新加坡
新加坡共和国（英文：Republic of Singapore，马来话：Republik Singapura，泰米尔话：சிங்கப்பூர் குடியரச，Cingkappūr Kudiyarasu）係东南亚嗰一只城市岛国。佢係由新加坡岛同到边首上几只岛组成嗰，位到马来半岛南头，马六甲海峡南口，南面隔星加坡海峡同印尼相望，北同马来西亚隔到柔佛海峡。
1819年英国东印度公司嗰莱佛士同柔佛嗰苏丹签订条约，获准到新加坡建立交易站同殖民地。特殊嗰地理位置让新加坡到第二次世界大战之前一迳都係大英帝国到东南亚最重要嗰据点，逐渐新加坡发展成为一只繁荣嗰港口。1965年(8月9日)独立后，新加坡用一代人嗰时间从一只第三世界嗰国家转变为一只富裕嗰发达国家，人均国民生产总值居世界前首。新加坡以廉洁嗰政府、清洁嗰都市、高效率同袂完善嗰法制闻名于世，但同时又以政府严格嗰管制著称。
