Biblie
![](http://upload.wikimedia.org/wikipedia/commons/thumb/d/d7/Holy_bible_book.jpg/220px-Holy_bible_book.jpg)
La Biblie al è il libri plui vendût dal mont che al cjape dentri di se plusôrs libris a seconde des confessions cristianis e ebraichis. I libris da la Biblie a son ancje clamâts Sacris Scrituris parcè che Cristians e Ebreus a crodin che a sedin inspirâts di Diu. I Ebreus a si ricognossin tal Vecjo Testament e no si ricognossin intal Gnûf testament, al ven a stâi la peraule di Jesu Crist e dai siei apuestui.
Il tiermin furlan "Biblie" al derive, zontraviers il latin, da la peraule greche biblìa che a significhe "libret". Cheste a sô volte e ven da biblos che segnave la part didentri de plante dal papîr, da le cuâl a si tire fûr un gjenar di cjarte.
Par sancirâ cuai libris a dovevin jentrâ inte Biblie, i cristians catolics a an stabilît un canul (canone), che al definìs setantedoi libris come fasint part des Sacris Scrituris, dividûts in Vecjo Testament (45) e Gnûf Testament (27).
Altris intal canul a fasin jentrâ dome sessante sîs libris ripartîs in Scrituris Ebraichis (39) e Scrituris Grechis Cristianis (27), chei altri sîs a vegnin ritignûts apocrifs.
La Biblie Furlane e je stade curade di un grup di studiôs e voltade par furlan di pre Toni Beline, inte prime edizion complete cun pre Checo Placerean, pe seconde edizion di bessôl, cu l’aprovazion dai vescui furlans e de Conference Episcopâl Taliane, publicade intal 1997 par cure dal Istitût "Pio Paschini" di Udin.
Composizion (canul)
[cambie | modifiche il codiç]Par la maiorance dal cristianisim i libris de Biblie a son cussì ripartîts:
- Pentateuc:
- Gjenesi, Esodi, Levitic, Numars, Deuteronomi;
- Libris storics:
- Josuè, Judiç, Rut, Samuêl 1 e 2, Res 1 e 2, Cronachis 1 e 2, Esdre, Tobie, Judite, Ester, Maccabeos 1 e 2;
- Libris didatics:
- Jop, Salms, Proverbis, Eclesiaste, Grande Cjante, Sapience, Eclesiastico;
- Libris profetics:
- Isaie, Jeremie, Vaiudis, Baruc, Ezechiêl, Danêl, Osee, Joel, Amos, Abdie, Jone, Michee, Naum, Abacuc, Sofonie, Ageu, Zacarie, Malachie;
- Libris storics:
- Libris didatics:
- Letaris di Pauli: ai Romans, ai Corinti 1 e 2, ai Gjalats, ai Efesins, ai Filipets, ai Colossets, ai Tessalonicês 1 e 2, a Timoteu 1 e 2, a Tît, a Filemon, ai Ebreus;
- Altris letaris: di S. Jacum, di S. Pieri 1 e 2, di S. Zuan 1 e 2 e 3, di S. Jude;
- Libris profetics:
Par altris confessions i libris: Tobie, Judite, Maccabeos 1 e 2, Sapience e Eclesiastico, invezit a vegnin ritignûts apocrifs
Vôs leadis
[cambie | modifiche il codiç]- Torah
- Zuckermann, Ghil'ad (2003). Language Contact and Lexical Enrichment in Israeli Hebrew. Palgrave Macmillan. ISBN 978-1403917232.
Leams esternis
[cambie | modifiche il codiç]- (furlan) Il test de Biblie
- (furlan) La leture continuade de Biblie