John Wesley
![]() ![]() | |
Biografía | |
---|---|
Nacemento | 17 de xuño de 1703 (Xuliano) ![]() Epworth (Reino de Inglaterra) ![]() |
Morte | 2 de marzo de 1791 ![]() St Luke's (Reino de Gran Bretaña) ![]() |
Lugar de sepultura | Wesley's Chapel (en) ![]() ![]() |
Datos persoais | |
País de nacionalidade | Reino de Gran Bretaña ![]() |
Relixión | Metodismo e Igrexa Anglicana ![]() |
Educación | Christ Church College Charterhouse School (en) ![]() ![]() |
Actividade | |
Ocupación | Methodist pastor (en) ![]() ![]() |
Influencias | |
Lingua | Lingua alemá, lingua inglesa, lingua latina e lingua grega ![]() |
Día de festividade relixiosa | 2 de marzo ![]() |
Obra | |
Arquivos en | |
Familia![]() | |
Cónxuxe | Mary Vazeille (1751–) |
Pais | Samuel Wesley ![]() ![]() ![]() |
Irmáns | Mehetabel Wright (pt) ![]() ![]() ![]() |
![]() ![]() ![]() ![]() ![]() ![]() |
John Wesley, nado en Epworth o 6 de xuñoxul./ 17 de xuño de 1703greg. e finado en Londres o 2 de marzo de 1791 foi un clérigo, teólogo e evangelista inglés, líder do avivamento na Igrexa de Inglaterra coñecido como metodismo. As sociedades que fundou convertéronse na forma dominante do movemento metodista independente ata a actualidade.
Educado en Charterhouse e Christ Church, Oxford, Wesley foi elixido membro do Lincoln College, Oxford, en 1726 e ordenado pastor anglicano dous anos despois. Liderou o "Holy Club", sociedade formada co propósito de estudar e procurar unha vida cristiá devota. Fora fundado polo seu irmán, Charles, e tiña a George Whitefield entre os seus membros. Tras un ministerio sen éxito de dous anos en Savannah na colonia de Xeorxia, Wesley volveu a Londres e uniuse á sociedade relixiosa liderada por cristiáns moravos. O 24 de maio de 1738 experimentou o que se chamou a súa conversión evanxélica, cando sentiu o seu "corazón estrañamente cálido". Entón deixou os moravos e comezou o seu propio ministerio.
Un paso fundamental no desenvolvemento do ministerio de Wesley foi, como Whitefield, viaxar e predicar no exterior. En contraste co calvinismo de Whitefield, Wesley abrazou as doutrinas arminianas. Viaxando por Gran Breatña e Irlanda, axudou a formar e organizar pequenos grupos cristiáns que desenvolveron responsabilidade intensa e persoal, disciplina e instrución relixiosa; máis importante, nomeou evanxelistas itinerantes e sen ordenar para que coidasen estes grupos de persoas. Baixo a dirección de Wesley, os metodistas fixéronse líderes en moitos asuntos sociais do momento, incluídas a reforma das prisións e a abolición da escravitude.
Aínda que non era un teólogo sistemático, Wesley discutía o concepto de perfección cristiá e contra o calvinismo, en particular contra a súa doutrina de predestinación. Mantivo que, nesta vida, os critiáns podían acadar un estado en que o amor de Deus "reinase de xeito supremo nos seus corazóns", dándolles non só santidade exterior senón tamén interior. O seu evanxelicalismo, firmemente establecido sobre a teoloxía sacramental, mantiña que os medios da graza ás veces tiñan un papel na santificación do crente, a pesar de que ensinaba que era pola fe polo que un crente se transformaba no rostro de Cristo, e que as boas obras eran a proba de que unha persoa o era. Animou a xente a experimentar a Xesús Cristo persoalmente nunha "forma máis excelente" de "perfección cristiá". As ensinanzas de Wesley, coñecidas como teoloxía wesleyana, continúa a formar a base da doutrina das igrexas metodistas.
Durante a súa vida, Wesley permaneceu na Igrexa de Inglaterra, insistindo en que o movemento metodista cadraba ben na súa tradición.[1] Nos seus primeiros tempos de ministerio, Wesley foi apartado da predicación en moitas parroquias e os metodistas foron perseguidos; máis adiante foi amplamente respectado e, ao final da súa vida, foi descrito como "o home máis amado de Inglaterra".[2]
Commemoración e legado
[editar | editar a fonte]Wesley continúa a ser a influencia teolóxica primeira dos grupos metodistas e herdeiros do metodismo en todo o mundo. É conmemorado no Calendario de Santos da Igrexa Evanxélica Luterana de América o 2 de marzo xunto co seu irmán Charles. Ambos son tamén conmemorados o 3 de marzo no Calendario de Santos da Igrexa Episcopal dos Estados Unidos de América e o 24 de maio no calendario anglicano.
En 2002, Wesley foi listado no número 50 da listaxe da BBC dos 100 grandes británicos, tras unha enquisa entre o público británico.[3]
A casa e a capela de Wesley, construída en 1778 en City Road en Londres, continúan intactas e na capela teñen lugar servizos regulares, ademais de ter na cripta a sede do museo do Metodismo.
Numerosas escolas, colexios, hospitales e institucións reciben o nome de Wesley. En 1831, a Universidade Wesleyana en Middletown (Connecticut), foi a primeira institución de educación superior dos Estados Unidos que recibiu o seu nome. Na actualidade é unha institución segrar. Arredor de vinte colexios e universidades estadounidenses recibiron posteriormente o seu nome.
O legado de Wesley consérvase na Kingswood School, fundada en 1748 para educar os fillos do crecente número de predicadores metodistas.
-
Statue of Wesley outside Wesley Church en Melbourne, Australia.
-
Panel en Gwennap Pit, Cornualles.
-
Vidreira en Lake Junaluska, Carolina do Norte.
-
Wesley Window en World Methodist Museum, Lake Junaluska.
Notas
[editar | editar a fonte]- ↑ Thorsen 2005, p. 97.
- ↑ Kiefer 2019.
- ↑ BBC 2002.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: John Wesley ![]() |
![]() |
A Galipedia ten un portal sobre: Reino Unido |
Bibliografía
[editar | editar a fonte]- Kiefer, James (2019). "John & Charles Wesley: Renewers of the Church (3 mar 1791)". The Lectionary (en inglés). Consultado o 9 de decembro de 2019.
- Thorsen, Don (2005). The Wesleyan quadrilateral : scripture, tradition, reason & experience as a model of evangelical theology (en inglés). Lexington, Ky: Emeth Press.
- BBC (2002). "BBC reveals 100 great British heroes". BBC News (en inglés). Consultado o 9 de decembro de 2019.
Ligazóns externas
[editar | editar a fonte]- "Wesley Center Online". Wesley Center for Applied Theology. Northwest Nazarene University. Arquivado dende o orixinal o 11 de xaneiro de 2008. Consultado o 12 de xaneiro de 2020.
- John Wesley at the Eighteenth-Century Poetry Archive (ECPA)
- Journal of John Wesley on A Vision of Britain through Time.
- John Wesley papers, 1735-1791 at Pitts Theology Library, Candler School of Theology
- John Wesley historical marker in Savannah, Georgia
- A Man Named Wesley Passed This Way historical marker at St. Simons Island, Georgia
- Reverends John & Charles Wesley historical marker
- The World Is My Parish historical marker