Mary White
  | |
| Beathaisnéis | |
|---|---|
| Breith | 24 Samhain 1948 75 bliana d'aois Bré, Éire |
 Teachta Dála | |
| 14 Meitheamh 2007 – 1 Feabhra 2011 (díscaoileadh na parlaiminte) Téarma parlaiminte: 30ú Dáil Toghcheantar: Ceatharlach–Cill Chainnigh Toghadh i: Olltoghchán na hÉireann, 2007 | |
| Faisnéis phearsanta | |
| Scoil a d'fhreastail sé/sí | Coláiste na Tríonóide, Baile Átha Cliath |
| Gníomhaíocht | |
| Gairm | polaiteoir |
| Ball de pháirtí polaitíochta | Comhaontas Glas |
Is polaiteoir Éireannach í Mary White ar ball í den Chomhaontas Glas. Toghadh í ina Teachta Dála don pháirtí i mí Bealtaine na bliana 2007, i ndáilcheantar Cheatharlach/Chill Chainnigh. Ba í an chéad Teachta Dála mná ag an gComhaontas Glas chomh maith leis an gcéad Teachta Dála acu i ndáilcheantar tuaithe.
Sonraí polaitiúla
Bhain sí barr na vótála amach sna toghcháin áitiúla do Chomhairle Chontae Cheatharlach i Meitheamh 1999, i dtoghlach na Buiríse, a bhfuil trí shuíochán ann. Ceapadh í mar Leas-Cheannaire an Chomhaontais Ghlais i 2001. D’éirigh léi 4961 vóta chéad rogha, nó 8% den vótáil a bhaint amach mar iarrthóir an Chomhaontais Ghlais, in Olltoghchán 2002 i nDáilcheantar Cheatharlach/Chill Chainnigh. Sheas sí sa toghchán don Seanad i 2002, ach theip uirthi ar éigean suíochán a bhuachaint.
Toghadh í chun na Dála le vóta céad rogha de 7.96% i gCeatharlach-Cill Chainnigh.[1]
Sonraí pearsanta
Rugadh Mary White i gContae Chill Mhantáin agus tá sí ina cónaí sa Bhuiríos, Co. Cheatharlach le breis is fiche bliain. Tá sí pósta agus iníon amháin aici.
D’fhreastail sí ar scoil ar Chlochar na nUrsalach i bPort Láirge agus ar Choláiste na Tríonóide, Baile Átha Cliath. Bhí sí mar bhunaitheoir Chumann an Bhéarla i gColáiste na Tríonóide agus bronnadh "Pink" uirthi as a feabhas spóirt san ollscoil.
Is saothróir orgánach í Mary agus tá suim mhór aici sa chnocadóireacht.
Tá treoir scríofa aici in éineacht le Joss Lynam faoi chnocadóireacht sna Staighrí Dubha, chomh maith le "Environment Mining and Politics" atá mar chuntas ar fheachtas frith-mhianadóireachta. Tá sé seo ina leabhar sainiúil do fheachtasóirí timpeallachta áitiúla.