Golfo de Tailandia

Golfo de Tailandia

Tipo	baía
Parte de	South China and Eastern Archipelagic Seas (en) Océano Índico
Situado na entidade xeográfica	Mar da China Meridional e Sueste asiático
9°30′N 102°00′L
Afluentes	Río Chao Phraya ,Bang Pakong River (en) ,Pran Buri River (en) ,Tha Chin River (en) ,Pattani River (en) ,Phetchaburi River (en) ,Khlong Kui (en) ,Mae Nam Bang Nara (en) ,Bang Nara River (en) ,Chanthaburi river (en) ,Khlong Lipa Yai (en) ,Khlong Ban Thale (en) ,Khlong Than Sadet (en)
Características
Profundidade	80 m
Atravesa	Tailandia, Camboxa, Vietnam e Malaisia
Superficie	320.000 km²

O Golfo de Tailandia (en tailandés: อ่าวไทย, Ao Thai) ou Golfo de Siam está localizado no mar da China Meridional (océano Pacífico) e está rodeado por Malaisia, Tailandia, Camboxa e Vietnam. No extremo norte do golfo atópase a desembocadura do río Chao Phraya, no porto de Banqueocoque. O golfo ten unha superficie de 320.000 km².

Características

Localización do golfo.

É relativamente pouco profundo, con medias de 45 a 80 metros de profundidade. Iso fai que a circulación da auga sexa lenta e que os ríos Chao Phraya e Mekong exerzan unha forte influencia sobre o mesmo como unha baixa salinidade e unha gran riqueza en sedimentos. Durante as épocas máis frías da era glacial, o golfo de Tailandia non existía debido á súa pouca profundidade e era tan só unha prolongación do val do río Chao Phraya.

Debido ás calores tropicais, as augas do golfo albergan unha boa cantidade de arrecifes de coral e por tanto existen moitos proxectos de explotación dos mesmos. O lugar máis popular para o turismo é a illa de Ko Samui na provincia de Surat Thani. O golfo é posuidor de riquezas petrolíferas e de gas e é un medio de intercambio turístico e comercial entre os países que teñen costa nel.

Delimitación da IHO

A máxima autoridade internacional en materia de delimitación de mares, a Organización Hidrográfica Internacional (en inglés: International Hydrographic Organization, IHO), considera o golfo de Tailandia como un mar. Na súa publicación de referencia mundial, "Limits of oceans and seas" (do inglés: Límites de océanos e mares, 3ª edición de 1953), asígnalle o número de identificación 47 e defíneo do seguinte xeito:

No Sur.
Unha liña que vai dende o extremo occidental de Cambia ou Punta Camau (8°36'N) até o extremo norte da punta ao lado leste do estuario do río Kelantan (6°14'N, 102°15'S).