Kama
Kama (errusieraz: река́ Ка́ма; tatareraz: Чулман, latinez: Çulman; udmurteraz: Кам) Errusiako ibaia da, Volgaren ibaiadar nagusia ezkerraldetik. Izan ere, bilgunearen aurreko ibilbidea kontuan hartuta, Kama Volga baino luzeagoa da. 1.805 kmko luzera eta 522.000 km²ko arroa ditu[1].
Geografia
[aldatu | aldatu iturburu kodea]Iparraldeko Ural mendietan du iturria, Udmurtiako Kuligi (errusieraz: Кулига) herriaren ondoan. Hasieran iparralderantz doa, ekialde eta hegoalderantz gero, eta hego-mendebalderantz amaieran. Kazanetik behera, Samarako urtegian, Volgara isurtzen da, 1.805 km korritu ostean[2].
Hidrologia
[aldatu | aldatu iturburu kodea]Azaro amaiera edo abendu hasieratik apirilera arte Kama ibaia izozturik egoten da. Emari handiena, urte osokoaren %60, udaberrian izaten du, elurra urtzen den garaian[2]. Errate baterako, Sarapulen (arro osoaren %37) urteko batezbesteko emaria 1.754 m³/s da; handiena maiatzean du (6.512 m³/s) eta txikiena martxoan (507 m³/s)[3].
Kamaren batez besteko emariak (m³/s) Sarapulen neurtuak[3]
Datuak: 1914-1961 bitartean
![](http://upload.wikimedia.org/wikipedia/eu/timeline/3ungs8k9z29cugcox67ivz1hrtqo75a.png)
Ekonomia
[aldatu | aldatu iturburu kodea]Mendeetan erabili izan da Ural mendietatik egurra eramateko. Gaur egun garrantzi handia du Errusiako ibai nabigazioan. Bestalde, haren ibilguan daude Perm eta Votkinsk ur indarretxeak, 500 eta 1.000 MW-ko potentziakoak.
Ibaiadar nagusiak
[aldatu | aldatu iturburu kodea]- Kosa ibaia
- Vishera ibaia
- Sylva ibaia
- Chusovaya ibaia
- Belaia ibaia
- Ik ibaia
- Izh ibaia
- Vyatka ibaia
Hiriak
[aldatu | aldatu iturburu kodea]Bere bazterretan dauden hiri nagusiak Solikamsk, Berezniki, Perm, Sarapul eta Naberezhnye Chelny dira.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 201-01-25 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ «Kama River»[Betiko hautsitako esteka] Global.britannica.com
- ↑ a b «The Kama River» Gorodperm.ru
- ↑ a b «Kama at Sarapul» Webworld.unesco.org