Malcolm Morley
Malcolm Morley | |
---|---|
Bizitza | |
Jaiotza | Londres, 1931ko ekainaren 7a |
Herrialdea | ![]() ![]() |
Heriotza | New York, 2018ko ekainaren 1a (86 urte) |
Hezkuntza | |
Heziketa | Royal College of Art (en) ![]() Camberwell College of Arts (en) ![]() |
Hizkuntzak | ingelesa |
Jarduerak | |
Jarduerak | margolaria, marrazkilaria eta artista bisuala |
Parte-hartzailea
| |
Lantokia(k) | New York eta Ameriketako Estatu Batuak |
Jasotako sariak | ikusi
|
Kidetza | Arteen eta Zientzien Ameriketako Estatu Batuetako Akademia Ameriketako Estatu Batuetako Arte eta Letren Akademia |
Mugimendua | Espresionismo abstraktua Arte garaikidea |
Malcolm Morley (Londres, 1931ko ekainaren 7a - New York, 2018ko ekainaren 2a) britainiar artista izan zen.
1952-1953 urteen bitartean, Camberwell School of Arts and Craftsen ikasi zuen, eta 1954-1957 urteen bitartean Royal College of Arten. Pop art mugimenduaren garaiko artista bada ere, Morleyren lana ez da joera horretakoa. 1956an Londresko Tate galerian izan zen Estatu Batuetako arteari buruzko erakusketa batek harriturik utzi zuen, eta New Yorkera joatea erabaki zuen. 1960ko lanetan laukiaren eta marrazki ikurren eragina atzematen da; zerrenda horizontalak marrazten ditu, zuriak eta beltzak, batez ere. Ondoren, gerra-ontzi sail bat egin zuen, kolore grisetan. SS Amsterdam in front of Roterdam (1966) lana garai horretako marrazkien adibide argia da. Morleyk berak "superrealismo" hitza asmatu bazuen ere, baztertu egin zen joera horretatik eta teknika gutxiagoko lanak egin zituen, esate baterako The General (1974), zeinetan collage moduan hiru dimentsioko osagaiak erabiltzen dituen. 1969-1970 bitartean argazkiak erabili zituen. Lan horietan argi eta garbi utzi nahi du erabiltzen duen iturria artifiziala dela guztiz, eta horretarako laukiaren inguruko zerrenda zuria mantentzen du. 1965-1966 bitartean Ohioko Unibertsitateko irakasle izan zen; orobat izan zen irakasle New Yorkeko School of Visual Artsen. 1984an Turner Saria irabazi zuen, eta 1990 urtetik aurrera, estilo fotoerrealistago batera itzuli zen; esate baterako, hegazkin-modeloak muntatzeko behar diren piezen multzoa mihisean kopiatu zituen (Red Arrows, 2000.).
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.