Como 1907
| Como | ||||
|---|---|---|---|---|
 | ||||
| Nome | Como 1907 S.r.l. | |||
| Fundación | 1907 2005 (refundado) 2005 (refundado) | |||
| Estadio | Giuseppe Sinigaglia | |||
| Inauguración | 1927 | |||
| Capacidade | 13,602 | |||
| Propietario | Djarum | |||
| Presidente |  Dennis Wise | |||
| Adestrador |  Giacomo Gattuso | |||
| Liga | Serie B | |||
| 2022/23 | 13º | |||
| Na rede | ||||
| https://comofootball.com/ | ||||
      | ||||
| ||||
O Como 1907, coñecido simplemente como Como, é un club de fútbol italiano con sede en Como, Lombardía. Fundado en 1907, milita na Serie B, a segunda categoría do fútbol italiano. O seu equipamento habitual é de cor azul.[1]
O Como militou durante 13 tempadas na Serie A, obtendo como mellor resultado o da campaña da súa estrea na máxima categoría, a 1949/50, na que rematou sexto.
A 2002/03 foi a súa última tempada na Serie A, e a continuación sufriu tres descensos consecutivos ata a Serie C2. O club foi á quebra e foi refundado en 2005, pero volveu caer en bancarrota en 2016. Ao ano seguinte foi de novo refundado e admitido na Serie D,[2] ascendendo á Serie C en 2019 e á Serie B en 2021.
Historia
[editar | editar a fonte]O Como ascendeu por primeira vez á Serie A en 1949 e na súa estrea na máxima categoría do fútbol italiano logrou un sexto posto. Tras catro anos na elite descendeu ao remate da tempada 1952/53. Pasaron dúas décadas ata que o club conseguiu acadar de novo a Serie A, logrando o ascenso na tempada 1974/75. Volveu descender só un ano despois, e en 1978 caeu ata a Serie C1, pero cun equipo reconstruído con destacados futbolistas como Pietro Vierchowod, o Como logrou dous ascensos consecutivos ata a Serie A, na que permaneceu durante dúas campañas (1980–82).
O club lombardo conseguiu outro ascenso á Serie A en 1984, e mantívose durante cinco anos na categoría. Con xogadores como Dan Corneliusson, Stefano Borgonovo ou Pasquale Bruno, acadou dous noveno posto nas tempadas 1985/86 e 1986/87. O descenso de 1989 deu inicio a un período de malos resultados, que levaron o equipo a militar durante a maior parte da década de 1990 na Serie C1 coa única excepción da campaña 1994/95.
Quebra e breve ascenso á Serie B
[editar | editar a fonte]A comezos do século XXI o Como experimentou un breve renacemento, conseguindo dous ascensos consecutivos dende a Serie C1 ata a Serie A. Con todo, a experiencia na máxima categoría durou só un ano, e o equipo sufriu tres descensos consecutivos nas tres seguintes tempadas, baixando ata a Serie C2 e caendo en bancarrota en 2004.[3] O club foi liquidado e refundado como Calcio Como Srl,[4] iniciando a súa nova andaina na Serie D durante a tempada 2005/06 . Case unha década despois, na campaña 2014/05, o equipo logrou regresar á Serie B, tras vencer ao Bassano Virtus na fase de ascenso, pero volveu caer á terceira categoría na seguinte campaña.
FC Como / Como 1907
[editar | editar a fonte]Na tempada 2016/17 xurdiron novos problemas económicos, que provocaron unha nova bancarrota do club. Os activos da entidade foron adquiridos por Akosua Puni Essien, esposa do futbolista ghanés Michael Essien e primeira empresaria estranxeira do fútbol italiano (a través da súa empresa FC Como Srl).[5]
Con todo, a Federación Italiana de Fútbol (FIGC) rexeitou a solicitude do FC Como como sucesor do Como na Serie C 2017/18,[6] xa que non cumpría todos os requisitos do artigo 52 da NOIF.[7] No seu lugar, outro club chamado Como 1907 Srl,[8] foi admitido na Serie D 2017/18 como sucesor do Como orixinal.[9][10]
En 2019 o equipo conseguiu o ascenso á Serie C e dous anos despois á Serie B.
Desde 2019, o club é propiedade da empresa indonesia Djarum Group dirixida por Michael Hartono e Robert Budi Hartono. Dennis Wise, ex xogador do Chelsea, foi nomeado presidente.
Palmarés
[editar | editar a fonte]- Serie B (3): 1948/49, 1979/80, 2001/02.
- Serie C (4): 1930/31, 1967/68, 1978/79, 2020/21.
- Serie D (2): 2007/08, 2018/19.
- Copa Italia Serie C (1): 1996/97.
- Copa Italia Serie D (1): 2007/08.
Notas
[editar | editar a fonte]- ↑ "Clubs de fútbol de Lombardía" (PDF). crlombardia.it (en italiano). 2 de outubro de 2020. Arquivado dende o orixinal (PDF) o 18 de xuño de 2021. Consultado o 26 de setembro de 2022.
- ↑ "Comunicato Ufficiale N° 14 del 14/8/2017" (PDF). seried.lnd.it (en italiano). Consultado o 26 de setembro de 2022.
- ↑ Binda, Nicola (29 de decembro de 2004). "«Ecco come salverò il Como»". La Gazzetta dello Sport (en italiano). Consultado o 26 de setembro de 2022.
- ↑ "CALCIO COMO S.R.L.". legaproago.football.it (en italiano). Arquivado dende o orixinal o 29 de xullo de 2010. Consultado o 26 de setembro de 2022.
- ↑ "Il Como è di Lady Essien: «Vi porteremo in serie B»" (en italiano). 16 de marzo de 2017. Consultado o 26 de setembro de 2022.
- ↑ "LEGA PRO: L'ESITO DEL CONSIGLIO DIRETTIVO" (Nota de prensa) (en italiano). Lega Pro. 3 de xullo de 2017. Arquivado dende o orixinal o 30 de xullo de 2017. Consultado o 4 de xullo de 2017.
- ↑ Improta, Marcellino (28 de xuño de 2017). "Como, secondo il regolamento è fuori dalla Lega Pro" (en italiano). Arquivado dende o orixinal o 26 de setembro de 2022. Consultado o 26 de setembro de 2022.
- ↑ "Comunicato Ufficiale N° 14 del 14/8/2017" (PDF). Federación Italiana de Fútbol (en italiano). Consultado o 26 de setembro de 2022.
- ↑ Vitale, Michela (2 de agosto de 2017). "Como 1907 ammesso in sovrannumero alla serie D intanto arriva il nuovo sponsor tecnico" (en italiano). Consultado o 26 de setembro de 2022.
- ↑ "Serie D 2017/2018: I gironi" (en italiano). Arquivado dende o orixinal o 23 de xuño de 2018. Consultado o 26 de setembro de 2022.