Wikipedia, Entziklopedia askea
Aleutiarretako itsas hobia ekialdetik mendebaldera Alaskako hegoaldeko kostaldetik eta Siberia ipar-ekialdeko ondoko uretatik, Kamtxatka penintsularen parean, igarotzen den itsas hobia eta subdukzio gunea da. Alaskaren eta Errusiako Kamtxatka penintsularen artean diren Aleutiar uharteei lotuta dago itsas hobi horren izena. Bere ekialdeko zatian, bazterreko itsas hobitzat sailkatua dago, uharte arku bat eratuz. Itsas hobia 3400 kilometroz hedatzen da Ulakhaneko itsas hobiaren mendebaldean, Kurileetako itsas hobiaren iparraldeko amaieran duen bateratze hirukoitz batetik, ekialdean dagoen Charlotte Erreginaren itsas hobiaren sistemaren iparraldeko amaierarekin batu arte. Aleutiarretako itsas hobia, bi plaka tektonikoren arteko muga da: Pazifiko Plaka, Ipar Amerikar Plakaren azpian hondoratzen da, 45 graduko angeluarekin. Bere tokirik sakonenean, 7.679 metroko sakonera du.
Datuak: Q119177
Multimedia: Aleutian Trench / Q119177