Gorgonia

Gorgonia

Gorgonia mariae

Reino:	Animalia
Filo:	Cnidaria
Clase:	Anthozoa
Subclase:	Octocorallia
Orde:	Alcyonacea
Suborde:	Holaxonia
Familia:	Gorgoniidae
Xénero:	Gorgonia Linnaeus, 1758

Especies

Véxase o texto

Sinonimia

Véxase o texto

Gorgonia é un xénero de cnidarios antozoos da subclase dos octocoraliarios, orde dos alcionáceos, suborde dos holaxonios, que é o xénero tipo da familia dos gorgoníidos.^[1]^[2]

Taxonomía

Descrición

A especie foi descrita en 1758 no Tomo I da súa obra Systema naturae per regna tria naturae: secundum classes, ordines, genera, species, cum characteribus, differentiis, synonymis, locis. Holmiae: Impensis Direct. Laurentii Salvii.

Etimoloxía

O nome científico Gorgonia está formado polos elementos Gorgon-, tirado do acusativo latino Gorgōna, de Gorgō, -ōnis, unha das tres medusas Gorgonas da mitoloxía grega, e -ia, indicando feminino.^[3]

Sinónimos

Ademais de polo nome actualmente válido, o xénero coñeceuse tamén polos sinónimos:^[1]

Rhipidogorgia. Valenciennes, 1855
Rhizalcyon. Bayer, 1995

Especies

Segundo o WoRMS, o xénero conta coas seguintes especies:^[1]^[2]

Gorgonia capensis. Hickson, 1900
Gorgonia clathrus. Pallas, 1766
Gorgonia coarctata. (Valenciennes, 1855)
Gorgonia cribrum. Valenciennes, 1846
Gorgonia crinita. Valenciennes, 1855
Gorgonia elegans. Duchassaing & Michelotti, 1864
Gorgonia flabellum. Linnaeus, 1758
Gorgonia flavescens. Kükenthal, 1924
Gorgonia mariae. Bayer, 1961
Gorgonia occatoria. (Valenciennes, 1855)
Gorgonia palma. Pallas, 1766
Gorgonia reticulum. Pallas, 1766
Gorgonia sarmentosa. Esper, 1789
Gorgonia stricta. Bertoloni, 1825
Gorgonia suberosa. Pallas, 1766
Gorgonia subtilis. Valenciennes, 1855
Gorgonia venosa. Valenciennes, 1855
Gorgonia ventalina. Linnaeus, 1758
Gorgonia venusta. Dana, 1846
Gorgonia petezichans. Pallas, 1766 (nomen dubium)

Nota taxonómica

O termo gorgonia é, así mesmo, o nome común xenérico para referirse a calquera especie de octocoral con esqueleto córneo, incluídas nas subordes Calcaxonia, Holaxonia ou Scleraxonia.

Aínda que algunhas especies deste xénero, como Gorgonia flabellum ou G. ventalina, son quizais as máis coñecidas popularmente, e de aí provén o nome común xenérico.

Características

A estrutura das especies deste xénero é ramificada, na maioría delas en forma de abano, e crecen nun só plano. Forman estruturas en forma de redes interconectadas, compostas de pequeas poliñas fusionadas en mallas apertadas.

A cor da estrutura, que fai as veces de esqueleto, é púrpura, branca ou morada.

Os pólipos, normalmente de cor marrón, amarela ou dourada, crecen aliñados nas pólas, tamén nun só plano e espazados regularmente. Os dalgunhas especies liberan terpenoides que afectan negativamente a outros corais,^[4] sendo en ocasións, unha arma para competir polo espazo e a luz nos arrecifes coralinos.

Algunhas especies alcanzan os 2 m de altura, por outros tantos de ancho.

Hábitat e distribución

Hábitat

Adoitan habitar en arrecifes, coa súa base enterrada no substrato, en solos areosos ou gretas de rochas, entre 1 e 895 m de profundidade,^[2] aínda que son máis frecuentes entre os 2 e os 15 m.

Distribución

Distribúense en augas tropicais do océano Atlántico occidental, no golfo de México, o Caribe, as Bahamas e o Brasil, e tamén no Indo-Pacífico, desde a costa da África oriental, Madagascar, Indonesia, Australia, Nova Zelandia e os territorios dos Estados Unidos de América no Pacífico norte (Hawai, Midway, illas Marianas do Norte, Guam).^[5]

Bioloxía

Alimentación

As especies do xénero Gorgonia conteñen no seu interior algas simbióticas chamadas zooxantelas. As algas realizan a fotosíntese, producindo oxíxeno e glícidos que son aproveitados poas gorgonias, e que se alimentan dos catabólitos das gorgonias (especialmente fósforo e nitróxeno). Porén, alimenténtanse tanto dos produtos que xeran estas algas (entre un 75 e un 90 %) como das presas do microplancto, que capturan cos seus minúsculos tentáculos.^[6]

Reprodución

Reprodúcense sexual e asexualmente.^[2]

Galería

Un equinodermo crinoideo vermello e unha gorgonia branca no golfo de México
Pavimento de gorgonias con grupos de coral duro
Gorgonia arborescente
Gorgonia flabellum
Gorgonia ventalina

Notas

↑ ^1,0 ^1,1 ^1,2 Gorgonia Linnaeus, 1758 no WoRMS.
↑ ^2,0 ^2,1 ^2,2 ^2,3 Gorgonia na EOL.
↑ Gorgonia no Merriam-Webster Dictionary.
↑ Borneman, Eric H. (2001): Aquarium corals: selection, husbandry and natural history. Neptune City, Nova Jersey, USA: TFH Publications, Inc. ISBN 978-1-8900-8747-0.
↑ "Copia arquivada". Arquivado dende o orixinal o 08 de setembro de 2020. Consultado o 14 de agosto de 2020.
↑ Las Gorgonias o Abanicos de Mar, ¿corales o no? en buceoiberico.com (en castelán).

Véxase tamén

Bibliografía

Baensch, Hans A. & Debelius, Helmut (1998): Marine Atlas. Osnabrück, Baixa Saxonia, Alemaña: Mergus Verlag GmbH. ISBN 978-3-8824-4054-6.
Borneman, Eric H. (2001): Aquarium corals: selection, husbandry and natural history. Shelburne, Vermont, USA: Microcosm Ld. ISBN 978-1-8900-8747-0.
Sprung, Julian & Delbeek, J. Charles (1997): The Reef Aquarium. Vol 2. Miami Gardens, Florida, USA: Ricordea Publishing. ISBN 978-1-8836-9313-8.

Outros artigos

Ligazóns externas

Las Gorgonias o Abanicos de Mar, ¿corales o no? en buceoiberico.com (en castelán).
¿Qué son las gorgonias? Un estudio revela que estas plantas son al mar lo que los árboles a la tierra en heraldo.es (en castelán).
Sea fan (genus Gorgonia) na Encyclopaedia Britannica (en inglés).

[W-1] 1,0 ^1,1 ^1,2 Gorgonia Linnaeus, 1758 no WoRMS.

[E-2] 2,0 ^2,1 ^2,2 ^2,3 Gorgonia na EOL.

[3] Gorgonia no Merriam-Webster Dictionary.

[4] Borneman, Eric H. (2001): Aquarium corals: selection, husbandry and natural history. Neptune City, Nova Jersey, USA: TFH Publications, Inc. ISBN 978-1-8900-8747-0.

[5] "Copia arquivada". Arquivado dende o orixinal o 08 de setembro de 2020. Consultado o 14 de agosto de 2020.

[6] Las Gorgonias o Abanicos de Mar, ¿corales o no? en buceoiberico.com (en castelán).

[1]

[2]

[3]

[4]

[5]

[6]