Éric Abidal

Éric Abidal

(2008)
Nome orixinal	(fr) Eric Abidal
Biografía
Nacemento	(fr) Eric Sylvain Abidal 11 de setembro de 1979 (44 anos) Saint-Genis-Laval, Francia
Datos persoais
País de nacionalidade	Francia
Relixión	Islam
Altura	186 cm
Peso	75 kg
Actividade
Ocupación	futbolista
Período de actividade	2000 - 2014
Lingua	Lingua francesa
Nacionalidade deportiva	Francia
Deporte	fútbol
Posición de xogo	Lateral e defensa
Traxectoria   Equipo 1999-2000 Association Sportive Lyon-Duchère (pt) 2000-2002 AS Monaco FC 22 (0) 2002-2004 Lille OSC 62 (0) 2004-2007 Olympique Lyonnais 76 (0) 2007-2013 Futbol Club Barcelona 125 (0) 2013-2014 AS Monaco FC 26 (0) 2014-2014 Olympiakos Sindesmós Filathlon Piraiévs 9 (0)   Selección nacional 2004-2013   Francia 67 (0)
Participou en
2010	Mundial de Fútbol Suráfrica 2010
xuño de 2008	Eurocopa de Fútbol Austria/Suíza 2008
2006	Mundial de Fútbol Alemaña 2006

Éric Abidal, nado en Lión o 11 de setembro de 1979, é un ex-futbolista francés (de ascendencia de Martinica) que xogaba na posición de lateral esquerdo, aínda que podía adaptarse ao posto de central.

Traxectoria

Debutou no ano 2000 nas filas do AS Mónaco, co que disputou 22 partidos ligueiros ao longo de dúas tempadas. Unha vez terminadas foi traspasado ao Lille OSC, no que adoptou o alcume de "O Queniata" debido á súa forza e resistencia física. Abidal tamén permanecería dous anos no club, aínda que nesta ocasión disputou 62 encontros ligueiros.

O seu rendemento chamou a atención do Olympique de Lión que decidiu fichalo en 2004 a pesar de que uns meses antes fora detido pola policía francesa ao acharlle 200 gramos de haxix no seu coche.

Participou máis tarde no Mundial de Alemaña. Nesta cita mundialista, a prensa fixo especial fincapé en que a maior parte dos xogadores que integraban o combinado de Raymond Domenech procedían xa sexa das antigas colonias de Francia ou dos territorios franceses de ultramar. Entre eles estaba Abidal, posto que os seus pais naceron en Martinica.

Finalmente, o 28 de xuño de 2007 o FC Barcelona tras chegar a un acordo co Olympique de Lión, fichou ao lateral francés por 14 millóns de euros e foi presentado co dorsal 22.

Eric debutou co club azulgrana durante a pretemporada realizada en Escocia e Asia. foi nomeado mellor lateral esquerdo de Europa no ano 2007 ao ser nomeado no equipo ideal da FIFA.

Na tempada 2009/2010, empezou moi ben, pero unha lesión fixo que se perdese gran parte da tempada, ocupando o seu lugar o brasileiro Maxwell. Volveu no último partido da tempada, contra o Real Valladolid, partido no que o FC Barcelona gañou a Liga BBVA. Ese día, Eric fixo un gran partido.

Selección nacional

Foi internacional coa Selección de fútbol de Francia, xogou 67 partidos internacionais.

Participacións en Mundiais

Mundial	Sede	Resultado
Mundial 2006	Alemaña	Subcampión
Mundial 2010	Suráfrica	Primeira fase

Palmarés

Campionatos nacionais

Título	Club	País	Ano
Ligue 1	Olympique de Lión	Francia	2005
Ligue 1	Olympique de Lión	Francia	2006
Ligue 1	Olympique de Lión	Francia	2007
Copa do Rei	FC Barcelona	España	2009
Liga de España	FC Barcelona	España	2009
Supercopa de España	FC Barcelona	España	2009
Liga de España	FC Barcelona	España	2010
Supercopa de España	FC Barcelona	España	2010

Copas internacionais

Título	Club	País	Ano
Liga de Campións da UEFA	FC Barcelona	España	2009
Supercopa de Europa	FC Barcelona	España	2009
Copa Mundial de Clubs da FIFA	FC Barcelona	España	2009

Vida persoal

Esta casado con Hayet Kebir, unha francesa de orixe alxerina, e converteuse ao islam. Teñen dúas fillas.

Abidal é un experto en decoración e bricolaxe, ademais é un dos donos dun restaurante de alta cociña francesa de Lión.

Éric marcou o seu primeiro gol en partido oficial no Estadio de San Mamés o 5 de xaneiro de 2011, salvando un penalti na quenda eliminatoria no Mundial de Alemaña 2006, pero non serviu de nada posto que Italia acabaría impóndose.

Véxase tamén

Ligazóns externas

• Ficha de Abidal no sitio web do FC Barcelona