Lucille Ball
Lucille Ball | |
---|---|
![]() Lucille Ball í 1944. | |
Fødd(ur) |
Lucille Désirée Ball august 6, 1911 Jamestown, New York, USA. |
Andaðist |
apríl 26, 1989 Beverly Hills, Kalifornia, USA | (aldur 77)
Deyðsorsøk | Hjartatilburður/æðraslit |
Onnur nøvn |
Lucille Ball Morton Lucille Ball Arnaz Diane Belmont Lucy Ball Lucy Arnaz Lucy Morton |
Starv |
Sjónleikarinna Skemtari Modell |
Virkin ár | 1932–1989 |
Hjúnafelagi(ar) |
|
Børn |
Lucie Arnaz Desi Arnaz Jr. |
Undirskrift |
![]() |
Lucille Désirée Ball (6. august 1911 – 26. apríl 1989) var ein amerikonsk sjónleikarinna, skemtari og modell. Hon hevði høvuðsleiklutin í skemtirøðunum I Love Lucy, The Lucy–Desi Comedy Hour, The Lucy Show, Here's Lucy, og Life with Lucy.[1]
Starvsleið Lucy í stjørnuheiminum byrjaði í 1929, tá hon fekk starv sum modell. Stutt eftir tað byrjaði hon at framføra sjónleika í Broadway sjónleikarahúsinum undir pallnavninum Diane Belmont og Dianne Belmont. Lucy hevði nógvar smáar leiklutir í filmum í 1930- og 1940-árunum, har hon hevði sáttmála við RKO Radio Pictures, ið nýtti hana sum kórgentu, og til líknandi smáar leiklutir. Ímeðan Lucy starvaðist hjá RKO møtti hon kubanska tónleikaranum Desi Arnez. Lucy og Desi giftust í loyndum tann 30. november 1940.
Í 1950-árunum gjørdist Lucy sjónvarpsstjørna. Í 1951 skaptu Lucy og Desi skemtirøðina I Love Lucy, ein sjónvarpsrøð, ið kom til at verða ein av mest elskaðu sjónvarpsrøðum í USA nakrantíð. Tann 17. juli sama ár føddi Lucy fyrsta barn hennara og Desi; eina dóttir, ið fekk navnið Lucie Désirée Arnaz. Hálvt annað ár seinni kom næsta barn teirra í heimin; ein son, ið fekk navnið Desiderio Alberto Arnaz IV, oftast kallaður Desi Arnaz Jr.[2] Lucy og Desi høvdu verið gift í 20 ár tá tey skildu í 1960.
Í 1962 gjørdis Lucy fyrsta kvinna til at reka eitt sjónvarpsstudio. Studioið fekk navnið Desilu, og framleiddi fleiri vælumtóktar og víðakendar sjónvarpsrøðir. Harímillum kann nevnast Mission: Impossible og Star Trek. Lucy fram við at traðka fram í sjónvarpi og filmum alt sítt lív, men gjørdist tó aldrin líka vælumtókt sum í 1950-árunum.
Í seinni árunum var Lucy tilnevnd og heiðrað við fleiri virðislønum. Hon var tilnevnd til Emmy virðislønina trettan ferðir, og vann fýra ferðir. [3] Í 1977 gjørdist hon ein av fyrstu vinnaranum av Women in Film Crystal Award. Hon fekk Golden Globe Cecil B. DeMille virðisløn í 1979,[4] lívsverks heiðursløn frá Kennedy Center Honors í 1986,[5] og Governers virðisløn frá the Academy of Television Arts & Sciences í 1989.[6]
Lucy doyði 77 ára gomul tann 26. apríl 1989. Lucy hevði fingið hjartatilburð nakrar dagar áðrenn, ið var atvold til æðraslit á meginlívæðrini. Tá hevði hon fingið nýggja meginlívæðr frá einum 27 ára gomlum manni, ið hevði latið lív í eini motorsúkkluvanlukku. Lucy kom fyri seg, men nakrar dagar seinni vaknaði hon við ryggpínu, og misti vit stutt aftaná. Roynt var at fáa lív í hana aftur, men uttan eydnu. Tá hon var flutt á sjúkrahús, vísti tað seg at meginlívæðrin var brotin aftur, og hesu ferð í búkinum.[7] Lucy læt eftir seg børn síni, barnabørn og mann sín, stand-up skemtarin Gary Morton, ið hon hevði verið gift við síðstu 27 árini.
Keldur
[rætta | rætta wikitekst]- ↑ "Archive copy". http://www.tv.com/people/lucille-ball/biography/. Heintað 2015-06-18.
- ↑ http://www.twoop.com/people/lucille_ball.html
- ↑ http://www.punoftheday.com/lucille-ball.html
- ↑ http://www.awardsandshows.com/features/cecil-b-demille-award-499.html
- ↑ http://www.kennedy-center.org/programs/specialevents/honors/history.cfm
- ↑ http://www.emmys.com/awards/hall-of-fame-honorees
- ↑ http://articles.latimes.com/1989-04-27/news/mn-1618_1_love-lucy-aorta-emergency-heart-surgery
Slóðir úteftir
[rætta | rætta wikitekst]- Lucille Ball á Internet Broadway Database
- Lucille Ball á Internet Movie Database
- Lucille Ball á AllMovie
- Lucille Ball á TVGuide.com
- Lucille Ball á Find a Grave
- Lucille Ball á Encyclopaedia Britannica