Ubaldo Pasarón

Ubaldo Pasarón Lastra, nado en Ribadeo o 16 de agosto de 1827 e finado en Santo Domingo de Guzmán o 21 de marzo de 1864, foi un militar, inventor e escritor en lingua castelá de orixe galega.

Ubaldo Pasarón

Biografía
Nacemento	16 de agosto de 1827 Ribadeo, España
Morte	21 de marzo de 1864 (36 anos) Santo Domingo, República Dominicana
Actividade
Ocupación	inventor, escritor
Familia
Irmáns	Ramón Pasarón Lastra

Traxectoria

Irmán de Ramón Pasarón Lastra. Foi Capitán do exército español, co que foi destinado a Hispanoamérica. Escribiu dende moi novo poesía, teatro e diversos textos verbo da milicia. Foi colaborador de varios xornais madrileños. Publicou Poesías y leyendas (1850) e Instrución castrametaria o breve método para acampar la Infantería en yermos y despoblados (1861).

Como inventor, ideou un globo dirixíbel de rumbo fixo co que sería posible dar a volta ao mundo, a unha altura dunha legua e en 11 días. Ideouno estando na Habana e sendo capitán de infantaría, e fíxoo público nun artigo na Gaceta de La Habana dos días 24 e 29 de abril de 1862, e pouco despois mediante un folleto publicado na devandita cidade e reeditado ese mesmo ano, moi ampliado e corrixido, baixo o título Pilotage Aereonáutico.

Véxase tamén

Bibliografía

• Dicionario biográfico de Galicia 3. Ir Indo Edicións. 2010-2011. p. 67. 
• Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Couceiro Freijomil, Antonio (1951-53). Diccionario bio-bibliográfico de escritores (en castelán) III. Bibliófilos Gallegos. p. 43. 

Ligazóns externas

• "Ubaldo Pasarón". Álbum da Ciencia do Consello da Cultura Galega. 
• "Ubaldo Pasarón". Álbum de Galicia do Consello da Cultura Galega.