Kigali
Kigali | ||
![]() | ||
Sintrum Kigali | ||
Polityk | ||
Lân | Rûanda | |
Provinsje | Kigali-Stêd | |
Sifers | ||
Ynwennertal | 965.398 (2009) 1.168.570 (2012) | |
Oerflak | 730 km² | |
Befolkingsticht. | 1583 / km² | |
Hichte | 1567 m | |
Oar | ||
Stifting | 1907 | |
Tiidsône | CAT (UTC+2) | |
Koördinaten | ||
Offisjele webside | ||
(in) Offisjeel webstee Kigali |
Kigali is de haadstêd en grutste stêd fan Rûanda. It plak lei by it geografysk middelpunt fan it lân en is, sûnt it haadstêd waard by de ûnôfhinklikens yn 1962, it ekonomyske, kultuerele en transportsintrum fan Rûanda.
Ut de skiednis
[bewurkje seksje | boarne bewurkje]Kigali waard yn 1907 ûnder de Dútske kolonisaasje troch Richard Kandt stifte. Earst yn 1962, by de dekolonisaasje, waard Kigali de haadstêd fan Rûanda. De tradisjonele haadstêd wie yn it ferline de residinsje fan de Mwami (kening) te Nyanza. It koloniale sintrum wie yn Butare, dat doetiids Astrida hjitte. Yn it earstoan wie it de bedoeling dat Butare de haadstêd fan it ûnôfhinklike Rûanda wurde soe, mar út reden fan de sintrale lizzing fan de stêd waard it dochs Kigali. Sûnttiid is de stêd hurd groeid en hieltyd it politike, ekonomyske en kultuerele sintrum fan Rûanda bleaun.
![](http://upload.wikimedia.org/wikipedia/commons/thumb/b/b6/Suburb_of_Kigali_Rwanda_June_2009.jpg/250px-Suburb_of_Kigali_Rwanda_June_2009.jpg)
Fan 7 april 1994 ôf wie Kigali it toaniel fan de Rûandeeske genoside, de moard op sa'n miljoen Tûtsy's en matige Hûtû's troch Hûtû-milysjes (interahamwe) en leden fan it Rûandeeske leger. Yn Kigali wie ek de striid tusken it leger, dat troch Hûtû's dominearre waard, en it Front Patriotique Rwandais (FPR, Patriottysk Front fan Rûanda), dat meast út Tûtsy's bestie.
Nei 1994 koe de stêd har hurd ûntjaan. In protte Rûandezen hawwe har dêr nei wenjen set, benammen Tûtsyflechtlingen dy't weromkaam binne. Der binne in soad nije gebouwen set en der wurdt noch hieltyd boud.
Geografy
[bewurkje seksje | boarne bewurkje]Kigali is opboud om fjouwer sintrums hinne, dy't oerienkomme mei de eardere doarpen Nyarugenge, Kanombe, Mutamba en Butamwa.
Ferbiningen
[bewurkje seksje | boarne bewurkje]De stêd hat in ynternasjonale lofthaven mei deistige flechten op Nairoby en Addis Abeba, nei Europa en alle wichtige Afrikaanske lannen. Kigali leit oan in grutte dyk, dy't de stêd ferbynt mei Boerûndy yn it suden en mei Uganda yn it noarden.
Underwiis
[bewurkje seksje | boarne bewurkje]Kigali hat de Technyske Hegeskoalle Kigali en der sitte mear as ien Ingelsktalige skoallen en ien Frânsktalige Belgyske skoalle.
![](http://upload.wikimedia.org/wikipedia/commons/thumb/b/b1/Kigali_SPOT_1095.jpg/250px-Kigali_SPOT_1095.jpg)
-
Kigali International Airpor
-
Minibussen en taksys in Kigali
-
It Mille Collines hotel
-
Klimaatkaart foar Kigali