Biocombustible
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2020.) |
O biocombustible é o termo para denominar calquera tipo de combustible que derive da biomasa -organismos recentemente vivos ou os seus refugallos metabólicos, tales como o esterco da vaca-. Os restos orgánicos foron a primeira fonte de enerxía que coñeceu a humanidade: a madeira ou os excrementos secos son biocombustibles.
Se se administra ben, a madeira dos bosques pode ser un recurso renovable. Deste xeito propúxose a biomasa como fonte de enerxía. Unha destas biomasas sería a lavra de madeira (un exemplo), produto da limpeza dos bosques ou ata da súa explotación racional.[Cómpre referencia]
![](http://upload.wikimedia.org/wikipedia/commons/thumb/7/72/Starr_030523-0142_Saccharum_officinarum.jpg/200px-Starr_030523-0142_Saccharum_officinarum.jpg)
Os combustibles de orixe biolóxica poden substituír parte do consumo dos combustibles fósiles tradicionais (petróleo, carbón). Os biocombustibles máis usados e desenvolvidos son o bioetanol e o biodiésel.
- O bioetanol, tamén chamado etanol de biomasa, obtense a partir de millo, sorgo, cana de azucre ou remolacha. Brasil é o principal produtor de Bioetanol (45% da produción mundial), Estados Unidos representa o 44%, China o 6%, a Unión Europea o 3%, India o 1% e outros países o restante 1%.
- O biodiésel fabrícase a partir de aceites vexetais, que puideron ser usados ou non. Neste último caso acostúmase usar raps, colza, soia ou jatropha, os cales son cultivados para este propósito. O principal produtor de biodiésel no mundo é a Alemaña, que concentra o 63% da produción. Séguea a Francia co 17%, os Estados Unidos co 10%, a Italia co 7% e Austria co 3%.
Regulación
[editar | editar a fonte]En España existe un tipo impositivo especial para biocarburantes de cero euros por 1000 litros. O tipo especial aplicarase exclusivamente sobre o volume de biocarburante aínda cando este se utilice mesturado con outros produtos.[Cómpre referencia]
Considéranse como biocarburantes os seguintes produtos:
- O alcohol etílico, producido a partir de produtos agrícolas ou de orixe vexetal (bioetanol) definido no código NC 2207.20, xa for utilizado como tal ou previa modificación química.
- O alcohol metílico (biometanol), definido no código NC 2905.11.00 e obtido a partir de produtos de orixe agrícola ou vexetal, xa for utilizado como tal ou previa modificación química.
- Os aceites vexetais definidos nos códigos NC 1507, 1508, 1510, 1511, 1512, 1513, 1514, 1515 e 1518, utilizados como tales ou previa modificación química.
Véxase tamén
[editar | editar a fonte]Outros artigos
[editar | editar a fonte]- Combustíbel de algas
- Etanol (combustible)
- Cambio climático
- Enerxías renovábeis en Alemaña
- Impacto ambiental
- Pegada ecolóxica
- Ecoloxismo
- Permacultura
- Desenvolvemento sustentábel
Ligazóns externas
[editar | editar a fonte]- Páxina web da Campaña Internacional de Alerta cara os Agrocombustibles
- Artigo en Zonaeconomica sobre biocombustibles
- Web experta no tratamiento de información sobre biocombustibles e no contacto entre os axentes que interveñen neste sector.
- Información sobre biocombustiblesArquivado 16 de agosto de 2007 en Wayback Machine.