London After Midnight (filma)

London After Midnight (filma)
	Irudi gehiago
Jatorria
Argitaratze-data	1927
Izenburua	London After Midnight
Jatorrizko hizkuntza	ingelesa; baliorik ez
Jatorrizko herrialdea	Ameriketako Estatu Batuak
Ezaugarriak
Genero artistikoa	beldurrezko zinema, misteriozko zinema, film mutua, film dramatikoa eta detektibe-fizkioa
Iraupena	65 minutu
Kolorea	zuri-beltzekoa
Zuzendaritza eta gidoia
Zuzendaria(k)	Tod Browning
Gidoigilea(k)	Waldemar Young (en) ; Tod Browning; Joseph Farnham (en)
Antzezlea(k)
	Lon Chaney ; Marceline Day ; Conrad Nagel ; Henry Brazeale Walthall ; Polly Moran ; Claude King ; Percy Williams (en) ; Edna Tichenor (en) ; Jules Cowles ; Allan Cavan
Ekoizpena
Ekoizlea	Irving Thalberg
Konpainia ekoizlea	Metro-Goldwyn-Mayer
Edizioa	Harry Reynolds (en)
Ekoizpen-diseinatzailea	Cedric Gibbons
Bestelako lanak
Musikagilea	Robert Israel (en)
Argazki-zuzendaria	Merritt B. Gerstad (en)
Fikzioa
Kontakizunaren tokia	Londres
	ikusi Man in the Beaver Hat (en) ;
Argumentu nagusia	Etxe sorgindua

London After Midnight, Erresuma Batuan The Hypnotist (euskaraz Londres Gauerdi Ondoren edota Hipnotizatzailea) 1927ko Tod Browning estatubatuar zinema zuzendariak zuzendutako beldurrezko film mutu bat da. Tod Browning berak idatzitako The Hypnotist (Hipnotizatzailea) kontakizun laburrean oinarritua dago. Lon Chaney, with Marceline Day, Conrad Nagel, Henry B. Walthall eta Polly Moran aktoreek antzeztu zuten.

Film honen bitxikeria nagusia gaur egun inon ikusgai ez egotean datza, gaurdaino argumentuaren paperak eta istorio idatzia gorde izan diren arren, 1967an filmaren jatorrizko zintaren zeluloideko kopia guztiak Metro-Goldwyn-Mayer ekoiztetxearen egoitzaren sute batean erre baitziren, hortaz filmaren argazki eta irudiak bakarrik ikusgai daude.

Argumentua

Oharra: Atal honek istorio osoa edo amaiera argitzen du.

1920ko hamarkada, Londres hiriaren kanpoaldeko auzune bateko etxe batean, Sir Roger Balfour hilik agertu da, dirudienez tiroz bere buruaz beste eginda. Baina haren adiskide eta bizilagun Sir James Hamlinen (Henry B. Walthall) arabera hark ez zuen bere buruaz beste egiteko inongo asmorik inoiz erakutsi izan. Dena den, Edward C. Burke (Lon Chaney) Scotland Yardeko inspektoreak ofizialki suizidioa izan dela ondorioztatu eta kasua bere hartan geldituko da.

Handik bost urtera, kopazko kapela eta hortz puntadun gizon iluna eta Luna (Edna Tichenor) deritzon aurpegi goibeleko emakumea etxe hartan bizitzen jarriko dira. Bi bizilagun bitxi horien etorrerak Sir James Hamlinen susmoak berpiztu eta Scotland Yardera deituko du, honela Burke inspektorea kasua berrikertzeari ekingo dio.

Aktoreak

Lon Chaney: Edward C. Burke irakaslea (edota inspektorea) / Kopazko Kapeladun Gizona
Marceline Day: Lucille Balfour
Henry B. Walthall: Sir James Hamlin
Percy Williams: Williams, Balfourren morroia
Conrad Nagel: Arthur Hibbs
Polly Moran: Smithson andereinoa, neskame berria
Edna Tichenor: Luna, andre banpiroa
Claude King: Roger Balfour / Arrotza
Andy MacLennan: Andre banpiroaren morroia

Kanpo estekak

IMDBko fitxa irakurgai (Ingelesez)

Datuak: Q253397
Multimedia: London After Midnight / Q253397