Didier Ratsiraka
| Didier Ratsiraka | |||||||
|---|---|---|---|---|---|---|---|
 Didier Ratsiraka (erdialdean)  Irudi gehiago | |||||||
1997ko otsailaren 9a - 2002ko uztailaren 5a ← Norbert Ratsirahonana - Marc Ravalomanana (mul)  →
1975eko ekainaren 15a - 1993ko martxoaren 27a ← Gilles Andriamahazo - Albert Zafy →
1972 - 1975 ← Jacques Rabemananjara (en) - Albert Zakariasy (en) → | |||||||
| Bizitza | |||||||
| Jaiotza | Vatomandry (en) , 1936ko azaroaren 4a | ||||||
| Herrialdea |  Frantzia  Madagaskar | ||||||
| Talde etnikoa | Betsimisaraka people (en) | ||||||
| Lehen hizkuntza | malgaxea | ||||||
| Heriotza | Antananarivo, 2021eko martxoaren 28a (84 urte) | ||||||
| Heriotza modua | berezko heriotza: Gripea | ||||||
| Familia | |||||||
| Ezkontidea(k) | Céline Ratsiraka | ||||||
| Hezkuntza | |||||||
| Heziketa | Henrike IV.a lizeoa École Navale (en) College of Saint Michael, Amparibe (en) | ||||||
| Hizkuntzak | malgaxea frantsesa | ||||||
| Jarduerak | |||||||
| Jarduerak | politikaria eta diplomazialaria | ||||||
| Gradua | amiral | ||||||
| Sinesmenak eta ideologia | |||||||
| Alderdi politikoa | Malagasy Revolutionary Party (en) | ||||||
Didier Ignace Ratsiraka (Vatomandry, 1936ko azaroaren 4a - Antananarivo, 2021eko martxoaren 28a) madagaskartar politikaria eta militarra izan zen.
Bi urtez Tananariveko San Migel eskolan ikasi zuen, jesuiten zuzendaritzapean; goi-mailako ikasketak Frantzian egin zituen, eta militar ikasketak Lanveoc-Poulmiceko Ontzi Eskolan, Bormetteseko Transmisioetako Eskola Ofizialean, eta Parisko Ontzidiko Gerrako Goi Eskolan. Madagaskarreko independentziaren ondoren, 1960ko ekainean, politikan hasi zen, eta 1963tik 1970era bere karrerarekin zerikusia zuten karguak izan zituen. 1970etik 1972ra Madagaskarreko enbaxadaren agregatu militarra izan zen, Frantzian; Kanpo Arazoetako ministro gero; eta Lehen Ministro eta Defentsa-ministro 1975ean. 1976ko urtarrilean, lehen aldiz, Madagaskarko Errepublika Demokratikoaren lehendakaritza lortu zuen, eta harrezkero Ambohitsorohitran lan egin zuen, Madagaskarko monarkiarena izandako Jauregi Zaharrean. 1989an lehendakari hautatu zuten, ostera, beste zazpi urterako, botoen % 63 eskuratuta. Hauteskunde horietan iruzur eta askatasunik ezaren akusazioak izan ziren. Didier Ratsirakaren erregimenaren 17 urteak 1993ko martxoan amaitu ziren, bere kritikari nagusia Madagaskarko Auzitegi Goreneko lehendakari izendatu zutenean. Ratsirakak almirante gradua zuen. Gainera, Iraultzaren Batzorde Gorenaren lehendakari izan zen 1975eko ekainetik aurrera, Madagaskarko Iraultzaren Abangoardiaren idazkari nagusia 1976tik aurrera, eta Madagaskarko Iraultza Sozialistaren Defentsarako Fronte Nazionalaren idazkari nagusia 1977etik aurrera. 1997tik 2002ra, Ratsiraka berriro izan zen Madagaskarreko lehendakaria.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
[aldatu | aldatu iturburu kodea]
Datuak: Q315953
Multimedia: Didier Ratsiraka / Q315953