Folies Bergère

Folies Bergère
Folies Bergère
Monumentu historikoa
Irudi gehiago
Kokapena
Estatu burujabe	Frantzia
Udalerrien arteko lankidetzarako erakunde publikoa	Paris Handiko metropolia
Territorial collectivity of France with special status	Paris
Udalerri barrutia	Parisko 9. barrutia
Koordenatuak	48°52′27″N 2°20′42″E
Historia eta erabilera
Irekiera	1869
Inaugurazioa	1869ko maiatzaren 2a
Edukiera	1.679
Arkitektura
Estiloa	Art Décoa
Ondarea
Mérimée ID	PA00089006
Webgune ofiziala

Folies Bergère Parisko kabaret ospetsu bat da, IX. barrutian kokatua.

Historia

Dizdira gehien 1890 eta 1930 bitartean izan zuen. XX. mendearen amaieran, publikoa errebista ikuskizunez aspertuta zegoela eta, antzokia komedia musikaletarako, dantza taldeen ekitaldietarako eta abar erabiltzen hasi zen.

Parisko IX. barrutiko Richer kaleko 32. zenbakian kokatua, Plumeret arkitektoak operarako antzoki gisa eraiki zuen. Ateak 1869ko maiatzak 2an ireki zituen, Folies Trévise izenarekin (handik gertu dagoen Trévise kaleagatik): ikuskizunen artean ,operetak, opera komikoak, herri musika eta akrobaziak zeuden. Izena 1872an aldatu zuen, Trévise dukearen kexuen ondorioz, horrek ez baitzuen bere izena ikuskizunak eskaintzen zituen antzoki batekin lotuta ikusi nahi. Arazook saihesteko, Bergère ("artzaintsa") izena aukeratu zen, hori ere gertuko kale baten izena delako, deiturei lotuta ez dagoena.

Joséphine Baker
charlestona dantzatzen
(1926).

Egungo fatxada 1930eko hamarkadakoa da, eta art déco estiloan eginda dago.

Antzoki horrek herriaren gustua asetzen zuen, baina kutsu exotiko batekin, beste kultura batzuetako ohiturak erakutsiz, jantzi eta dekoratu oso konplexuekin eta, oso sarri, begiamarruak. Lido eta Moulin Rougen lehiakidea izan zituen, eta beste herrialde batzuetako enpresariak negozio horretan sartzeko inspiratu zituen. Horien artean Florenz Ziegfeld (Ziegfeld Follies) Estatu Batuetan, eta Kubako hiriburu Habanako Tropicana bezalako kabaretetarako eredua izan zen.

Folies Bergèren lan egin zuten artistak

Honako hauek dira bertan lan egin zuten artistetako batzuk:

Norma Duval Maurice Chevalier Josephine Baker Mistinguett Rita Montaner Yves Montand Charles Trenet Jean Sablon Frank Sinatra

Liane de Pougy Edith Piaf Cléo de Mérode Stan Laurel Grock Jean Marais Colette Damia Fernandel

Claudine Longet Yvonne Printemps Otero Ederra Mata Hari Bellydance Superstars Charles Chaplin W. C. Fields Loïe Fuller Jean Gabin

Bitxikeriak

Bertan ematen ziren ikuskizunen izenek beti hamahiru letra zituzten, antzokiaren izenak bezala. Zorte ona zekarrela zioten, ohiko sineskeriak kontrakoa dioen arren.

Informazio praktikoa

• Helbidea: 32 Rue Richer, 75009
• Geltokia: Cadet

Kanpo estekak

• Datuak: Q330375
• Multimedia: Folies Bergère / Q330375