Leopoldo I.a Belgikakoa
Leopoldo I.a Belgikakoa (Coburg, Germaniako Erromatar Inperio Santua —gaur egun Alemania—, 1790ko abenduaren 16a - Laeken, Belgika, 1865eko abenduaren 10a) belgikarren erregea izan zen 1831-1865 bitartean. Belgika independentearen lehenbiziko erregea izan zen.
Bizitza
[aldatu | aldatu iturburu kodea]Saxonia-Coburg-Saalfeldeko printzea zen, eta Errusiako armadan aritu zen Napoleonen aurkako gerran. 1815ean, ingeles herritartasuna hartu eta Charlotte Ingalaterrako erreginagaiarekin ezkondu zen, baina bi urte geroago hil zitzaion emaztea.
1830eko iraultzan, Belgikako batzarrak hautatu zuen belgikar guztien errege, Joseph Labeauk hala eskatuta, eta errege izendatu zuten 1831n. Belgikaren aldeko saioak egin zituen nazioartean eta aurre egin zion herbeheretarren erasoari. 1832an, Frantziako errege Luis Filiperen arreba Luisa Maria Orleanskoarekin ezkondu zen eta handik aurrera Belgikako independentziaz arduratu zen nagusiki. Barne politikan, katolikoen eta liberalen arteko elkar-ulertzea bultzatu zuen.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
![]() |
Wikimedia Commonsen badira fitxategi gehiago, gai hau dutenak: Leopoldo I.a Belgikakoa ![]() |