La Belle Personne

La Belle Personne
Jatorria
Argitaratze-data	2008
Izenburua	La Belle Personne
Jatorrizko hizkuntza	frantsesa; italiera; ingelesa; errusiera
Jatorrizko herrialdea	Frantzia
Banatze bidea	eskatu ahalako bideo
Ezaugarriak
Genero artistikoa	film dramatikoa eta lan literario batean oinarritutako filma
Iraupena	97 minutu
Kolorea	koloretakoa
Deskribapena
Oinarritua	La Princesse de Clèves (en)
Grabazio lekua(k)	Lycée Molière (en)
Zuzendaritza eta gidoia
Zuzendaria(k)	Christophe Honoré (mul)
Gidoigilea(k)	Christophe Honoré (mul) ; Gilles Taurand
Antzezlea(k)
	Louis Garrel ; Léa Seydoux ; Grégoire Leprince-Ringuet (en) ; Esteban Carvajal Alegria (en) ; Anaïs Demoustier ; Agathe Bonitzer (mul) ; Esther Garrel ; Clotilde Hesme ; Valérie Lang ; Jean-Michel Portal (en) ; Alice Butaud (en) ; Chiara Mastroianni ; Chantal Neuwirth ; Pierre Glénat ; Dominic Gould (en) ; Julien Honoré (en) ; Kéthévane Davrichewy (en) ; Chantal Hymans (en)
Ekoizpena
Edizioa	Chantal Hymans (en)
Bestelako lanak
Musikagilea	Alex Beaupain (mul)
Argazki-zuzendaria	Laurent Brunet (en)
Fikzioa
Kontakizunaren tokia	Paris
Argumentu nagusia	parental death (en) , adolescent sexuality (en) , Ezkongai-harremana, existential crisis (en) , maitasun erromantikoa, Jeloskortasuna, Bigarren Hezkuntzako ikaslea, erantzunik gabeko amodioa, teacher-student relationship (en) eta dolua

La Belle Personne Christophe Honorék zuzendutako eta 2008. urtean sortutako frantziar filmea da.

Argumentua

Oharra: Atal honek istorio osoa edo amaiera argitzen du.

Filmaren argumentua XVII. mendeko La Princesse de Clèves frantziar nobelan oinarrituta dago. Bere ama hil ostean, Junie (Léa Seydoux) bere lehengusu Mathias (Esteban Carjaval-Alegria) joaten den eskolara lekualdatua da. Hainbat pertsonaren arreta erakartzen du, bereziki Ottorena (Grégoire Leprince-Ringuet) eta Nemours (Louis Garrel) bere italiera irakaslearena. Italiera klasean, Maria Callas abeslariaren "Lucia" entzungai baten ondoren Junie klasetik negarrez ateratzen da dena bertan bera utzirik. Orduan, Nemoursek Junieren argazki bat hartu eta gordetzen du. Geroxeago, Nemours Junieren atzetik hasten da, Juniek sentimendu nahasiak baditu ere. Hain maiteminduta dago Nemours, non bere Florence Perrin (Valerie Lang) irakaslearekin eta Marie (Agathe Bonitzer) ikaslearekin dituen harremanak mozten dituen.

Txango batean, Nemours Mathiasen tokian esertzen da eta amodiozko gutun bat topatzen dute beranduago eserlekuan, ustez Nemoursek galdua. Mariek, gutuna ikustean, eskola osoan hedatzen ditu zurrumurruak, gutunaren egilea Nemours dela zabalduz. Junie, gutuna irakurtzean, haserretu egiten da, Nemorus beste pertsona batez maiteminduta dagoelakoan. Mathiasek Nemoursengana jotzen du eta gutuna beste mutiko batena dela azaltzen dio (Martinena), baina sekretua gordetzeko ere eskatzen dio, eta gutuna Nemoursek idatzi duela berresteko.

Ottoren Errusierako klaseko bati Junie zelatatzea eskatzen diote, Juniek Ottorekiko duen jarrera hotzaren arrazoiak topa ditzan. Nemoursek Junierekin duen elkarrizketa bat gaizki ulerturik, Ottori kontatu eta azken honek Junierekin liskarra izaten du. Neskatoak Ottoren usteak ukatu arren, ez da gaizkiulertua argitzen, eta Juniek etxera ihes egiten du. Ottok, zeharo minduta, bere buruaz beste egiten du eskolako goiko solairuetako leiho batetik jauzi eginez.

Gertakari hauen ondoren, Juniek hiru astez huts egiten du eskola. Nemoursek hiru hilabetez lana uzten du, gaixotasun bat argudiatuz, eta Junierengana hurbiltzen da, bere maitasuna aitortzera. Arratsa elkarrekin igaro eta hurrengo egunean hitzordua finkatzen dute, baina Junie ez da agertzen. Nemoursek Mathias deitzen du informazioa eskatuz, eta honek Juniek alde egin duela eta ez duela Nemours gehiago ikusi nahi esaten dio. Junie itsasuntzi batean doala ikusten da azken eszenan^[1].

Aktoreen zerrenda

Louis Garrel: Jacques Nemours (Nemourseko dukea)
Léa Seydoux: Junie de Chartres (Clèveseko printzesa)
Grégoire Leprince-Ringuet: Otto Clèves (Clèveseko printzea)
Esteban Carvajal Alegria : Matthias de Chartres
Anaïs Demoustier: Catherine (Katalina Medici erregina)
Agathe Bonitzer: Marie Valois (Dauphine erregina)
Simon Truxillo: Henri Valois (Henrike II.a Frantziakoa)
Jacob Lyon: Jacob (Guiseko erregea)
Tanel Derard: Tanel
Martin Simeon: Martin
Jeanne Audiard: Jeanne
Esther Garrel: Esther
Clotilde Hesme: Mme. de Tournon, liburuzaina
Valérie Lang: Florence Perrin, Historia irakaslea eta Nemoursen maitale ohia
Chantal Neuwirth: Nicole, Sully tabernaren jabea
Jean-Michel Portal: Estouteville, Matematikako irakaslea
Dominic Gould: Ingeleseko irakaslea
Alice Butaud: Errusiako irakaslea
Matilde Incerti: Frantseseko irakaslea
Chiara Mastroianni: Sully tabernako neska.

Bitxikeriak

Pelikula hau lau asteetan zehar filmatu zen, 2007ko abenduaren 27tik, 2008ko urtarrilaren 30arte. Lekuari dagokionez, Molière ikastetxean, Parisko 16. barrutian fimatu zen. Filmaren zati ugari Paris hiriburuan eta bi metro geltokietan gertatzen dira: Passy eta Gare de la Quai.
Chiara Mastroiannik cameo bat egiten du Junie kafe batean eserita dagoenean. Horrez gain, berak Junieren papera interpretatzen du beste film batean, La Lettren.

Erreferentziak

↑ French Drama Films: Che, the Queen, the Man from London, Jean de Florette, la Vie en Rose, the Lover, the Dreamers, Jʼaccuse, Quai Des Orfèvres. General Books, 238 or..

Kanpo estekak

IMdB-ren fitxa (Ingelesez)

Datuak: Q2455641

[1] French Drama Films: Che, the Queen, the Man from London, Jean de Florette, la Vie en Rose, the Lover, the Dreamers, Jʼaccuse, Quai Des Orfèvres. General Books, 238 or..

[1]