Westerwald

Westerwald
Datu orokorrak
Mendirik altuena	Fuchskaute
Garaiera	386 m
Mota	erdi-mailako mendi eta mendikate
Luzera	60 km
Azalera	3.000 km²
Geografia
Koordenatuak	50°40′00″N 7°50′00″E
Mendikatea	Renaniako eskisto-mendigunea
Estatu burujabe	Alemania
Alemaniako estatua	Renania-Palatinatua

Westerwald Alemaniako mendilerro bat da Ipar Renania-Westfalia, Renania-Palatinatua eta Hessen estatuen artean zabaltzen dena. Eskualdeak oinarri bolkanikoa du eta ez du garaiera handirik, mendi altuena Fuchskaute (657m) baita.

Etimologia

Alemanez Wester "mendebaldekoa" da eta wald "basoa", beraz Westerwal mendebaldeko basoa da. Izen honen lehenengo aipamena 1048 urtekoa da, baina XIX menderarte ez zen ohiko izena bihurtu.

Mendiak

Tontor handienak Renania-Palatinatuan daude eta honako hauek dira:

• Fuchskaute (657 m)
• Stegskopf (654m)
• Salzburger Kopf (653m)

Hessengo mendi altuenak:

• Höllberg (643m)
• Auf der Baar (618)

Ipar Renania-Westfaliako mendi altuena:

• Die Höh (598m)

Ibaiak

Ibai nagusia mendialdea hego-mendebaldetik inguratzen duen Rhina da. hego-ekialdetik berriz Lahn ibaia pasatzen da.

Historia

Burdin Aroan zeltak bizi ziren inguru hauetan. La Tène kulturako aztarnak aurkitu dira Dornburg (394 m) mendian. K.a. 380 urtean germaniarrak iritsi ziren eta ondoren erromatarrekin ere borrokatu behar izan zuten zeltek, erromatarren asmo bakarra Rhinaren eskuin aldeko segurtasun lur zati bat eratzea baino ez bazen ere. III mendean Katoak (germaniarrak) izan ziren erromatarrak Limesetatik haratago bidali zituztenak. VI mendean azkenik frankoak nagusitu ziren inguruaz.

X eta XIII mendeen artean Karolingiar Inperioaren barnean herrixka ugari sortu ziren eta Treveris eta Koloniatik misiolariak etorri ziren bertako biztanleak kristautzera. XVI mendean lau lurraldek borrokatu zuten mendilerroaren kontrola lortzeko, hala nola, Maguntzia, Kolonia, Treveris eta Hessen. Napoleondar Gerren ondoren Prusia nagusitu zen. Gaur egun hiru estatutan banaturik dago eskualdea.

Iruditegia

• 
  Höllberg
• 
  Westerwald Knoten herritik ikusita
• 
  Hummelsberg
• 
  Malberg

Kanpo estekak

• Datuak: Q640966
• Multimedia: Westerwald / Q640966