West Bromwich Albion Football Club

West Bromwich Albion Football Club
Ezizena(k)	WBA, West Brom, The Baggies, Albion
Sorrera	1878
Futbol zelaia	The Hawthorns; edukiera: 26.500 lagun; inaugurazioa: 1900
Presidentea	Guochuan Lai
Entrenatzailea	Sam Allardyce
Liga	Premier League
2020-21	19.a (jeitsi da)
Webgunea	Webgune ofiziala

	Etxekoa

	Kanpokoa

West Bromwich Albion Football Club Ingalaterrako futbol taldea da, West Bromwich hirian egoitza eta zelaia (The Hawthorns) dituena. Ingalaterrako Liga bat eta 5 Kopa ditu.

Historia

West Bromwich Strollers izenarekin sortu zen 1878an, eta 1880an hartu zuen gaur egungo izena. 1885ean p`rofesionala bihurtu zen eta 1886an jokatu zuen lehenengo Kopako finala, baina galdu egin zuen Blackburn Rovers taldearen aurka errepikapeneko partidan. 1887an ere Kopako finala galdu zuen Aston Villaren aurka. Baina 1888 eta 1892ko finalak irabaztea lortu zuen. 1888an Ligaren talde sportzaileetako bat izan zen.

Irabazi duen Liga bakarra 1919-20koa da, ordura arteko errekor guztiak hautsiz gainera, 104 gol sartu baitzituen eta 60 puntu eskuratu. 1925ean bigarren egin zuen baina 1927an maila galdu zuen. 1931ean hirugarren kopa eskuratu zuen.

1953-54 urtea bikaina izan zuen ia Liga eta Kopa lortu baitzituen. Ligak ihes egin zion ordea azken unean. Hala ere "Mendeko taldea" ezizena eman zioten bere joko erasokorrak txundituta. Bolada on honek 60. hamarkadan ere jarraitu zuen eta Kopa berri bat eta Ligako Kopa eskuratu zituen.

1979an Ligan hirugarren egin zuen eta UEFA Kopa jokatu zuen hurrengo urtean. Final laurdenetara iritsi zen baina Belgradeko Izar Gorriak kanporatu zuen. 1982an Kopa finalerdiak jokatu zituen baina hortik aurrera taldearen gainbheera etorri zen, urte gutxitan hirugarren mailara ere jeitsi zelarik.

2010 urtetik aurrera Premier Ligan aritu da, gehienetan taula erdialdetik behera. 2018an maila galdu du.