Robert Walpole
![](http://upload.wikimedia.org/wikipedia/commons/thumb/e/ec/Robert_Walpole%2C_1st_Earl_of_Orford_by_Arthur_Pond.jpg/250px-Robert_Walpole%2C_1st_Earl_of_Orford_by_Arthur_Pond.jpg)
Robert Walpole (Houghton, Norfolk, Ingalaterra, 1676ko abuztuaren 26a - Londres, Ingalaterra, 1745eko martxoaren 18a) ingeles politikaria izan zen. Whig Alderdiko buruzagi izan zen. De facto, Britainia Handiko Erresuma Batuko lehen ministro kargua betetzen zuen lehen pertsona izan zen. Boterean ia 21 urtez egon zen, 1721etik 1742ra arte.[1]
Biografia
[aldatu | aldatu iturburu kodea]1708an, gerra-idazkari izan zen eta 1710ean, itsas armadako buru. 1712an, Tory Alderdiak hauteskundeak irabazirik, ustelkeria zela eta egin zizkioten salaketengatik Londresko dorrean sartu zuten. Aske utzi zutenean, Hannoverko etxearen alde agertu zen, eta, dinastia haren eta Jurgi I.a Erresuma Batuko erregearen arteko harreman onei esker, berriro zenbait kargu eman zizkioten, eta gobernuan esku handia izan zuen harrezkero.[2]
Ingalaterrako parlamentu-sistema ezarri zuen, eta lehen gobernuburua izan zen; politika bakezalea egin zuen, zerga apalak ezarri zituen eta ardoaren eta tabakoaren gaineko zergak finkatu zituen. Jurgi II.a Erresuma Batukoaren garaian ere eragin handia izan zuen, Karolina erreginaren laguntzari esker, batez ere, baina Karolina hil ondoren (1737), oposizioak egin zizkion kritika ugariei aurre egin ezinik, 1742an dimisioa eman zuen.
Hugo Walpole bere semea izan zen.[3]
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ https://www.gov.uk/government/people/robert-walpole
- ↑ https://www.euskadi.eus/web01-a2lurhiz/eu/contenidos/termino/_c06007/eu_w_0036/w0036.html
- ↑ https://www.euskadi.eus/web01-ejeduki/eu/contenidos/termino/_c06007/eu_w_0034/w0034.html