Joséphine Marchais

Joséphine Marchais
	;
Bizitza
Jaiotza	Blois, 1837ko apirilaren 13a
Herrialdea	Frantzia
Heriotza	Saint-Laurent-du-Maroni, 1874ko otsailaren 20a (36 urte)
Hezkuntza
Hizkuntzak	frantsesa
Jarduerak
Jarduerak	day labourer (en) eta Communarda

Joséphine Marchais (Blois, Loir-et-Cher, 1837ko apirilaren 13a – Saint-Laurent-du-Maroniko barrutia, Guyana Frantsesa, 1874ko otsailaren 20a) frantziar jornalari bat izan zen. 1871n Parisko Komunan gogotsu parte hartu zuen. Armak zeramatzala atxilotu eta hiltzera kondenatu zuten. Heriotza-zigorra bortxazko lanengatik kommutatu zioten, eta Guyanara deportatu zuten.

Biografia

Joséphine Marguerite Marchais 1837ko apirilaren 13an jaio zen Bloisen, Loir-et-Cherren,^[1] ingurune behartsuan eta familia zail batean. Joséphine Margueritek berak sei hilabeteko kartzela-zigorra izan zuen; amak, berriz, bost urteko espetxealdia bete behar izan zuen 'lizunkeria' edo 'libertinajea' bultzatzeagatik; ahizpa ere zentzatze-etxe batean egon zen giltzapeturik hogei urte bete arte, eta gero, hiru hilabeteko kartzela-zigorra ezarri zioten lapurretagatik.^[1]

1871n, Parisko Komunan, Haur Galduen batailoian (bataillon des Enfants-Perdus) ibili zen 'vivandiére' gisa (armadaren janariaz arduratzen zen emakumea).^[1] Zenbait lekukoren arabera, maiatzaren 22an eta 23an Lille kaleko barrikadan egon zen, fusilaz armaturik eta txapel tirolarraz jantzita.^[1]^[2]^[3] Joséphine Margueritek bere maitalea behartu zuen barrikadan borrokarekin bat egitera.^[1]

Armak eta zapi gorriak garraiatzen ari zela atxilotu zuten, Élisabeth Rétiffe, Eulalie Papavoine eta Léontine Suétens-ekin batera.^[4] Horrez gain, arpilaketa, lizunkeria eta irainak ere leporatu zizkioten.^[1]

Joséphine Marchais gerra-kontseiluan epaitu zuten, eta heriotza-zigorra ezarri zioten 1871ko irailean.^[1] Zigorra, baina, 1871ko azaroaren 27an kommutatu zuten eta bizitza osorako bortzazko lanez trukatu.^[1]

1871n, Guyanako galeretara eraman zuten, eta hurrengo urtean bertan, 1872ko azaroaren 20an, kartzelatik ihes egin zuen.^[1] Baina handik lau egunera berriro harrapatu zuten, eta bertan hil zen 1874ko otsailaren 20an,^[1] haren heriotzaren arrazoiak ezagutzen ez direlarik. Beste iturri baten arabera, Marchais ez zen egun horretan hil, eta 1885ean artean bizirik egon zitekeen, jendarme batekin ezkonduta.^[1]

Erreferentziak

Artikulu hau, osorik edo zatiren batean, frantsesezko wikipediako «Template:Joséphine Marchais» artikulutik itzulia izan da, 2022-03-06 data duen 191652838 bertsioa oinarritzat hartuta. Sartze-datarik ez duten erreferentziak, edo 2022-03-06 baino lehenago datatuak, jatorrizko artikulutik ekarri dira itzulpenarekin batera.

↑ ^a ^b ^c ^d ^e ^f ^g ^h ⁱ ^j ^k (Frantsesez) MARCHAIS Joséphine, Marguerite. Maitron/Editions de l'Atelier 2021-05-27 (Noiz kontsultatua: 2022-11-02).
↑ (Frantsesez) Bazire, Françoise. (2018). «Les femmes durant la Commune» La Commune de Paris - 150 ans (Nouveaux cahiers du socialisme) (Noiz kontsultatua: 2022-11-02).
↑ (Ingelesez) Gullickson, Gay L.. (2018). Unruly Women of Paris: Images of the Commune. Cornell University Press, 304 or...
↑ (Frantsesez) Frèrejean, Alain; L'Hoer, Claire. (2020-09-10). Le siège et la Commune de Paris. L'Archipel ISBN 978-2-8098-2904-4. (Noiz kontsultatua: 2022-11-02).

Bibliografia

(Frantsesez) MARCHAIS Joséphine, Marguerite. LE MAITRON. Dictionnaire biographique. (Noiz kontsultatua: 2022-11-02).
(Frantsesez) Édith Thomas. (1980). Les Pétroleuses. Gallimard, 195, 196, 203, 262 or. ISBN 9782072879739..
(Frantsesez) Cordillot, Michel (zuz.). (2021). La Commune de Paris 1871. Les acteurs, l’événement, les lieux. Ivry-sur-Seine: Les Éditions de l’Atelier, 1440 or. ISBN 9782708245969..

Ikus, gainera

Lotutako artikuluak

Kanpo estekak

Beloki Resa, Elena. (2021) Parisko Komuna: emakumeen hitza eta ekintza argitara. ERRIA (Erreportajeak).
150 urte Parisko komunaz: Mugarria historian eta ezkerraren erreferentea. (2020) EITB podcastak. Erreportajeak.
Kellner, Manuel (2021) Hace 150 años. Las mujeres en la Comuna de París. Rebelión. Feminismos,
LES FEMMES DE LA COMMUNE DE PARIS / 150 éme ANNIVERSAIRE / TEXTES DE LOUISE MICHEL, JULES JOUY et EUGENE POTTIER / Chantés par Pauline Floury & Séverin Valière
Michèle Gard. LES FEMMES DANS LA COMMUNE. Ciné-archives. Fonds audiovisuel du PCF. Mouvemente ouvrier et democratique.

Datuak: Q104590651

[:0-1] ↑ ^a ^b ^c ^d ^e ^f ^g ^h ⁱ ^j ^k (Frantsesez) MARCHAIS Joséphine, Marguerite. Maitron/Editions de l'Atelier 2021-05-27 (Noiz kontsultatua: 2022-11-02).

[2] (Frantsesez) Bazire, Françoise. (2018). «Les femmes durant la Commune» La Commune de Paris - 150 ans (Nouveaux cahiers du socialisme) (Noiz kontsultatua: 2022-11-02).

[3] (Ingelesez) Gullickson, Gay L.. (2018). Unruly Women of Paris: Images of the Commune. Cornell University Press, 304 or...

[4] (Frantsesez) Frèrejean, Alain; L'Hoer, Claire. (2020-09-10). Le siège et la Commune de Paris. L'Archipel ISBN 978-2-8098-2904-4. (Noiz kontsultatua: 2022-11-02).

[1]

[2]

[3]

[4]