Txikipedia:Ezkur

Ezkur edo Zia

Ezkur

Ezkur edo zia Haritzak, arteak, artelatzak eta erkametzak ematen duten fruitua da.

Deskribapena

Forma obalatuko fruitu bat da, kolore marroi argia du eta 2-4cm-ko luzeera izan dezake. Ozkol erdi gogor batez dago osatua eta barnean hasi bakarra du. Gehienetan txapeltxo bezalako bat izaten du, zuhaitzean bertatik eskegita egoten baita.

Nutrizio balioa

Ezkurrak jatea ona da, nahiz eta gehienetan txerriek jaten dituzten. Hala ere, neurri batean jan behar dira. 100 gramo jatean:

• 509 kcal.
• Karbohidratoak 53g
• Proteina 8g
• Koipea 31g

Ekoizpena

Haritza esate baterako, gutxi gorabehera, 20kg ezkur ekoizteko gai da. Hektareako berriz, urtean 137,8 eta 691,6 kg batzen dira.

Erabilera

Gaur egun ezkurrak irin moduan, ezkur-likorea egiteko edota gozogintzan, infusio moduan erabiltzen dira. Helburu medikoekin ere erabili ohi dira eta ikerketa zientifikoek diotenez, hauek erreuma sendatzen laguntzen dute. Baita beherakoa tratatu eta odoleko azukre-mailak erregulatu ere.

Bitxikeriak

Txerri iberikoak ezkur motak usaimenaren bidez bereizten dituzte. Gainera, ez dituzte osorik jaten, zuritu eta oskola baztertuz bakarrik jaten dute fruitua.