Sinusitisa aurpegiko hezur-sinuak estaltzen dituen mukosaren hantura da, sarritan infekzioek, alergiek edo autoimmunitate-faktoreek eragindakoa.
Gaixotasuna era akutuan eta era kronikoan agertzen da. Lehenak hiru aste baino gutxiago irauten du, eta bigarrenak hiru hilabete baino gehiago irauten du.
Pazienteak handitutako sinuaren aldean mina izaten du, sukarra izan lezake edo ez, sudurra buxatua, errinorrea, zefalea larria eta beste hainbat sintoma izan litzake. Edozeinetara ere, sendagilearengana joatea gomendatzen da, eritasun onbera izanik ere, batzuetan, behar bezala tratatzen ez bada, konplikazio larriak ager daitezkeelako.
Medikuarengana jotzea beharrezkoa izanik ere, badira lagungarri gerta litezkeen neurri orokor batzuk: besteak beste, likidoak eta elikagaiak neurriz hartzea (jateko gogorik ez badago, elikagaiak neurri txikitan hartzea), alergiaren kontrako tratamenduak prebentzio gisa egitea eta faktore kaltegarriak (tabako-kea, alergikoak, poluzioa eta abar) saihestea.