A abella Maia

A abella Maia
みつばちマーヤの冒険 (Mitsubachi Māya no Bōken)
Anime A abella Maia
Dirixido por	Hiroshi Saitō, Mitsuo Kaminashi e Seiji Endō
Estudio	Nippon Animation
Canle televisiva	TV Asahi
Primeira emisión	1 de abril do 1975 19 de setembro do 2011
Última emisión	20 de abril do 1976 ???
Núm. de capítulos	52
Anime A abella Maia
Dirixido por	Mitsuo Kaminashi
Estudio	Wako Productions, Apollo Film Wien
Canle televisiva	ZDF, TV Osaka, TV Tokyo
Primeira emisión	1 de setembro do 1979
Última emisión	13 de setembro do 1980
Núm. de capítulos	52

A abella Maia (みつばちマーヤの冒険, Mitsubachi Maya no boken, lit. "As aventuras da abella Maia") é unha serie de televisión de anime producida por Zuiyo Enterprise (hoxe: Nippon Animation) no Xapón. A serie consta de 52 episodios e a súa estrea foi na canle xaponesa TV Asahi no 1975. Baseado no libro do escritor alemán Waldemar Bonsels, publicado en 1912, que acadou grande sona durante a Segunda Guerra mundial. A serie de anime volveuse sumamente popular en Europa e foi retransmitida numerosas veces en diversos países e linguas en todo o mundo dende a súa estrea.

Unha segunda serie d'A abella Maia, 新みつばちマーヤの冒険 Shin Mitsubachi Māya no Bōken (As novas aventuras da abella Maia), foi co-producida no 1979 por Wako Productions e mais Apollo Film Wien. Estreouse primeiro en Alemaña na canle ZDF, en setembro do 1979 ata setembro do 1980. Esta segunda serie doutros 52 episodios, non foi moi popular e non se estreu no Xapón ata outubro do 1982, na canle tv Osaka. Dez episodios desta serie foron engadidos ós 45 episodios da orixinal para a emisión dos EUA, transmitindo en total en Nickelodeon 55 episodios nos EUA.

En Galicia a súa estrea en galego chegou o 19 de setembro do 2011, emitida na tvG2 da man do Xabarín Club.

Sinopse

A historia céntrase nas aventuras de Maia, unha pequena abella inqueda, aventureira e preguntona, así como da forma que ten de se desenvolver nunha contorna infestada de todo tipo de insectos e demais bechos. Maia é enviada pola abella raíña a buscar pole para a súa colmea. Nesa tarefa, Maia, canda ó seu inseparable amigo Willi o abáboro, descobre un mundo novo ó seu redor e establece amizade con numerosas criaturas do bosque como o saltón Flip, araña Tecla, a mosca Puck, o escaravello Kurt ou o rato Alexandro.

Dobraxe

Personaxe	Seiyū	Actor de dobraxe
Maia	Michiko Nomura	Ana Santos
Willi	Ichirō Nagai	Antía Álvarez Jiménez
Flip	Ichirō Nagai	Xoán Dieguez
Alexandre		Daniel Lema
Tecla	Terue Nunami
Kurt

Novos episodios

Co gaio do cen aniversario a cadea ZDF ten anunciada a estrea de 78 novos episodios rodados en 3D.

Véxase tamén

Outros artigos

• Anime
• A abella Maia (serie de televisión de 2012)

Ligazóns externas

• A abella Maia na IMDb (en inglés).
• A abella Maia en Anime News Network