Alicia Alonso
Alicia Alonso | |||
---|---|---|---|
![]() (1954) | |||
| |||
Bizitza | |||
Jaiotzako izen-deiturak | Alicia Ernestina de la Caridad del Cobre Martínez del Hoyo | ||
Jaiotza | Habana, 1920ko abenduaren 21a | ||
Herrialdea | ![]() | ||
Heriotza | Habana, 2019ko urriaren 17a (98 urte) | ||
Familia | |||
Seme-alabak | ikusi
| ||
Hezkuntza | |||
Heziketa | School of American Ballet (en) ![]() | ||
Hizkuntzak | ingelesa gaztelania | ||
Jarduerak | |||
Jarduerak | koreografoa, ballet dantzaria, enpresaburua, ballet-irakaslea, dantzaria, ballet-dantzaria eta ballet teacher (en) ![]() | ||
Lan nabarmenak | ikusi
| ||
Jasotako sariak | ikusi
| ||
![]() ![]() |
Alicia Alonso, jaiotzako izena Alicia Ernestina de la Caridad del Cofre Martínez (Habana, 1920ko abenduaren 21a - Habana, 2019ko urriaren 17a)[1] kubatar dantzari eta dantza-irakaslea izan zen. Ballet erromantikoaren estilo hertsienaren baitan, historiako dantzaririk handienetakotzat jotzen da.
Bizitza
[aldatu | aldatu iturburu kodea]New Yorken hasi zuen dantzari ibilaldia, Broadwayko musikaletan. Ikusmen-arazoak izan zituen arren, Ballet Caravan eta American Ballet Theatre ballet-konpainietako izar nagusietako bat izan zen. 1940az geroztik, Habanako Sociedad Pro Arte Musical elkartearen laguntza ere izan zuen. Osperik handiena Giselle-ren papera eginez bereganatu zuen, American Ballet Theatre konpainian Alicia Markova dantzaria ordezkatu zuenean. George Balanchine eta beste maisu askoren koreografia asko dantzatu eta ballet garaikidetarako hainbat paper ere sortu zituen.
1948an Alicia Alonsoren Balleta sortu zuen Kuban, 1955ean Kubako Balleta eta 1959ko iraultzaren ostean Kubako Ballet Nazionala izenak hartuko zituena. 1959az geroztik, Kubako Ballet Nazionalaren lehen dantzari eta dantzari ospetsuak (Mirta Plá, Loipa Araújo, Josefina Méndez eta Marta García) biltzen zituen Kubako ballet eskolaren arima bilakatu zen. Alonsoren ballet-eskola miretsia izan zen bertako ikasketa eta aukera sistemaren kalitateagatik, eta herrialde askotan sarituak eta goretsiak izan ziren eskola horretako kideek munduko ballet-talderik onenetako bat osatzen zuten.
Irakaskuntzan, koreografian, eta baita Kubako Ballet Nazionala zuzentzen ere segitu zuen, 2019ko urriaren 17an zendu zen arte; 98 urte zituen.[1]
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ a b Alicia Alonso dantzari kubatarra hil da. Berria egunkaria, 2019ko urriak 17, CC BY-SA 4.0, berria.eus (Noiz kontsultatua: 2019-10-17).
Kanpo estekak
[aldatu | aldatu iturburu kodea]![]() |
Wikimedia Commonsen badira fitxategi gehiago, gai hau dutenak: Alicia Alonso ![]() |
- Alicia Alonso: «Balleta arte herrikoia da Kuban, sektore guztietara iristen dena», elkarrizketa Berria egunkarian, 2015eko azaroak 6, berria.eus