Bloatware
![]() |
Bloatware es Software of sen Apps, wat bi en nii Reekenmaskiin me langs kum. Senerlig es dit bi Smartphones en Tablets, aur des fuaral diarfuar koopet uur, dat em diarme ön't Internet önerwai es.
Diarme uur dit Giraat āpblöögen, en dit meent dit Uurt Bloat.
Bloatware, Daatensküül en Konten
[Bewerke | Kweltekst bewerke]Bloatware skel dit fuar di Nüter iinfach maaki en aarberi me dit Giraat, man fuar di Miist fan des Programi es en Konto nöörig, em skel höm bi sin ain Giraat önmel'.
Sa sen bi en Samsung-Giraat Apps, hur em en Samsung-Account fuar nöörig es sa üs uk en Kontrakt aur Daatensküül. Diaraur hen es fuar di App-Shop en hok fan di Apps, wat me dit Bidreftssysteem Android, wat tö Google jert, en Google-Konto en en Daatensküül-Kontrakt me Google nöörig.
Ken em Bloatware deinstaliari?
[Bewerke | Kweltekst bewerke]![](http://upload.wikimedia.org/wikipedia/frr/thumb/3/39/Men%C3%BC%C3%BC_Kamera_Bloat_Samsung_Tablet_001.jpg/220px-Men%C3%BC%C3%BC_Kamera_Bloat_Samsung_Tablet_001.jpg)
Di Kamera fan Samsung let höör bluat deaktiviari, ek wechmaaki.
Hat es forskelig, wat höm deinstaliari of tömendst deaktiviari let.
Wan em dit weet wel, da halt em di Finger leenger üp dit Symbool fan di App, en da kumt sa'n litj Menüü. Wan diar "deinstallieren" stuunt, da ken em dit wechmaaki, man aaftinoch giar bluat "deaktivieren", da bihalt em di App man di mut nönt muar dö of ombifortel.
Rochten
[Bewerke | Kweltekst bewerke]![](http://upload.wikimedia.org/wikipedia/frr/thumb/7/74/Rochten_fan_di_Galaxy_Store_Tablet_001.jpg/220px-Rochten_fan_di_Galaxy_Store_Tablet_001.jpg)
Wan Apps sa üs di Galaxy Store fan Samsung jam gaar ek deaktiviari let wel, da ken em di Rochten wechnem. Diarfuar uk üp dit Symbool hual, bi dit litj Menüü üp "App-Info" gung en di Rochten döörgung.
Achterön swüget uk des App.
>> Ön dit Skelt rochts sjocht em boowen, dat di App Daaten fingen of stjüürt heer. Ik haa man nönt aur di Galaxy-Store maaket! Nü es man Heliginj, wel ik hööpi.
Google Play Store söner Konto
[Bewerke | Kweltekst bewerke]Wan em Apps sa üs di miist Banking-Apps haa wel of twüngen uur, dat des nöörig sen, da mut em des aaftinoch fan di Google Play Store haali.
Des giar man bluat me Google-Konto en Reklāmi-ID fan Google. Wan em dit ek wel, da ken em man di Aurora-Store of Aptoide dialleer, man ek jüst fan di Google-Store. Em fent ön't Nat apk-Pakeeti, hur em dit anonyym me instaliari ken.
Sok Ofkörtingen sen man uk ek dit Seekerst, en diarom ken em uk gur eeđer Alternatiiven luki sa üs des bi F-Droid önböören uur.