Cú Chulainn
![]() ![]() | |
Biografía | |
---|---|
Actividade | |
Ocupación | guerreiro ![]() |
Profesores | Scáthach ![]() |
Carreira militar | |
Lealdade | Ulaid e Conchobar mac Nessa ![]() |
Familia![]() | |
Cónxuxe | Emer |
Parella | Aífe Fand Uathach ![]() |
Fillos | Connla ( ![]() ![]() |
Pais | Lugh e Súaltam ![]() ![]() |
![](http://upload.wikimedia.org/wikipedia/commons/thumb/6/60/Cuslayshound.jpg/250px-Cuslayshound.jpg)
Cú Chulainn ( pronunciación (axuda · info)), é o heroe mitolóxico irlandés máis famoso do ciclo do Ulster, así como dentro do folclore de Escocia e da Illa de Man. Fillo do deus celta Lugh e Dectera, irmá do rei do Ulster, o seu nome orixinal era Setanta, pero tomou o nome polo que é máis coñecido de Cú Chulainn ("o can de Culann", en irlandés) cando de neno, ó ir visitar o seu pai adoptivo na casa do ferreiro Culann, matou a cadela que a gardaba. Nese momento comprometeuse a facer de can gardián do ferreiro ata que a cría da defunta chegara á idade adulta e puidese facer o seu traballo.
A formación como guerreiro de Cú Chulainn, levouna a cabo a druída Skatsha, que lle ensinou a utilizar a súa famosa lanza: Gae Bolg. Ós 17 anos, defendeu o Ulster el só contra os exércitos da raíña Maeb de Connacht na épica Táin Bó Cúailnge ("A batalla dos bois de Cualinge"). Coñéceselle pola súa arrepiante febre na batalla ou ríastrad,[1] na que se transforma nun monstro irrecoñecible que non distingue entre os amigos e os inimigos. Loita montado no seu carro, conducido polo seu leal auriga Láeg, e do que tiran os seus cabalos, Liath Macha e Dub Sainglend.
Cú Chulainn morreu loitando contra os exércitos das outras tres provincias de Irlanda, unidas pola raíña Maeb. Cóntase que loitou ata o derradeiro intre ata a súa morte, e os exércitos inimigos só se decidiron a atacalo cando viron que un corvo se pousaba no seu ombreiro para beber o seu sangue.
![](http://upload.wikimedia.org/wikipedia/commons/thumb/c/c2/Cuchulain_in_Battle.jpg/300px-Cuchulain_in_Battle.jpg)
Notas
[editar | editar a fonte]- ↑ (Dictionary of the Irish Language, Compact Edition, Royal Irish Academy, Dublin, 1990, p. 507)
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Cú Chulainn ![]() |
Bibliografía
[editar | editar a fonte]- Sutcliff, Rosemary (1992). The Hound of Ulster. Londres: Red Fox.
![]() |
A Galipedia ten un portal sobre: Irlanda |