India Summer

India Summer
persoan yn de seksyndustry
persoanlike bysûnderheden
oare artyste-        nammen	India, India Summers
echte namme	Jody Jean Olson
nasjonaliteit	Amerikaansk
berne	26 april 1976
berteplak	Des Moines (Iowa)
etnisiteit	Dútsk Iersk Ingelsk Yndiaansk
wurkpaad
wurksum as	neakenmodel, pornoaktrise, regisseur
jierren aktyf	2005 – no
offisjele webside
clubindiasummer.com

India Summer, echte namme: Jody Jean Olson (Des Moines, 26 april 1976), is in Amerikaansk neakenmodel, pornografysk aktrise en pornoregisseur fan mingd Dútsk, Iersk, Ingelsk en Yndiaansk komôf, wa har namme oft ek wol (mis)stavere wurdt as India Summers.

India Summer yn 2013.

Libben en karriêre

India Summer is hikke en tein yn Des Moines, de haadstêd fan 'e steat Iowa, dêr't se opgroeide as in ienlingsbern. Op 'e middelbere skoalle die se oan hurddraven en cross country. Yn har middelbere-skoaljierren en yn har studintetiid hie se bybaantsjes as ferkeapster yn in juwelierswinkel en as strânwacht. Se hat in bachelorstitel yn ûnderwiiskunde.

Yn desimber 2005, doe't se 29 jier wie, makke se har debút yn in pornografyske film. As artystenamme keas se "India Summer", dat se ûntliende oan it nûmer Indian Summer, fan 'e band The Doors. Yn septimber 2006 begûn se fulltime as pornoaktrise te wurkjen. Underwilens hat se neffens de Internet Adult Film Database (IAFD) al yn mear as 400 pornofilms spile, gauris fan it subsjenre fan 'e milfpornografy. Yn 2011 regissearre se har earste pornofilm, Perfect Fit. Yn jannewaris 2012 makke de Internet Adult Film Database (IAFD) bekend dat Summer "de aktyfste artyste yn 'e [porno]yndustry" wie, mei't se it foargeande jiers yn net minder as 78 ûnderskate film spile hie. Se hat in stikmannich prizen wûn, wêrûnder trije AVN Awards (de Oskars fan 'e pornowrâld): yn 2011 ien foar bêste aktrise, en yn 2012 ien foar milf/cougar-artyste fan it jier.

Njonken har aktearwurk posearret Summer ek foar neakenblêden en hat se lytse roltsjes hân yn 'e mainstream-tillefyzjesearjes Sons of Anarchy en Dexter. Summer is mear as tsien jier troud, mar is in swinger. Se omskriuwt harsels as "tige biseksueel", en docht oan yoga, tantryske seks en meditaasje.

Prizen en nominaasjes

Jier	Priis	Resultaat	Kategory	Foar har optreden yn
2010	AVN Award	nominearre	bêste aktrise	Drill Baby Drill!
	CAVR Award	wûn	milf fan it jier	n.f.t.
2011	AVN Award	nominearre	bêste lesbyske triosekssêne (mei Dana DeArmond en Chastity Lynn)	Lesbian House Hunters 1
		nominearre	bêste lesbyske sekssêne mei in pearke (mei Lorelei Lee)	Private Independent 2: Open Invitation – A Real Swinger’s Party in San Francisco
		nominearre	bêste lesbyske groepsekssêne (mei 6 oaren)	An Orgy of Exes
		nominearre	bêste groepsekssêne (mei Lorelei Lee, James Deen en Mickey Mod)	Private Independent 2: Open Invitation – A Real Swinger’s Party in San Francisco
		nominearre	bêste groepsekssêne (mei 13 oaren)	Bonny & Clide
		nominearre	bêste byrol fan in aktrise	The Sex Files 2: A Dark XXX Parody
		wûn	bêste aktrise	Private Independent 2: Open Invitation – A Real Swinger’s Party in San Francisco
	XRCO Award	nominearre	milf fan it jier	n.f.t.
2012	AVN Award	nominearre	bêste lesbyske sekssêne mei in pearke (mei Prinzzess)	Lesbian Sex 1
		nominearre	bêste byrol fan in aktrise	Eternal
		wûn	milf/cougar-artyste fan it jier	n.f.t.
	Xbiz Award	wûn	milf fan it jier	n.f.t.
	XRCO Award	wûn	milf-artyste fan it jier	n.f.t.
		wûn	ûnderwurdearre stjer	n.f.t.
2013	AVN Award	nominearre	bêste lesbyske sekssêne mei in pearke (mei Prinzzess)	Lesbian Sex 9
		nominearre	bêste aktrise	The Graduate XXX: A Paul Thomas Parody
	XRCO Award	nominearre	milf-artyste fan it jier	n.f.t.
2014	AVN Award	nominearre	bêste lesbyske sekssêne mei in pearke (mei Casey Calvert)	Teach Me 3
		wûn	milf-artyste fan it jier	n.f.t.
2015	AVN Award	nominearre	bêste lesbyske groepsekssêne (mei oaren)	Mysterious Ways
		wûn	milf-artyste fan it jier	n.f.t.
	Xbiz Award	nominearre	bêste byrol fan in aktrise	Sexual Liberation of Anna Lee
		nominearre	bêste aktrise (couples-themed release)	Swinger 4
	XRCO Award	wûn	milf-artyste fan it jier	n.f.t.
2016	Xbiz Award	wûn	bêste aktrise yn in feature film	Marriage 2.0
		wûn	bêste sekssêne yn in feature film	Marriage 2.0

Keppelings om utens

• (in) Offisjele webside fan India Summer
• (in) Biografy en filmografy fan India Summer yn 'e Internet Movie Database (IMDb)
• (in) Biografyske gegevens en filmografy fan India Summer yn 'e Internet Adult Film Database (IAFD)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory India Summer fan Wikimedia Commons.