Rudolf Nureyev

Rudolf Nureyev
	;
Ainm sa teanga dhúchais	(ru) Рудо́льф Хаме́тович Нуре́ев
Beathaisnéis
Breith	17 Márta 1938; Razdolnoe, An Rúis (en) , i ngar dó
Bás	6 Eanáir 1993 ; 54 bliana d'aois; Levallois-Perret, An Fhrainc
Siocair bháis	Bás nádúrtha (Death from AIDS-related complications (en) )
Áit adhlactha	Sainte-Geneviève-des-Bois Russian Cemetery (en)
Faisnéis phearsanta
Scoil a d'fhreastail sé/sí	Vaganova Academy of Russian Ballet (en)
Gníomhaíocht
Suíomh oibre	An tAontas Sóivéadach
Gairm	damhsóir bailé, máistir bailé, aisteoir, cóiréagrafaí, stiúrthóir
Tréimhse oibre	1958 – 1992
Mac/iníon léinn de chuid	Sulamith Messerer agus Vera Volkova
Mac/iníon léinn	Manuel Legris
Teangacha	An Rúisis agus an Tatairis
Ealaíontóirí gaolmhara	Margot Fonteyn: Margot Fonteyn and Rudolf Nureyev (en)
Saothar
Suíomh a chartlainne	Library of Congress Music Division (en) ;
Croineolaíocht
	nevozvrashchentsy (en)
	Gradam a fuarthas (1987) Capezio Dance Award (en) ; Chevalier de la Légion d'honneur‎; Commandeur des Arts et des Lettres; Queen Elizabeth II Coronation Award (en) ;
Suíomh gréasáin	nureyev.org

Damhsóir bailé Sóivéadach ab ea Rudolf Khametovich Nureyev (Baiscíris: Рудольф Хәмит улы Нуриев, Tatairis: Рудольф Хәмит улы Нуриев, Rúisis: Рудо́льф Хаме́тович Нуре́ев) (17 Márta 1938 – 6 Eanáir 1993), agus é ar dhuine de na damhsóirí ba mhó clú air sa 20ú haois. Thug sé áit do na mothúcháin sa damhsóireacht agus chruthaigh sé ról nua do na fir sa bhailé, ról a bhí teoranta go dtí sin do thacaíocht a thabhairt do na mná.

Chuir Nureyev cúl leis an Aontas Sóivéadach sa bhliain 1961, d'ainneoin iarrachtaí an KGB stad a chur leis.

A luathshaol

Saolaíodh Rudolf Nureyev ar 17 Márta 1938 ar bord traenach in aice le hIrkutsk, sa tSibéir san Aontas Sóivéadach. Tógadh é i mbaile beag gar do Ufa sa Bhaiscíreastáin. Teaghlach Tatarach a bhí iontu, cé go raibh sinsireacht Bhaiscíreach acu freisin.

Chuir sé spéis mhór sa rinceoireacht agus é ina bhuachaill óg go fóill. Tharraing a chumas nádúrtha mar rinceoir aird na ndaoine agus tugadh oiliúint san ealaín sin dó, go mór mhór in Acadamh Bailé Vaganova, scoil a bhí ceangailte leis an mBailé Kirov i Leningrad. Chuir sé críoch lena chuid staidéar ansin sa bhliain 1955 in aois a 15 bliana.

Ag damhsaíocht in Aontas na Sóivéadach

Aithníodh a ardchumas damhsaíochta agus é ag damhsaíocht leis an mBailé Kirov. Stíl bhríomhar a bhí aige. Aithníodh féith na heasumhlaíochta ann freisin. Ligeadh dó dul ar an stáitse san Ostair i 1958 ar ócáid Fhéile Idirnáisiúnta na hÓige, ach bhí a chuid iompair ar an turas sin chomh dána ceannairceach gur dúradh leis nach mbeadh cead aige dul thar lear arís choíche.

Sa bhliain 1961, áfach, gortaíodh Konstantin Sergeyev, príomhdhamhsóir fireann an Kirov, agus an compántas sin ar tí dul ar thuras go dtí iarthar na hEorpa. Roghnaíodh Nureyev dul ina ait-se.

Tagairtí