Cundinamarca
Cundinamarca | ||||
---|---|---|---|---|
Entidad subnacional | ||||
| ||||
![]() Ubicación de Cundinamarca | ||||
Coordenadas | 5°00′00″N 74°10′00″O / 5, -74.166666666667 | |||
Capital | Bogotá | |||
Entidad | Departamento de Colombia | |||
• País | Prantilla:Geodatos Colómbia | |||
Superficii | ||||
• Total | 22 623 km² | |||
Altol | ||||
• Media | 3341 m s. n. m. | |||
Puebración (2020) | ||||
• Total | 3242999 hab. | |||
• Densidá | 143,35 hab/km² | |||
Huso horario | UTC-05:00 | |||
Sitio web oficial | ||||
Cundinamarca es unu delos 32 departamentus que horman la Repúbrica de Colombia. La su capital es Bogotá, la capital del país. Está assitiá nel centru del país, ena región andina. Encravau nel su territoriu s'alcuentra el Destritu Capital de Bogotá, al qu'arroea escetu pol su arrayu sul-ponienti.
Cuna puebración de 3.577.177 abitantis (sin encluil Bogotá) en 2023, es el tercel departamentu más puebrau —por tras de Antioquia i Valle del Cauca— i con 111 ab/km², el sétimo más densamenti puebrau, por tras de San Andrés y Providencia, Atlántico, Quindío, Risaralda, Valle del Cauca i Caldas. Hue criau el 4 d'abosto de 1886, al sel rogá la Costitución de 1886.[1]
Toponimia
[Edital | Editá'l códigu]El origi del nombri Cundinamarca es desconocíu. S'a pranteau qu'es una adatación del quechua Kuntur marka (Ñíu del cóndol). Los conquistaoris españolis al allegar a estas tierras i ascuchal las dos parabras, lo entrepetarun comu Cundirumarca, Cuntinamarca i al caberu Cundinamarca que, en estremeñu, vendría a senifical comarca o provincia del cóndol; marca está relacioná, comúnmenti pola cosonancia, con comarca i con marca, parabra qu'antigamenti se gastava en Uropa p'anombral territorius linderus dun reinu (d'aí la parabra marqués).[2]
Sotra teoría di qu'al sel "Cundinamarca" una parabra desconocía ena idioma muisca, que carecía delas letras D i R, se confirmaría qu'el nombri de Cundinamarca quiel dizil tierra o región de Dinamarca. La parabra quyca ena idioma muisca senifica Tierra, patria, región, mundu o territoriu;[3] los muiscas didrían angu semilal a Quicadinamarca, lo que, castellaniçau polos conquistaoris españolis, muó a Cundinamarca. Por sotra parti, en danés i en otras idiomas escandinavas Konge, cona "e" sorda [kɔnɡə], senifica rei (del mesmu étimu provien tamién el términu ingrés king), tuviendu Konge Danmark (AFI: [kɔnɡə ˈtænmak], Rei de Dinamarca) una prenunciá semilal a Cundinamarca, [kundinaˈmaɾka]. Estas tasmeas hazin referencia a una llegá anteriol alos españolis de danesis o escandinavus al territorio. Assina, se cavila, un soponel, sobri l'aconcecel de Bochica, quien ena mitología muisca era un euri cevilizaol, o un dios, qu'enseñó alos muiscas a ahilal el algodón i tecel mantas, amás d'incuca-lis prencipius moralis i socialis, i qu'era descrevíu comu un ombri de piel branca, ojus azulis, pelu ruviu o brancu i barba larga ata la cintura, vestiendu una manta ata las barrigas-dela-pierna, colos pies descalçus i porteandu un bragu d'oru, lo que concidi cola muación al apotronamientu delos muiscas.Humbolt, Alexander von (1878). Traducción de Bernardo Giner, ed. Sitios de las cordilleras y monumentos de los pueblos indígenas de América. Madrid: Imprenta y Librería de Gaspar.
Estoria
[Edital | Editá'l códigu]Periodu prestóricu
[Edital | Editá'l códigu]El territoriu de Cundinamarca estuvu abitau casi dendi 12000 e.C. comu lo demuestran los registrus fósilis ahallaus en El Abra, Zipaquirá, Nemocón, Soacha i Tequendama. Al igual comu Mesoamérica i la región andina de Perú, vivió periodus de volución coltural dendi'l nomadismu ata'l assentaeru duna coltura avanzá, passandu los periodus precrássicu, clássicu i posclásicu, peru las cevilizacionis premuiscas quearun escassus rastrus del su desenreu.
Los muiscas, pertenecientis ala familia lengüística chibcha, avrían llegau en angún momentu entri los añus 1000 e.C. i 1000 a.C., nel periodu crássicu. El cautivu de maís, papa, tomati, etc. apareció hazia 1200 e.C., quandu se desenreoó un apotronamientu moderau. L'agricoltura intesiva i los processos endustrialis permitierun el desenróo en Cundinamarca dela tercel coltura preispánica más adelantá d'América, los muiscas. Probablimente nel siegru XIV, los puebrus de origi Caribe envadierun el valli del Magdalena i las provincias de Sumapaz, Tequendama, Gualivá i Rionegro, i se mentarun panches mentris angunas tribus menoris d'origi arawak huerun aballás al pie-de-monti llaneru.[4]
Periodu español
[Edital | Editá'l códigu]Quandu allegarun los españolis ala región, estus atoparun que los Muiscas abitaban el altiprano i eran governaus pol Zipa i una serii de caciquis menoris. Dos huertis enfrentamientus en Zipaquirá i en vera del ríu Bogotá ahollarun alos Chibchas i el zipa Tisquesusa se dio ala retirá. Assitiau en Facatativá, hue assessinau polos españolis. Un'aliança col su sucesol Sagipa permitió ahollal i acachinal alos panches ena Batalla de Tocarema i posteriolmenti col acuerdu en Tocaima s'acachinó la restanti nación Panche. Dessa horma tol territoriu de Cundinamarca s'añidió ala corona española.[5]
![](http://upload.wikimedia.org/wikipedia/commons/thumb/b/b9/ProvinciaBogota.jpg/220px-ProvinciaBogota.jpg)
La Sabana de Bogotá hue ecenariu dela encontrança delos conquistaoris Gonzalo Jiménez de Quesada, Nicolás de Federmán i Sebastián de Belalcázar en 1538. Si bien Jiménez de Quesada anombró Nuevo Reino de Granada alos territorius, la región estuvu barajau enos sus orígis ala governación de Cartagena. Se costituyó comu Real Audiencia en 1548, pertenecienti al Virreinato del Perú i dendi 1564 anombró presidentis. Por tos estus añus los territorius se destendierun ata acupal el territoriu dela ogañu Colombia.
El 9 de marçu de 1687 ena cidá de Santafe de Bogotá i los sus alreoris se sintió un huerti ruíu acompañau dun cheru çufrau que causó pánicu ena puebración, i qu'el su origi no púu aterminal-si. Pa referil-si a hechus mu lejanus nel tiempu, surgió la espressión "en el tiempo del ruido" ("Nel tiempu del ruíu" en estremeñu). En 1717 se costituyó en Virreinatu, que hue adiau en 1724 i restaurau en 1739; acontinó ata'l movimientu d'endependencia de 1810, hue restaurau por cabera ves en 1816, quandu la reconquista, i adiau definitivamenti en 1819 ena Endependencia. En Cundinamarca tamién uvu epissodius dela Insurrección delos Comuneros en La Mesa, Villeta, Guaduas i Bituima.
![](http://upload.wikimedia.org/wikipedia/commons/thumb/1/15/Muisca_raft_Legend_of_El_Dorado_Offerings_of_gold.jpg/220px-Muisca_raft_Legend_of_El_Dorado_Offerings_of_gold.jpg)
Endependencia
[Edital | Editá'l códigu]![](http://upload.wikimedia.org/wikipedia/commons/thumb/a/ae/Carta_Corogr%C3%A1fica_Del_Estado_De_Cundinamarca.jpg/220px-Carta_Corogr%C3%A1fica_Del_Estado_De_Cundinamarca.jpg)
Dendi el 16 de juñu de 1813 se dierun los acontecimientus dela endependencia en territoriu cundinamarqués. Allí nació la parabra "Cundinamarca" quandu los centralistas baxu el mandu de Antonio Nariño quixun crial un estau uñificau i centralista con esti nombri; mentris, los federalistas de Camilo Torres s'enfrontilarun pa crial lasProvincias Unidas de la Nueva Granada. Esti periodu de guerra cevil favoreció la reconquista española en 1816. Tras la Batalla de Boyacá s'alcançó la endependencia i se hizu destensivu el nombri de Cundinamarca a tola Nueva Granada.[6]
En 1831 dela Nueva Granada se dessajuntó la Gran Colombia, i Cundinamarca se costituyó en unu delos sus departamentus. Debíu a deferentis muacionis políticu-almenistrativus dicha entidá territorial s'insolvió en varias provincias, entri ellas Bogotá, la qual se convirtió nel Estado Soberano de Cundinamarca el 15 de juñu de 1857 daquí palantri dela uñón delas provincias neogranadinas de Bogotá, Mariquita, Neiva, Tequendama, Zipaquirá i el Territorio de San Martín. Dichu estau essestió duranti l'epoca dela Confederación Granadina i posteriormenti delos Estados Unidos de Colombia, gracias que las costitucionis Federalis.[7]
En 1886, gracias que la nueva costitución política, Cundinamarca se convirtió en Departamentu daquí palantri dela criación dela nueva Repúbrica de Colombia.[8] Comu datu curiosu, el presidenti Manuel Antonio Sanclemente governó dendi Villeta al no aguantal el climii fríu dela capital, Bogotá.
Siegrus XX y XXI
[Edital | Editá'l códigu]Al prencipial el siegru XX, Cundinamarca hue devidía por cabera ves nel departamentu omónimo (capital en Facatativá), nel de Quesada (Zipaquirá) i el Distrito Capital de Bogotá entri 1905 i 1910, podutu de las rehormas políticas de Rafael Reyes. Duranti'l goviernu de Gustavo Rojas Pinilla se declaró a Bogotá comu Destritu Especial.[9] La costitución de 1991 la ratificó comu Destritu Capital reconvirtiéndu-la nun enti endependienti i de primel ordin nel país. Pesi a que la Gobernación de Cundinamarca tien sedi en Bogotá, el Departamentu no tien jurisdición sobri dicha cidá i por tal razón no ai correspondencia almenistrativa. S'an propuestu ocionis de capital del departamentu a monicipios comu Girardot, Chía, Zipaquirá, Fusagasugá, Facatativá i Soacha[10] (la qual hue denegá pol Congressu dela Repúbrica en outubri de 2022).[11][12]
Geografía
[Edital | Editá'l códigu]![](http://upload.wikimedia.org/wikipedia/commons/thumb/9/97/Cundinamarca_Topographic_2.png/220px-Cundinamarca_Topographic_2.png)
Arrayus
[Edital | Editá'l códigu]Cundinamarca está arrayá polos siguientes departamentus: Al norti con Boyacá, al salienti con Meta, al sul con Huila, al sul-ponienti i ponienti con Tolima, I al nor-ponienti con Caldas.
Referencias
[Edital | Editá'l códigu]- ↑ [https://web.archive.org/web/20131103204148/http://www.cundinamarca.gov.co/cundinamarca/plantillastandar.asp?seccion=SEC_SIMBOLOS&condicion=21 «Gobernaci�n de Cundinamarca»]. web.archive.org. 3 de noviembre de 2013. Archivado desde el original el 3 de noviembre de 2013. Consultado el 29 de enero de 2024.
- ↑ Semana (10 de septiembre de 2017). «¿Sabía que Cundinamarca significa 'comarca del cóndor'?». Semana.com Últimas Noticias de Colombia y el Mundo (en spanish). Consultado el 29 de enero de 2024.
- ↑ «quyca». Muysc cubun - Lengua Muisca. Consultado el 31 de enero de 2024.
- ↑ «Cundinamarca: Departamento de Cundinamarca Colombia». todacolombia.com. Consultado el 29 de enero de 2024.
- ↑ «Cundinamarca: Departamento de Cundinamarca Colombia». todacolombia.com. Consultado el 29 de enero de 2024.
- ↑ [https://web.archive.org/web/20131103204148/http://www.cundinamarca.gov.co/cundinamarca/plantillastandar.asp?seccion=SEC_SIMBOLOS&condicion=21 «Gobernaci�n de Cundinamarca»]. web.archive.org. 3 de noviembre de 2013. Archivado desde el original el 3 de noviembre de 2013. Consultado el 29 de enero de 2024.
- ↑ [https://web.archive.org/web/20131103204148/http://www.cundinamarca.gov.co/cundinamarca/plantillastandar.asp?seccion=SEC_SIMBOLOS&condicion=21 «Gobernaci�n de Cundinamarca»]. web.archive.org. 3 de noviembre de 2013. Archivado desde el original el 3 de noviembre de 2013. Consultado el 29 de enero de 2024.
- ↑ «Constitución de 1886 - Biblioteca Virtual Miguel de Cervantes». web.archive.org. 16 de mayo de 2008. Archivado desde el original el 16 de mayo de 2008. Consultado el 30 de enero de 2024.
- ↑ Díaz, Marco E. Cortés (2006). La anexión de los 6 municipios vecinos a Bogotá en 1954. Univ. Nacional de Colombia. ISBN 978-958-701-695-6. Consultado el 31 de enero de 2024.
- ↑ Espectador, El. «ELESPECTADOR.COM». ELESPECTADOR.COM (en spanish). Consultado el 31 de enero de 2024.
- ↑ «Soacha NO será la capital de Cundinamarca: Congreso tumbó la propuesta». RCN Radio. 27 de octubre de 2022. Consultado el 31 de enero de 2024.
- ↑ Semana (26 de octubre de 2022). «La Cámara le dice no a Soacha como capital de Cundinamarca». Semana.com Últimas Noticias de Colombia y el Mundo (en spanish). Consultado el 31 de enero de 2024.