Daniel Westling Bernadotte
![](http://upload.wikimedia.org/wikipedia/commons/thumb/7/70/Prince_Daniel.jpg/220px-Prince_Daniel.jpg)
Olof Daniel Westling Bernadotte,[1] nado como Olof Daniel Westling o 15 de setembro de 1973 en Örebro, é o consorte da princesa Vitoria de Suecia. Desde 19 de xuño de 2010, data da súa voda, é príncipe Daniel e duque de Västergötland. A parella ten dous fillos, a princesa Estela e o príncipe Óscar. O seu título oficial é A súa alteza real Daniel, príncipe de Suecia, duque de Västergötland.[2] e está anotado no rexistro civil como Olof Daniel Westling Bernadotte.
Traxectoria
[editar | editar a fonte]![](http://upload.wikimedia.org/wikipedia/commons/thumb/4/4c/Kronprinsessan_Victoria%2C_prinsessan_Estelle_och_Prins_Daniel-5.jpg/220px-Kronprinsessan_Victoria%2C_prinsessan_Estelle_och_Prins_Daniel-5.jpg)
Primeiros anos
[editar | editar a fonte]O pai, Olle Westling, era traballador dos servizos sociais do concello de Sandviken e a nai, Ewa Westling, traballadora dos servizos postais. A familia viviu inicialmente en Almby, integrado en Önebro, onde se bautizou e a continuación mudouse ao concello de Falun e, finalmente, en Ockelbo e alí pasou a crianza Daniel Westling, estudou na Raboskolan (grao 1-6) e despois na Perslundaskolan (7-9) en Ockelbo, e logo entre 1989 e 1991 no Hammargymnasiet de Sandviken.[3]
Realizou o servizo militar no rexemento Hälsinge en Gävle.[3] Despois de se licenciar traballou en escolas e en centros para nenos con necesidades especiais.
Educación e carreira
[editar | editar a fonte]En 1994 marchou a Estocolmo para estudar para monitor deportivo na Escola Superior de Deportes Lillsved na illa de Värmdö completando os seus estudos en 1996[4] e realizando logo un curso de adestrador persoal en Safe-Education en Sundbyberg. Logrou un traballo no ximnasio Master Training de Regeringsgatan en 1997 e o ano seguinte rexistrou unha sociedade unipersoal para traballar como masaxista e adestrador persoal.
En 2004 fundou a compañía Master Training AB. en Estocolmo, con Westling como director executivo e membro do consello de administración co 70 por cento das accións, mentres Patrik Vrbanc e Lars Hellström tiñan o 15 por cento de cada un. Máis tarde tivo as mesmas atribucións na compañía Balance e foi membro do consello de administración do Brasil Development [5]
Matrimonio
[editar | editar a fonte]Daniel Westling coñeceu a princesa Vitoria cando o contrataron como o adestrador persoal da princesa herdeira, e ao pouco comezaron unha relación que se fixo pública no verán de 2002[6]. Desde 2007 vivía coa princesa na residencia oficial dela no palacio de Drottningholm[7] pero non foi ata o 1 de xullo de 2008 que se oficializou, alugando Westling un apartamento dentro do complexo de Drottningholm.[8] O 24 de febreiro de 2009 anunciouse o compromiso entre Daniel Westling e a princesa herdeira no Palacio Real de Estocolmo, renunciando nos meses seguintes aos seus cargos nas empresas, mantendo así e todo as súas accións.[5]. Realizáronlle un transplante de ril o 27 de maio de 2009, o órgano dooullo seu pai para combater unha enfermidade, conxénita pero non hereditaria.[9] O 19 de xuño de 2010 casou con Vitoria de Suecia na catedral de Estocolmo e o 15 de novembro a parella mudouse para o palacio Haga en Solna. A parella tivo o seu primeiro fillo, a princesa Estele, o 23 de febreiro de 2012 e o seu segundo, o príncipe Óscar, o 2 de marzo de 2016.
Papel na familia real
[editar | editar a fonte]![](http://upload.wikimedia.org/wikipedia/commons/thumb/a/a1/Prins_Daniel_vapen_med_Serafimerorden.svg/100px-Prins_Daniel_vapen_med_Serafimerorden.svg.png)
Plo seu matrimonio coa herdeira ao trono Daniel Westling entrou oficialmente na familia real e recibiu , por nomeamento do rei Carl Gustaf, o tratamento e título seguinte: "A súa alteza real Daniel, príncipe de Suecia, duque de Västergötland".[10] Non obstante non está na orde de sucesión ao trono nin pode ser rexente. Como membro da familia real intervén en actos oficiais, canda a princesa herdeira ou en solitario. O seu programa oficial de actividades está coordinado pola casa da princesa herdeira no Palacio Real, onde o príncipe e o seu secretario teñen oficinas.[11] Foi patrón de importantes eventos deportivos, como os Xogos Mundiais de Transplantados de 2011[12], a Eurocopa de feminina de fútbol de 2013[13] ou o Campionato do mundo de hóckey sobre xeo de 2013[14]. Desde 2011 é membro honorario da Fundación Hjärt-Lungfonden.[15]
O seu escudo de armas deseñouno o heraldista do Estado, Henrik Klackenberg e foi confirmado polo rei. O escudo é, como a coroa da princesa Vitoria, unha variante do Grande Escudo do Reino de Suecia, substituíndo o terceiro cuartel polas armas de Västergötland e con coroa principesca. No abismo figura o seu brasón persoal, baseado no escudo do concello de Ockelbo.[16][17][18]
Galería de imaxes
[editar | editar a fonte]-
A princesa herdeira Vitoria e o príncipe Daniel nas celebracións do día nacional en Skansen, 6 de xuño de 2010.
-
O príncipe Daniel cumprimentando a Kofi Annan do día da lembranza do Holocausto, 27 de xaneiro de 2012.
-
O príncipe Daniel co resto da familia real no 66ª aniversario do rei Carl XVI Gustaf, 30 de abril de 2012.
-
O príncipe Daniel, a princesa Vitoria e a princesa Estela, o 6 de xuño de 2013.
-
O príncipe Daniel e a princesa Estela o 12 de marzo de 2014.
Ordes e condecoracións
[editar | editar a fonte]Suecia
[editar | editar a fonte]Cabaleiro e comandante da Orde dos Serafíns. Nomeado logo do seu casamento o 19 de xuño de 2010
Comandante da Orde da Estrela Polar (levando a insignia dende o 1 de outubro de 2013
Estranxeiro
[editar | editar a fonte]Gran Cruz da Orde da Cruz da Terra Mariana (12 de xaneiro de 2011)[19]
Gran Cruz da Orde da Rosa Branca de Finlandia (17 de abril de 2012)[20]
Notas
[editar | editar a fonte]- ↑ ”Prins Daniel byter namn” Expressen, 26 de xuño de 2010.
- ↑ Prutkov, Kozma, Annuaire de la Noblesse Moderne des Maisons Principales de l'Europe, Montréal, 2010 (ISSN 1925-5594) [1] Arquivado 13 de abril de 2020 en Wayback Machine. (fr)
- ↑ 3,0 3,1 Alexandersson, Jenny (2009). Förlovningen 2009 Stockholm: Schibsted, p. 63 ISBN 978-91-7738-800-5
- ↑ ”Biografí” Sveriges Kungahus Arquivado 24 de xuño de 2010 en Wayback Machine..
- ↑ 5,0 5,1 "Tvingas att sluta jobba", Aftonbladet 14 de novembro de 2009
- ↑ Alexandersson, Jenny (2009). Förlovningen 2009 Stockholm: Schibsted, p. 23
- ↑ Johan T Lindwall. ”Victoria och Daniel isolerade i 2-rummare”. Expressen, 2 de xaneiro de 2009.
- ↑ Alexandersson, Jenny (2009). Förlovningen 2009 Stockholm: Schibsted, p. 34
- ↑ Emma Johannisson e Matilda Uusijärvi "Livslång medicinering väntar efter njuroperation", Svenska Dagbladet, 27 de maio de 2009
- ↑ "Herr Daniel Westling blir Prins av Sverige" Arquivado 11 de abril de 2016 en Wayback Machine., Sveriges Kungahus, 30 de maio de 2010
- ↑ ”H.K.H. Kronprinsessans hovstat” Arquivado 27 de setembro de 2015 en Wayback Machine., Sverige Kungahus
- ↑ "Prins Daniel beskyddar tävling Arquivado 13 de abril de 2020 en Wayback Machine.", Abrbetarbladet, 7 de abril de 2011.
- ↑ "Prins Daniel till EM-invigningen", Svenska Fotbollförbundet, 5 de xuño de 2013
- ↑ Pär Andersson "Prins Daniel utsedd till beskyddare för VM", Hockey, 26 de setembro de 2012
- ↑ "Hjärt Lungfonden - Prins Daniels forskningsanslag", Hjârt Lungfonden, 3 de xuño de 2013
- ↑ "Riksarkivet skapar Daniel Westlings vapen", Riksarkivet 5 de maio de 2010
- ↑ Henrik Klackenberg, "Vapen för Prins Daniel, hertig av Västergötland" Heraldisk tidsskrift, 11:102 (2010)]
- ↑ Nya heraldiska vapen 2010, Statsheraldikern
- ↑ Bearers of decorations, President of the Republic of Estonia, läst 19 januari 2011.
- ↑ ”Presidenttiparimme kuningasparin illallisvieraana Tukholmassa” Arquivado 29 de agosto de 2016 en Wayback Machine. (en finés)