Vesto Melvin Slipher

Vesto Melvin Slipher
Bizitza
Jaiotza	Mulberry, 1875eko azaroaren 11
Herrialdea	Ameriketako Estatu Batuak
Bizilekua	Ameriketako Estatu Batuak
Heriotza	Flagstaff, 1969ko azaroaren 8a (93 urte)
Hobiratze lekua	Citizens Cemetery (en)
Familia
Haurrideak	ikusi Earl C. Slipher;
Hezkuntza
Heziketa	Indiana University (en) ; Indianako Unibertsitatea Bloomingtonen
Hezkuntza-maila	zientzietan doktorea
Hizkuntzak	ingelesa
Jarduerak
Jarduerak	astronomoa
Enplegatzailea(k)	Lowell Behatokia
Lan nabarmenak	ikusi gorriranzko lerrakuntza;
Jasotako sariak	ikusi Henry Draper domina (1932) ; Lalande domina (1919) ; Astronomiako Errege elkartearen urrezko domina (1933) ; Bruce domina (1935) ;
Kidetza	Arteen eta Zientzien Ameriketako Estatu Batuetako Akademia; Zientziak Aurrera Egiteko Elkarte Amerikarra; Ameriketako Estatu Batuetako Zientzien Akademia Nazionala

Vesto Melvin Slipher (Mulberry, 1875eko azaroak 11- Flagstaff, 1969ko azaroak 8) estatubatuar astronomo bat izan zen. Bere ikerketen artean lehen aldiz galaxia baten abiadura erradiala neurtu izana eta izarrarteko ingurunean gas eta hautsaren existentzia aurkitu izana nabarmentzen dira. Bere anaia Earl C. Slipher ere astronomoa izan zen.

Biografia

Slipher Indiana estatuko Mulberry herrian jaio zen, eta Indianako Unibertsitatean ikasi zuen. Arizonako Flagstaff hirian dagoen Lowell Behatokian lan egin zuen, behatoki honetako zuzendari izatera iritsi zelarik 1916 eta 1952 artean. Espektroskopioa planeten errotazio periodoak eta planeten atmosferen konposaketak ikertzeko erabili zuen. 1912an lehen aldiz ikusi zuen espektro lerroen mugimendua galaxia batean (kasu honetan Andromeda galaxian), hala, galaxia baten abiadura erradiala lehen aldiz zehaztuz. Galaxia espiralak (garai hartan oraindik nebulosa espiraltzat hartzen zirenak) errotatu egiten zutela ere aurkitu zuen.

1909an izarrarteko gas kopuru handiaren existentzia berresten zuten datuak aportatu zituen, urte bete lehenago Jacobus Kapteynek proposatu zuen ideia. 1912an, Pleiadeetako kumulu irekiko nebulosa batek gertu zegoen Merope izarraren argia islatzen zuela aurkitzean izarrarteko hautsa aurkitu zuen. Aipaturiko nebulosa, aldi berean, nebulosa mota berri baten ordezkaria zen, erreflexio nebulosak, alegia.

1927an hasi zen Neptuno eta Urano planeten orbitetan ikusitako perturbazioak azal zitzakeen planeta baten bilaketa. 1930ean, pertsonaleko kide zen Clyde Tombaughek Pluton planeta aurkitu zuen, honen tamainak ikusitako perturbazioak azaltzen ez zituen arren.

Astronomiatik 1954an erretiratu zen, eta 1969an hil zen, Arizonako Flagstaff hirian.

Errekonozimenduak

Sariak

Ohorezko tituluak

Honoris Causa doktorea Zientzietan Arizonako Unibertsitatetik
Honoris Causa doktorea Legeetan Indianako Unibertsitatetik.

Eponimoak

Slipher kraterra Ilargian
Slipher kraterra Marten.
1766 Slipher asteroidea

Ikus, gainera

Datuak: Q312248
Multimedia: Vesto Melvin Slipher (astronomer) / Q312248