB Leipzig

Perante a negativa do xogador por renovar o seu contrato, o club decidiu traspasalo ao R. B. Leipzig por 16 millóns de euros máis 6 en variables o 31 de agosto de 2021. O club azulgrana gardou para si un 10% dunha potencial futura venda.

Cesións en España

Após de media tempada en Alemaña, o 28 de xaneiro de 2022 regresou ao fútbol español para xogar cedido no Valencia C. F. ata final de tempada. O 1 de setembro volveu ser cedido ata o 30 de xuño de 2023.

Despois desta segunda cesión en Valencia volveu a Alemaña, onde non xogou ningún partido antes de ser novamente prestado en xaneiro de 2024 a un equipo español, o Xetafe C. F. Alí completou a tempada e no mes de agosto recalou no R. C. Celta de Vigo, equipo que gardaba unha opción de compra.

Palmarés

Títulos nacionais

Título	Club	País	Ano
Copa do Rei	F. C. Barcelona	España	2020-21

Distincións individuais

Distinción	Ano
Parte dos 60 mellores futbolistas sub-17 do mundo segundo o medio TheGuardian.com^[1]	2020
Mellor xogador novo da a fase de grupos da Copa Africana de Nacións	2021^[2]

Notas

↑ theguardian.com (ed.). "Next Generation 2020: 60 dos mejores novos talentos do fútbol mundial". Consultado o 7 de outubro de 2014.
↑ "Ilaix Moriba, mejor joven promesa de la Copa de África". Sport. 22 de xaneiro de 2022. Consultado o 28 de enero de 2022.

[1] theguardian.com (ed.). "Next Generation 2020: 60 dos mejores novos talentos do fútbol mundial". Consultado o 7 de outubro de 2014.

[2] "Ilaix Moriba, mejor joven promesa de la Copa de África". Sport. 22 de xaneiro de 2022. Consultado o 28 de enero de 2022.

[1]

[2]