Vikahtkaar
Ilme
![](http://upload.wikimedia.org/wikipedia/commons/thumb/5/5c/Double-alaskan-rainbow.jpg/250px-Double-alaskan-rainbow.jpg)
Vikahtkaar vai vikatkaar vai vikakaar om värmiline kaar taivan, miä tekküs tuust, et päiv paistus õhon olõvidõ viitsilko (nt. vihmatsilko) pääle. Tuu kaari päälmäne viir om verrev ja sisemäne lilla.
![](http://upload.wikimedia.org/wikipedia/commons/thumb/c/c9/Rainbow-diagram-ROYGBIV.svg/150px-Rainbow-diagram-ROYGBIV.svg.png)
Vikahtkaari värmiq lääväq ütsütes sujuvalt üle, näide vaihõl olõ-iq kimmit piire. Inemiseq tegeväq sõski vaiht säitsmel vikahtkaari värmil: verrev, pihlõnõ, kõllanõ, rohilinõ, sinine, tummõsinine ja lilla.
Mõistatuisi vikahtkaari kotsilõ
[toimõndaq | toimõndaq lätteteksti]- Tõõsõl maal pandas hobõst ette, luuk paistus siiäq maalõ? (Vikõrkaar. Rõugõ kihlkund, 1937.)
- Võõral maal pandas hobõst ette, luuk näüs siiäq maalõ? (Vikakaar. Urvastõ kihlkund, 1888.)
- Viidipuu, vaadipuu, üle mõtsa mõõdipuu? (Vikerkaar. Setomaa, 1888.)
- Luuk üle ilma? (Vikerkaar. Põlva kihlkund, 1966.)[1]
Lätteq
[toimõndaq | toimõndaq lätteteksti]- ↑ Krikmanni Arvo, "Tere teele, tere meele, tere egalõ talolõ". Eesti Kirändüsmuusõum, Tarto 2000, lk. 131, 138, 139.