Spotify
![](http://upload.wikimedia.org/wikipedia/commons/thumb/6/6a/Availability_of_Spotify_in_the_World.svg/362px-Availability_of_Spotify_in_the_World.svg.png)
Spotify om roodsi vuugedestüsteenüs, minkaq saa muusikat kullõldaq õkva internetist plaati ostmaldaq. Muusiga saat mängmä pandaq esitäjä vai albumi kaupa, saat ka tetäq umaq nimekiräq noist laulõst, midä kullõldaq tahat.
Tuu muusiga perrä, midä sa kullõt, pakk Spotify sullõ sarnast muusikat mano.
Vuugedestüs
[toimõndaq | toimõndaq lätteteksti]Vuugedestüs vai striiming (inglüse keelen streaming) om andmidõ ülekandminõ serverist puutrihe niimuudu, et naid saa ka laat'misõ aol pruukiq. Vuugedestüsega kullõldas näütüses internetiraadiot, a võit ka kullõlda jo valmis saatit vai laulõ.
Lauljaq ja Spotify
[toimõndaq | toimõndaq lätteteksti]Albumiq ommaq üts' lauljidõ sissetulõki kotus. Interneti tulõkigaq om tuu kõrrast veidembäs jäänüq, selle et muusiga om võrgun olõman ja kiäki ei tahaq inämb plaadi iist massaq.
Laulja ni Eesti Autoridõ Ütisüse juhatusõ esimiis Epligu Vaiko ütel', et eesti lauljaq ja muusiguq ommaq ilma jäänüq 30 miljonist õurost.[1] Mõtõq om tuun, et ku innembi ostiq inemiseq plaadi, siis põrõld saa sama raha iist kogo maailma muusikat kullõldaq. Spotify mass egä kullõmisõ päält lauljilõ rahha, aq tuu om piä olõmaldaq – 0,0003 senti.[2]
Spotify ja võro kiil
[toimõndaq | toimõndaq lätteteksti]Spotifyn om ka võrokeelist muusikat, näütüses Kalkuni Mari ja Winny Puhhi lauluq.