Leonardo da Vinci
Leonardo da Vinci | ||
---|---|---|
![]() | ||
Enhormación pressonal | ||
Nombri de nacencia | Leonardo di ser Piero da Vinci | |
Nacencia |
15 de abril de 1452jul. Anchiano (República de Florencia) | |
Muerti |
2 de mayo de 1519jul. Castillo de Clos-Lucé (Turena, Reino de Francia) | |
Causa de muerti | Hemorragia cerebral | |
Sepoltura | Castillo de Amboise | |
Residencia | Venécia, Floréncia, Roma, Floréncia y Milán | |
Lengua materna | Luenga italiana | |
Familia | ||
Pairis |
Ser Piero da Vinci Caterina di Meo Lippi | |
Educación | ||
Educau en | Universidad de Florencia | |
Alunu de | Andrea del Verrocchio (1470-1477) | |
Enhormación profissional | ||
Oficiu | Pintol, engenieru, astrónomo, filósofo, anatomista, matemáticu, escoltol, polímata, arquitecto, ingeniero civil, diplomático, inventor, componeol, físico, fisiólogo, botánico, químico, zoólogo, caricaturista, centíficu, dibujante arquitectónico, diseñador, escrevienti y artista visual | |
Ária | Arquitectura del Renacimiento, escenografía, engenieria, fisiología y Pintura | |
Añus ativu | hasta 1519 | |
Empreaol |
| |
Movimientu | Alto Renacimiento y Renacimiento | |
Génerus | Retratu, pintura religiosa y arte sacro | |
Firma |
![]() | |
Escudo | ||
![]() | ||
![](http://upload.wikimedia.org/wikipedia/commons/thumb/9/9e/Possible_Self-Portrait_of_Leonardo_da_Vinci.jpg/200px-Possible_Self-Portrait_of_Leonardo_da_Vinci.jpg)
Leonardo da Vinci (15 d'abril de 1452 - 2 de mayu e 1519) tuvu nacéncia en Floréncia (Itália). Hue pintol, escultol, costrutol, enventol i enheñeru.
![](http://upload.wikimedia.org/wikipedia/commons/thumb/e/ec/Mona_Lisa%2C_by_Leonardo_da_Vinci%2C_from_C2RMF_retouched.jpg/100px-Mona_Lisa%2C_by_Leonardo_da_Vinci%2C_from_C2RMF_retouched.jpg)
Los labutus más famosus e Leonardu encluin La Úrtima Cena i La Mona Lisa.
Leonardo da Vinci cuaharingó un nuevu estilu pitóricu. Los artistas de la su épuca audechaban usal un hondón craru pa pintal los sus cuairus. Ara que él usaba un hondón escuru. Estu puu crial un efetu tridimensional enos ohetus prencipalis. Tamién hue conociu pol su estilu escuru, ondi abían abondus sombrahus.
Leonardo da Vinci hue unu e los Maestrus de la Arta Renacéncia. Estaba tan enteresau ena pintura rialista que descuaharingó un cuelpu umanu pa vel lo cúmu furrulaba.
Biografía
[Edital | Editá'l códigu]Infáncia
[Edital | Editá'l códigu]![](http://upload.wikimedia.org/wikipedia/commons/thumb/f/fb/Leonardo_da_Vinci.jpeg/200px-Leonardo_da_Vinci.jpeg)
Nació el sábadu 15 de abril de 1452 «en la tercera hora la nochi», es izil, tres horas endispués del Ave María: a las diez y meya.[2] S'á discutíu si el nacimientu tuvu lugar en el castillu de Vinci, ciá a unus 25 km en línea recta de Florencia, o bien en la casa materna d'Anchiano, una pedanía a unus dos kilómetrus de Vinci.[Nota 1] Leonardo, descendienti d'una rica familia de noblis italianus, hue zagal ilegítimu: el su pairi, messer Piero Fruosino di Antonio —un notáriu, canciller y embajaor la República de Florencia—, dejó embarazá a Caterina, una humildi jovin de familia campesina,[3][4] de quien se ha sospechado que pudiera ser una esclava de Orienti Meyu.[5] Martin Kemp, catedráticu eméritu de Historia del Arti en la Universidá d'Oxford, tras investigal en los archivus toscanus, descubrió documentus que confirmarían la fecha del nacimientu y que tuvu lugar en la casa de campo paterna, a pocu más d'un kilómetru de Vinci, siendu la su mairi una campesina local de quinci añus, Caterina di Meo Lippi. Piero ya estaba prometíu en matrimoniu y el niñu hue entregau al agüelu paternu, Antonio da Vinci que, probablementi, entregó una cierta cantidá a la mairi comu doti pa que puiera casarsi. En declaracionis d'impuestos de 1457, Antonio declaró qu'el su nietu vivía con él y Caterina apareci casá con un campesinu, Antonio di Piero Buti, con quien tuvu cincu zagalis.[6]
Leonardo, o Lionardo según el su nombri de bautizu,[2] hue bautizau y pasó los sus cincu primerus añus en la casa del su pairi en Vinci,[2] dondi hue tratau com'un zagal legítimu.[7] Tuvu cincu mairinas y cincu pairinus, toïtus ellus habitantis del pueblu.[2] En esti lugar, Leonardo recibió instrución, aprendió a leel y a escribil, y adquirió conocimientus d'aritmética. Sin embargu, prácticamenti no aprendió latín, basi l'enseñanza tradicional. El hechu de que tuviesi una ortografía caótica muestra que la su instrución no estuvu exenta de lagunas; en tó casu no hue la d'un universitariu.[8]
En aquella época, las convencionis modernas en los nombris de personas no s'avían desarrollau entoavía en Uropa, polo qu'únicamenti las grandis familias hacían usu del apellíu patronímicu. La genti del pueblu solía sel designá pol su nombri, al que se le adjuntan tó tipu de precisionis útilis: el nombri del pairi, el lugar d'origin, un apodu, el nombri del maestru en el casi los artesanus, etc. Por consiguienti, el nombri del artista sería Leonardo di ser Piero da Vinci, cuyu significau es «Leonardo, hijo del maestro Piero de Vinci»; el términu «da» no lleva mayúscula porqui no si trata d'un apellíu.[9] El propiu Leonardo firmaba simplementi las sus obras comu «Leonardo» o «Io, Leonardo» («Yo, Leonardo»), asín que la mayoría las autoridáis atribuyin las sus obras a «Leonardo» sin el «da Vinci». Es verosímil que s'abstuviera d'empleal el apellíu del su pairi porqui era un zagal ilegítimu. «Vinci» provieni de «vinchi», denominación que recibin unas prantas similaris a los juncus, que crecin en el entornu del arroyu Vincio y que eran utilizás polos artesanus toscanus.[2]
En 1457, cuandu Leonardo tenía cincu añus, la su mairi se casó con Antonio di Piero Buti del Vacca da Vinci, un campesinu la localidá, con el que tuvu cincu zagalis.[2] Hue acogíu entoncis en la casa la familia del su pairi en el pueblu de Vinci. Entri tantu, el pairi s'avía casau con una jovin de dieciséis añus provenienti d'una familia rica de Florencia, Albiera degli Amadori.[2] Esta, al no tenel zagalis, volcó el su afectu en Leonardo, peru murió siendu mu jovin debíu a complicacionis de partu, en 1464.[2] Manqui era considerau plenamenti desdi la su nacéncia comu zagal del su pairi, Leonardo nunca hue reconocíu formalmenti com'un zagal legítimu. El su pairi se casó hata cuatru vezis, dándoli diez hermanus y dos hermanas menoris legítimus.[2] D'estas relacionis, el pequeñu Leonardo tuvu un mu güen vínculu con l'úrtima mojé del su pairi, Lucrezia Guglielmo Cortigiani, afectu que s'evidencia en una nota en dondi se dirigi a ella comu «quería y dulci mairi».[2] La su agüela paterna, Lucia di ser Piero di Zoso, una ceramista próxima a Leonardo, hue probablementi la persona que lo inició en las artis.[2] Un conocíu presagiu refieri qu'un milanu veníu del cielu avía hechu un vuelu estacionariu sobri la su cuna, tocandu la su cara con la cola.[10][11] Giorgio Vasari, biógrafu del sigru XVI de los pintoris de la Renacéncia, cuenta en Le Vite (1568), la historia d'un campesinu local que pidió a ser Piero[Nota 2] qu'el su talentosu zagal le pintara una imagin sobri una placa. Leonardo pintó entoncis una representación d'un dragón escupiendu fuegu, tan bien realizá que ser Piero la vendió a un mercader d'arti florentinu, quien a la su vezi la revendió al duqui de Milán. Tras avelsi asín beneficiau con la venta, ser Piero compró una placa decorá con un corazón atravesau por una flecha, la cual entregó al campesinu.[12]
Hormación en el taller de Verrocchio
[Edital | Editá'l códigu]Endilgui prencipal: Andrea del Verrocchio.
![](http://upload.wikimedia.org/wikipedia/commons/thumb/b/bc/Andrea_del_Verrocchio%2C_Leonardo_da_Vinci_-_Baptism_of_Christ_-_Uffizi.jpg/225px-Andrea_del_Verrocchio%2C_Leonardo_da_Vinci_-_Baptism_of_Christ_-_Uffizi.jpg)
El nuebu Leonardo era un amanti la naturaleza, qu'observaba con gran curiosidá. Dibujaba caricaturas y practicaba l'escreviura especular en dialectu toscanu. Giorgio Vasari cuenta una anécdota sobri los pinitus en la carrera artística del gran artista: «un día, ser Piero tomó argunus de los sus dibujus y se los mostró al su amigu Andrea del Verrocchio y le pidió insistentementi que l'ijera si Leonardo se puería dedical al arte del dibuju y si puería conseguil argu en esta matéria. Andrea se sorprendió una hartá de los extraordinarius donis de Leonardo y le recomendó a ser Piero que l'ejara escogel esti oficiu, de manera que ser Piero resolvió que Leonardo entraría a lavutal en el taller de Verrocchio. Leonardo no se hizu rogal; y, no contento con ejercel esti oficiu, realizó tó lo que se relacionaba con el arti del dibuju». Hue asina comu, a partil de 1469, Leonardo entró com'aprendiz a unu los talleris d'arti más prestigiosus baju el magisteriu d'Andrea del Verrocchio, a quien debi parti de la su d'acatu hormación multidisciplinaria, en la que s'aproxima a otrus artistas comu Sandro Botticelli, Perugino y Domenico Ghirlandaio.[10][13] En efectu, a finalis de 1468, manqui Leonardo estaba empadronau comu residenti del municipiu de Vinci, viajaba mu a menú a Florencia, dondi el su pairi lavutaba.[2]
Verrocchio era un artista de renombri,[14] y muy eclécticu. De hormación era orfebri y herreru,[13] pero además hue pintor, escultor y hundior. Lavutó sobri tó pal poderosu Lorenzo de Médici.[15] Leonardo lavutó tamién con Antonio Pollaiuolo, que tenía el su taller mu cerca del de Verrocchio.
Endispués d'un añu dedicau a la limpieza los pincelis y otras pequeñas actividáis propias d'un aprendiz, Verrocchio prencipió a Leonardo en las numerosas técnicas que se practicaban en un taller tradicional. Asín, en esti contextu, Leonardo tuvu l'oportunidá d'aprendel las basis la química, la metalurgia, del lavutu del cueru y del yesu, la mecánica y la carpintería, asín comu de diversas técnicas artísticas comu'l dibuju, la pintura y l'escultura sobre mármol y bronci.[16][17] Igualmenti, recibió hormación en habilidáis comu la preparación los coloris, el grabau y la pintura los frescus. Al dalse cuenta del su talentu excepcional, Verrocchio decidió confiagli al su alumnu terminal argunus los sus lavutus.
![](http://upload.wikimedia.org/wikipedia/commons/thumb/b/bd/Study_of_a_Tuscan_Landscape.jpg/300px-Study_of_a_Tuscan_Landscape.jpg)
La hormación recibía duranti el su aprendizaji en el taller de Verrochio va más allá y s'extiendi a otrus ámbitus colturalis. Estudió cálculu algorítmicu y mostró el buen conocimientu que tenía citandu a los dos abaquistas florentinus más relevantis, Paolo dal Pozzo Toscanelli y Leonardoo Chernionese.[8] Posteriormenti, Leonardo mencionó la Nobel opera de arithmética de Piero Borgi, impresa en Venécia en 1484, y que representa perfectamenti el sabel d'estas escuelas d'abaquistas.[8]
No se conoci l'existencia de nenguna obra de Leonardo duranti la época en que lavutó con Verrocchio. Según Vasari, únicamenti colaboró en una pintura llamá Bautismu de Cristu (1472-1475).[12] Por otra parti, según la leyenda, Verrocchio abandonó la terminación la obra [19] cuandu se sintió superau por la calidá del nuebu Leonardo, que dejó el su toqui magistral en un pequeño ángel presenti en la obra.[7] Tamién, d'acuerdu con la tradición de qu'era el aprendiz quien debía posal,[3] Leonardo habría servíu de modelu pal David de Verrocchio, una estatua en bronci. Del mesmo modu, tamién se suponi qu'es el retratu de Leonardo el que representa al arcángel Rafael en la obra Tobías y el ángel del taller de Verrocchio.[3]
En 1472, a l'edá de veinti añus, apareció registrau en el Libru roju del Gremiu de San Lucas, el gremiu los artistas y doctoris en medicina, que en Florencia s'agrupaba con la denominación de la "Campagnia de pittori". D'esta época deriva unu de los sus primerus lavotus conocíus, el Paisaji del breju del Arno o Paisaji de Santa Maria della neve (1473), un dibuju a pluma y tinta.[20] Hue asín comu prencipió la su carrera de pintor con obras ya destacablis comu L'Anunciación (1472-1475), y mejoró la técnica del sfumato (eshumau) hata un punto de refinamientu nunca conseguíu endenantis d'él.
En 1476 siempri apareci mencionau com'ayudanti de Verrocchio, ya que, inclusu endispués de que'l su pairi l'ayudasi a tenel el su propiu taller, continuó colaborandu con el su maestru debíu a que le profesaba un pazu afectu.[10] Duranti esti períodu, recibió encargus personalis y pintó el su primer cuadru, La Virgen del clavel (1476). El archivu judicial d'esti mesmu añu recogi el datu de qu'él y tres hombris más huerun acusaus en un casu de sodomía, práctica ilegal en aquella época en Floréncia, pero tós huerun absueltus.[21] Esti documentu, que partía d'una acusación anónima, no permiti afirmal categóricamenti que Leonardo huera homosexual.[21]
Prontu Leonardo tamién destacó com'engenieru. En 1478, s'ofreció pa levantal l'iglesia octagonal de San Juan de Florencia.[8] En esi añu Leonardo contaba con 26 añus, y hue cuandu s'alejó de lau del su maestru endispués de haveglu superau en toïtas las disciplinas. D'esta manera se convirtió en un maestru pintor independienti.
En Milán y al serviciu de Ludovico Sforza (1482-1500)
[Edital | Editá'l códigu]![](http://upload.wikimedia.org/wikipedia/commons/thumb/2/27/Leonardo_da_Vinci_-_Adorazione_dei_Magi_-_Google_Art_Project.jpg/200px-Leonardo_da_Vinci_-_Adorazione_dei_Magi_-_Google_Art_Project.jpg)
En 1481 el monasteriu de San Donato l'encargó l'Adoración los magus, pero Leonardo nunca acabó esti cuadru, probablementi decepcionau o humillau por no havel síu elegíu pol papa Sixto IV pa decoral la capilla Sixtina del palaciu Apostólicu Vaticanu, en Roma, dondi havía una huerti competencia entri varius pintoris.[22] El neoplatonismu, qu'en aquel tiempu estaba de moda en Floréncia, pú desempeñal tamién un importanti papel en la decisión de la su marcha a una ciudá más abierta, académica y pragmática comu Milán.[22] Probablementi en esti nuevu entornu estaba más en consonancia con el su espíritu, que se basaba en un desarrollu empíricu los sus múltiplis experimentus.
Leonardo pintó La Virgen las Rocas (1483-1486) para la confraternidá la Inmaculada Concepción, qu'iría a la capilla San Francesco el Grandi de Milán. Esti cuadro hue el origin d'un conflictu entri el autor y los propietarius que duró varius añus.[22] Leonardo obtuvu el derechu de puel copial l'obra, peru posteriormenti s'inició un problema legal con estu.[23] El problema no se resolvió hata que huvu decisionis judicialis y l'intervención d'argunus amigus, terminandu con dos versionis de l'obra.
![](http://upload.wikimedia.org/wikipedia/commons/thumb/5/54/Study_of_horse.jpg/220px-Study_of_horse.jpg)
Guípesi tamién
[Edital | Editá'l códigu]Notas
[Edital | Editá'l códigu]- ↑ En Anchiano s'exhibe hoy la supuesta Casa natale di Leonardo da Vinci.
- ↑ «ser Piero» se refieri al su pairi; «ser» es una contración del latín «senior» («signore»), y era un pequeñu títulu pa notárius y clérigus.
Huentis
[Edital | Editá'l códigu]Referéncias
[Edital | Editá'l códigu]- ↑ The Hundred Greatest Men. Nueva York: D. Appleton & Company, 1885. Hay que subrayar que este grabado está basado en una pintura de un artista desconocido que a su vez seguía un dibujo en yeso rojo que se cree que era un autorretrato de Leonardo. Este grabado es una imagen que representa a Leonardo, no un verdadero retrato.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 (en francés) Capítulo 1: "Il était une fois à Vinci" de Alessandro Vezzosi, Léonard de Vinci: art et science de l'univers, Gallimard, 1996.
- ↑ 3,0 3,1 3,2 (en ingrés) Ottino della Chiesa, Angela. The Complete Paintings of Leonardo da Vinci, Penguin, 1967.
- ↑ Vezzosi, Alessandro (en ingrés). Leonardo da Vinci: Renaissance Man.
- ↑ Según Alessandro Vezzosi, director del museu Leonardo da Vinci, está probau que Piero era propietariu d'una esclava d'Orienti Meyu llamá Caterina, que hue mairi d'un niñu llamau Leonardo. Esta tesis de que Leonardo tenía sangri árabi está soportá pola reconstrución d'una huella digital: (en ingrés) Marta Falconi, «Experts Reconstruct Leonardo Fingerprint.» 1 de diciembre de 2006. Associated Press.
- ↑ «El nacimiento documentado de Leonardo y la sífilis de 'Mona Lisa'». El Mundo. 21 de julio de 2017.
- ↑ 7,0 7,1 Les grandes découvertes, série connaissances et vie, éditions Christophe Colomb, 1984.
- ↑ 8,0 8,1 8,2 8,3 Gille, Bertrand (en francés). Les ingénieurs de la Renaissance.
- ↑ «Leonardo da Vinci.» Fundéu. Consultau el 21 de abril de 2018.
- ↑ 10,0 10,1 10,2 Liana Bortolon. The Life and Times of Leonardo. Paul Hamlyn, London, 1967.
- ↑ Sigmund Freud, Un sueñu d'infáncia de Leonardo da Vinci.
- ↑ 12,0 12,1 Vasari, Giorgio. Le Vite, 1568; reeditau por Penguin Classics con tradución de George Bull en 1965.
- ↑ 13,0 13,1 Arasse, Daniel. Leonardo da Vinci. Konecky & Konecky, 1997.
- ↑ Gille, Bertrand. Les ingénieurs de la Renaissance. Según esti historiador, el su renombri ya hue apreciau por Maties Corvo, el gran rey húngaru que tenía un interés particular en cuantu a los escritus técnicus.
- ↑ Hale, J. R. Renaissance Europe, 1480-1520. Fontana, 1971.
- ↑ Martindale, Andrew. The Rise of the Artist. Thames and Hudson.
- ↑ Cennini, Cennino. Il Libro dell' Arte, edición de D. V. Thompson Jr., New Haven: Yale University Press, 1933.
- ↑ 18,0 18,1 18,2 Friedenthal, Richard. La vida de Leonardo da Vinci, genio, artista, ingeniero, arquitecto y hombre. Biblioteca Salvat de Grandes Biografías. ISBN 98-345-8235-X
- ↑ Biografia de Leonardo da Vinci en las vías de Giorgio Vasari edic. 1550.
- ↑ Popham, A. E. Les dessins de Léonard de Vinci. Éditions de la Connaissance, Bruselas, 1947.
- ↑ 21,0 21,1 Capítulo 2: «Dans la Florence des Médicis», d'Alessandro Vezzosi. A Léonard de Vinci: art et science de l'univers. Gallimard, 1996.
- ↑ 22,0 22,1 22,2 22,3 Capítulo 3: «À Milan au temps des Sforza», de Alessandro Vezzosi. En Leonardo de Vinci: art et science de l'univers, Gallimard, 1996.
- ↑ Kemp, Martin (2004). Leonardo.
Bibliografía
[Edital | Editá'l códigu]- Sigmund Freud, Un recuerdo de infancia de Leonardo de Vinci, 1910
- Fritjof Capra, La Ciencia de Leonardo, Anagrama, 2008, ISBN 978-84-339-6278-2
- Kenneth Clark, Leonardo de Vinci, International Book Creation (1968) ISBN 978-84-7113-007-5
En francés
- Alessandro Vezzosi, Léonard de Vinci: art et science de l'univers, Gallimard, 1996 (ISBN 978-2-07-053353-4)
Atijus
[Edital | Editá'l códigu]En Commons ai conteníu multimedia sobre Leonardo da Vinci.
- Elogio de Leonardo conferencia leída por Leopoldo Lugones pa celebral el cuartu centenariu de Leonardo da Vinci
- "Piezas la exposición David, el genio", Madrid, 2011-2012
- Dibujus de Leonardo en la Royal Collection
Advertencia: la clave de ordenamiento predeterminada «Leonardo, da Vinci» anula la clave de ordenamiento anterior «Vinci, Leonardo da».
- Páginas que usan enlaces mágicos de ISBN
- Artículus que nesezitan sel mehoraus
- Wikipedia:Artículos buenos en la Wikipedia en japonés
- Wikipedia:Artículos destacados en la Wikipedia en catalán
- Wikipedia:Artículos destacados en la Wikipedia en árabe
- Wikipedia:Artículos destacados en la Wikipedia en francés
- Wikipedia:Artículos destacados en la Wikipedia en croata
- Wikipedia:Artículos destacados en la Wikipedia en euskera
- Wikipedia:Artículos destacados en la Wikipedia en lingua franca nova
- Wikipedia:Artículos buenos en la Wikipedia en inglés
- Wikipedia:Artículos destacados en la Wikipedia en esperanto
- Wikipedia:Artículos buenos
- Wikipedia:Artículos buenos en la Wikipedia en portugués
- Wikipedia:Artículos destacados en la Wikipedia en hebreo
- Wikipedia:Artículos destacados en la Wikipedia en afrikáans
- Wikipedia:Artículos destacados en la Wikipedia en albanés
- Wikipedia:Artículos destacados en la Wikipedia en eslovaco
- Wikipedia:Artículos destacados en la Wikipedia en búlgaro
- Ombris
- Güiquipeya:Artícalus con entificaoris BNA
- Güiquipeya:Artícalus con entificaoris BNC
- Güiquipeya:Artícalus con entificaoris ULAN
- Güiquipeya:Artícalus con entificaoris ORCID
- Güiquipeya:Artícalus con entificaoris SBN
- Güiquipeya:Artícalus con entificaoris RKDartists
- Güiquipeya:Artícalus con entificaoris Persée
- Güiquipeya:Artícalus con entificaoris Proyecto Gutenberg autor
- Güiquipeya:Artícalus con entificaoris Museo del Prado (persona)
- Güiquipeya:Artícalus con entificaoris FMIS
- Güiquipeya:Mandu de mayoranças con más de 30 elimentos
- Nacíus en 1452
- Espenaus en 1519
- Pintoris
- Escultoris
- Enhenierus
- Enventoris
- Leonardo da Vinci
- Biografías