Agustín Hernández
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2018.) |
![]() ![]() | |
Biografía | |
---|---|
Nacemento | 31 de marzo de 1961 ![]() Madrid, España ![]() |
![]() | |
2014 – 2015 ← Ángel Currás Fernández – Martiño Noriega → | |
![]() | |
2009 – 2014 ← María Xosé Caride – Ethel Vázquez → ![]() | |
Datos persoais | |
País de nacionalidade | España ![]() |
Educación | Universidade Politécnica de Madrid ![]() |
Actividade | |
Ocupación | político , enxeñeiro de camiños ![]() |
Partido político | Partido Popular ![]() |
Membro de | |
Lingua | Lingua castelá ![]() |
![]() ![]() |
Agustín Hernández Fernández de Rojas, nado en Madrid o 31 de marzo de 1961, é un enxeñeiro de camiños, canles e portos pola Universidade Politécnica de Madrid e ademais un político galego do PPdeG.
Traxectoria
[editar | editar a fonte]Funcionario de carreira. En 1985 participou como enxeñeiro na construción do encoro de Santa Uxía, que imposibilitou durante vinte e cinco anos que o río Xallas desembocase no mar na fervenza do Ézaro. A raíz dunha denuncia do grupo ecoloxista AMS-Ríos con Vida, o propio Hernández resolveu en abril de 2011, sendo conselleiro de Medio Ambiente, impoñer un caudal ecolóxico a empresa FerroAtlántica na fervenza do Ézaro.[1]
Foi Director Xeral de Obras Públicas desde 1998 ata 2005. Nas Eleccións ao Parlamento de Galicia de 2009 foi elixido deputado pola provincia de Pontevedra nas listas do PPdG, e ocupou o cargo de conselleiro de Medio Ambiente, Territorio e Infraestruturas na Xunta de Galicia presidida por Alberto Núñez Feijoo. Cesou no cargo en xuño de 2014 para ser alcalde de Santiago de Compostela. Agustín Hernández concorrera pechando a candidatura municipal do PPdG nas eleccións municipais de 2011, e trala dimisión da práctica totalidade do equipo de goberno municipal pasou a conformar un goberno con varios edís non electos, tras agota-la práctica totalidade dos suplentes da candidatura. Encabezou a candidatura do PPdeG nas eleccións municipais de 2015 e perdeu a alcaldía en favor do candidato de Compostela Aberta Martiño Noriega, tras pasar a ser a segunda forza. Durante este mandato asumiu a portavocía do grupo municipal, foi deputado provincial e asumiu a presidencia local do PPdeG en Santiago. Encabezou novamente a candidatura popular nas eleccións municipais de 2019 e volveu ser derrotado, nesta ocasión polo socialista Xosé Sánchez Bugallo.
En setembro de 2019 renunciou aos seus cargos no concello e no comité local do partido en Santiago, pasando a asumi-la presidencia do Consello Económico e Social de Galicia. En setembro de 2023 anunciou a súa dimisión. Regresou a Augas de Galicia, como subdirector xeral de Xestión e Execución de Infraestruturas Hidráulicas.[2]
Vida persoal
[editar | editar a fonte]Está casado e ten tres fillos.
Predecesor: María Xosé Caride |
![]() Conselleiro de Medio Ambiente, Territorio e Infraestruturas 2009 - 2014 |
Sucesor: Ethel Vázquez |
Predecesor: Ángel Benito Currás Fernández |
![]() Alcalde de Santiago de Compostela 2014 - 2015 |
Sucesor: Martiño Noriega Sánchez |
Notas
[editar | editar a fonte]- ↑ Recuperada a fervenza do Ézaro non só "por vacacións" Arquivado 25 de setembro de 2019 en Wayback Machine., artigo en Galicia Hoxe.
- ↑ David Reinero (7 de agosto de 2024). "O ex-conselleiro Agustín Hernández reaparece como subdirector xeral en Augas de Galicia". Praza Pública.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Agustín Hernández ![]() |