Estatubatuar literatura
![](http://upload.wikimedia.org/wikipedia/commons/thumb/a/a8/LOC_Main_Reading_Room_Highsmith.jpg/250px-LOC_Main_Reading_Room_Highsmith.jpg)
![](http://upload.wikimedia.org/wikipedia/commons/thumb/2/29/Houghton_STC_22790_-_Generall_Historie_of_Virginia%2C_New_England%2C_and_the_Summer_Isles%2C_John_Smith.jpg/250px-Houghton_STC_22790_-_Generall_Historie_of_Virginia%2C_New_England%2C_and_the_Summer_Isles%2C_John_Smith.jpg)
Estatubatuar literatura ingelesez idatzitako edo ekoitzitako literatura da Amerikako Estatu Batuetan eta bere aurreko kolonietan. Estatu Batuak sortu baino lehen, gaur egungo Estatu Batuetako ekialdeko kostaldeko Hamahiru Koloniek Britainia Handiko literaturaren eragin handia izan zuten. Estatu Batuetako literatura tradizioa, beraz, ingelesezko literaturaren tradizio zabalagoaren parte da. Dena dela, literatura kopuru txiki bat badago etorkinen beste hizkuntza batzuetan, esaterako frantsesez eta gaztelaniaz. Gainera, ahozko ipuinen tradizio aberatsa dago amerikar tribuen artean.[1]
Amerikako Iraultzaren garaia (1775–83) Benjamin Franklin, Alexander Hamilton, Thomas Paine eta Thomas Jeffersonen idatzi politikoengatik nabarmentzen da. Hasierako eleberri bat, William Hill Brownen The Power of Sympathy 1791n argitaratu zen.[2]
John Neal idazle eta kritikariak XIX. mendearen hasiera-erdialdean Amerikako literatura eta kultura berezi baten bidean aurrera egiten lagundu zuen, Washington Irving bezalako aurrekoei kritikatuz, britainiar parekideak imitatzeagatik; Edgar Allan Poe bezalako idazleengan eragin handia izan zuen. Ralph Waldo Emerson eragin handiko Transzendentalismo mugimenduaren aitzindaria izan zen; Henry David Thoreau, Waldenen egilea, mugimendu horren eragina ezagutu zuen. Abolizionismoaren inguruko gatazka politikoak, bestetik, Harriet Beecher Stowe bezalako idazleak inspiratu zituen; emakume idazle honek Uncle Tom's Cabin (euskaraz Osaba Tomen etxola) eleberri ospetsua idatzi zuen.[3] Ahalegin horiek esklabo kontakizunen jarraipena izan zuten.
Nathaniel Hawthorneren The Scarlet Letter (1850) Ameriketako hasierako eleberri klasiko bat da[4] eta Hawthornek Herman Melville idazlearen gainean eragina izan zuen; Melville Moby-Dicken egilea izan zen (1851). XIX. mende erdiko poeta nagusiak Walt Whitman eta Emily Dickinson izan ziren. Edgar Allan Poe izan zen egileengan eragin handia izan zuen beste idazle esanguratsu bat. Mark Twain, beste aldetik, Ekialdeko kostaldetik urrun jaio zen lehen idazle estatubatuar garrantzitsuena dugu. Henry Jamesek nazioarteko ospea lortu zuen The Portrait of a Lady (1881) bezalako eleberriekin.
Idazle estatubatuarrek Lehenengo Mundu Gerraren ostean desilusioa eta nostalgia adierazi zuten. F. Scott Fitzgeralden ipuin eta eleberriek 1920ko hamarkadako giroa jaso zuten, eta John Dos Passosek gerrari buruz idatzi zuen. Ernest Hemingway ospetsu egin zen The Sun Also Rises[5] eta A Farewell to Arms gisako eleberriekin; 1954an, Literaturako Nobel Saria irabazi zuen. William Faulkner beste eleberrigile garrantzitsu bat izan zen. Poeta amerikarren artean nazioarteko pertsonaiak ere egon ziren: Wallace Stevens, T. S. Eliot, Robert Frost, Ezra Pound eta E. E. Cummings. Eugene O'Neill antzerkigileak Nobel Saria irabazi zuen. XX. mendearen erdialdean antzerkigintzan Tennessee Williams eta Arthur Miller nagusitu ziren. Antzerki musikala ere garrantzi handia hartu zuen.[6]
Depresioaren garaiko idazleen artean John Steinbeck izan zen, The Grapes of Wrath (1939) eleberriaren egilea.[7] Ameriketako Bigarren Mundu Gerran izandako parte-hartzeak Norman Mailerren The Naked and the Dead (1948), Joseph Hellerren Catch-22 (1961)[8] eta Kurt Vonnegut Jr.ren Slaughterhouse-Five (1969) lanetan eragin zuen.
XX. mendearen amaieran eta XXI. mendearen hasieran estatubatuar literaturak izandako bilakaeretako bat idazle etnikoek, natibo amerikarrek[9] eta LGBT idazleek idatzitako literatura areagotzea izan da. Postmodernismoa ere garrantzitsua izan da garai berean.
Nobel saria jaso duten egile estatubatuarrak
[aldatu | aldatu iturburu kodea]- 1930: Sinclair Lewis (eleberrigilea)
- 1936: Eugene O'Neill (antzerkigilea)
- 1938: Pearl S. Buck (biografoa eta eleberrigilea)
- 1948: T. S. Eliot (olerkaria eta antzerkigilea)
- 1949: William Faulkner (eleberrigile)
- 1954: Ernest Hemingway (eleberrigile)
- 1962: John Steinbeck (eleberrigile)
- 1976: Saul Bellow (eleberrigile)
- 1978: Isaac Bashevis Singer (eleberrigilea Yiddishez)
- 1987: Joseph Brodsky (olerkaria eta saiakeragilea ingelesez eta errusieraz)
- 1993: Toni Morrison (eleberrigilea)
- 2016: Bob Dylan (kantautorea)
- 2020: Louise Glück (olerkaria)
Literatura sari nagusiak
[aldatu | aldatu iturburu kodea]- American Academy of Arts and Letters
- Pulitzer Saria (Fikzioian, Drama eta Poesia, baita hainbat ez-fikzio eta kazetaritza kategoriak ere)
- National Book Award (Fikzioa, Ez-fikzioa, Poesia eta Gazte-helduen fikzioa)
- American Book Awards
- PEN literary awards (kategoria desberdinak)
- United States Poet Laureate
- Bollingen Saria
- Pushcart Saria
- O. Henry Award
Egile estatubatuar garrantzitsuak
[aldatu | aldatu iturburu kodea]- Collins, Suzanne
- Auster, Paul
- Beecher Stowe, Harriet
- Bradford, William
- Bradstreet, Anne
- Braschi, Giannina
- Brown, Dan
- Chevalier, Tracy
- Chopin, Kate
- Cooper, James Fenimore
- Crane, Hart
- Crane, Stephen
- Cullen, Countee
- Derleth, August
- Dickinson, Emily
- Dos Passos, John
- Douglass, Frederick
- Emerson, Ralph Waldo
- Equiano, Olaudah
- Fitzgerald, F. Scott
- Fante, John
- Faulkner, William
- Franklin, Benjamin
- Ginsberg, Allen
- Glaspell, Susan
- Hawthorne, Nathaniel
- Hemingway, Ernest
- Hughes, Langston
- Irving, Washington
- Jacobs, Harriet
- King, Stephen
- Longfellow, Henry Wadsworth
- Lowell, Amy
- Lovecraft, Howard Phillips
- McKay, Claude
- Melville, Herman
- Miller, Henry
- Neale Hurston, Zora
- Parker, Dorothy
- Parker Willis, Nathaniel
- Poe, Edgar Allan
- Rowlandson, Mary
- Sexton, Anne
- Smith, John
- Steinbeck, John
- Sanderson, John
- Thoreau, Henry David
- Toomer, Jean
- Twain, Mark
- Wheatley, Phillis
- Whitman, Walt
- Wright, Richard
- Young, Robert Clark
Erreferentziak
[aldatu | aldatu iturburu kodea]- ↑ https://www.storyboardthat.com/es/lesson-plans/movimientos-literarios-americanos
- ↑ https://www.britannica.com/biography/William-Hill-Brown
- ↑ https://www.womenshistory.org/education-resources/biographies/harriet-beecher-stowe
- ↑ https://www.actualidadliteratura.com/librosliteratura-estadounidense/
- ↑ https://www.elcorreo.com/zurekin/ernest-hemingwayren-fiesta-20210401125637-nt.html
- ↑ https://www.kultura.ejgv.euskadi.eus/r46-714/eu/contenidos/termino/_c01997/eu_e_3888/e3888.html
- ↑ https://www.britannica.com/topic/The-Grapes-of-Wrath
- ↑ https://www.britannica.com/topic/Catch-22-novel-by-Heller
- ↑ https://old.uberan.eus/?kaia/item/natibo-amerikarren-literaturari-so
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]- (Ingelesez):XIX. mendeko fikzio eta poesia estatubatuarra. The Ohio State University Libraries Rare Books and Manuscripts Collection.
- (Ingelesez):Literatura amerikarrari buruzko audio hitzaldiak TheEnglishCollection.com webgunean.
- (Ingelesez):Electronic Texts in American Studies.
![]() |
Artikulu hau, osorik edo zatiren batean, ingelesezko wikipediako «Template:Translated page» artikulutik itzulia izan da, 2022-01-30 data duen 1069165738 bertsioa oinarritzat hartuta. Jatorrizko artikulu hori GFDL edo CC-BY-SA 3.0 lizentzien pean dago. Egileen zerrenda ikusteko, bisita ezazu jatorrizko artikuluaren historia orria. |