Euskadi ta Askatasuna
![](http://upload.wikimedia.org/wikipedia/commons/thumb/9/9e/ETAren_anagrama_Altsasun.jpg/250px-ETAren_anagrama_Altsasun.jpg)
Euskadi Ta Askatasuna (en estremeñu: País Vascu i Libertá), conocia polas sus sigras ETA, hue una organizacion armá, autodecrará endependentista, nacionalista vasca i socialista, que invocava la briega armá comu métodu pa otenel los sus ojetivus hundamentalis enos que s'encontrava de manera prioritária la endependéncia de lo que en vascu se llama Euskal Herria de los estaus d'España i Fráncia. Pa ellu gastava el assessinatu, el secuestru i la estorsion económica en España i, a vezis, en Fráncia.
Hundá en 1959 duranti la ditaura franquista endespues el avientaeru de miembrus las joventuis del Partiu Nacionalista Vascu, cometió la su primel acion violenta en júliu de 1961 i, a lo primeru, contó con el apoyu duna parti senificativa de la puebracion al sel considerá una mas de las organizacionis opuestas al regimin, si bien al atrás el procesu democratizaol eniciau en 1977, al qual no se incorporó, hue perdiendu apoyus púbricus, huendu condenaus los sus actus i calificaus de terroristas pola huerça las huerças políticas i socialis dende l'aprobacion el Estatutu de Gernika en 1979 hata ogañu, ena que la su condicion terrorista es autéticamenti almitia pola huerça de los estaus, entre ellus: España, Fráncia, Estaus Unius, las organizacionis internacionalis comu el Conseju d'Uropa, las Nacionis Unias[1] o la Europol. Anistia Internacional á condenau muchas vezis las acionis d'ETA, calificandu-las comu crímin o gravis abusus a la escontra los derechus humanus, comu la política antiterrorista del gobiernu español, en particulal el regimin d'incomunicacion que a su júiciu possibilita la tortura.
Dende el 2002, muchus partius políticus i organizacionis socialis án siu ilegalizás pol su atiju a ETA.
El 20 outubri de 2011 ETA anunciava en un comunicáu'l acaberu definitivu de la su actividá armá i en mayu de 2018 se disuelvi de horma definitiva.