Saltar ao contido

Bandeira de Crimea

Na Galipedia, a Wikipedia en galego.
Bandeira de Crimea
Bandeira de Crimea
Características
Proporción1:2
Adopción24 de setembro de 1992
Cores     Azul      Branco      Vermello

A bandeira de Crimea (en ruso: Флаг Крыма; en ucraíno: Прапор Криму; en tártaro de Crimea: Qırım bayrağı / Къырым байрагъы) é a bandeira da República Autónoma de Crimea de Ucraína, e da República de Crimea reclamada por Rusia. A bandeira foi adoptada oficialmente o 24 de setembro de 1992[1] como bandeira da República Autónoma de Crimea, readoptada o 21 de abril de 1999,[2] despois reaprobada o 4 de xuño de 2014 como bandeira da República de Crimea, anexada pola Federación Rusa.

A bandeira é unha tribanda, con raias horizontais en azul-branco-vermello. A franxa azul está situada no bordo superior e ten 1/6 do ancho da bandeira. A franxa branca é a máis grande das tres e ten 2/3 do ancho da bandeira, e a franxa vermella está situada no bordo inferior e ten 1/6 do ancho da bandeira.

Cando se ondea verticalmente, a franxa azul da bandeira debe estar á esquerda, o campo branco no centro e a franxa vermella á dereita. A lonxitude da bandeira é o dobre da súa anchura.

Bandeiras étnicas dos tártaros de Crimea

[editar | editar a fonte]
Bandeira do pobo tártaro de Crimea (Qırımtatar bayrağı / Къырымтатар байрагъы ou Kök bayraq / Кёк байракъ).

Durante a formación da efémera República Popular de Crimea do tártaros de Crimea en 1917, a bandeira usada foi a azul ceo cun tamğa dourado, coñecida como Kök Bayraq ou "bandeira azul". Utilizouse unha bandeira de cor verde con fins relixiosos e a bandeira de cor vermella como bandeira militar dos tártaros.[3] Dende 1991, a versión azul ceo é a usada como bandeira étnica dos tártaros de Crimea.

  • Bandeira militar dos tártaros de Crimea (1917–1918).
    Bandeira militar dos tártaros de Crimea (1917–1918).
  • Bandeira relixiosa dos tártaros de Crimea (1917–1918).
    Bandeira relixiosa dos tártaros de Crimea (1917–1918).
  • Emblema circular co tamğa dos tártaros de Crimea.
    Emblema circular co tamğa dos tártaros de Crimea.

Notas

[editar | editar a fonte]
  1. ↑ http://zakon4.rada.gov.ua/krym/show/rb0146002-92
  2. ↑ Ukrainian heraldry Arquivado 14 de febreiro de 2020 en Wayback Machine. — Flag of Crimea URL consultado o 22 de febreiro de 2007
  3. ↑ Jaume Olle', Crimea: The Tatars (Ukraine), Flags of the World — (10 de xullo de 2000). "adoptada en novembro de 1917, abolida en xaneiro de 1918" (Jaumé Olle, Historical Flags, 1998).

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Bandeira_de_Crimea&oldid=6629798»