2005eko uztailaren 7ko atentatuak
2005eko uztailaren 7ko atentatuak | |
---|---|
![]() Larrialde zerbitzuak Russell Square plazan | |
Lekua | Londres![]() |
Data | 2005eko uztailaren 7a |
Eraso mota | Atentatu terrorista suizida |
Armak | Motxila bonbak |
Heriotzak | 56 |
Zaurituak | ≈700 |
Egileak | 4 terrorista |
2005eko uztailaren 7ko atentatuak (7/7 edo 7-J bezala ezagunagoak), 2005. urtean 4 islamdar terroristek Londresko garraiobide sistemaren aurka burututako eraso terroristak izan ziren.
Goizeko 08:50etan, hiru lehergailuk eztanda egin zuten 50 segundoko denbora-tartearekin Londresko metroaren hiru trenetan. Laugarren lehergailu batek eztanda egin zuen 09:47etan, ordu bete beranduago, Tavistock Plazako solairu biko autobus batean.[1] Lehergailuak azetona peroxidoz eginda zeuden eta motxiletan sartu zituzten ekintzaileek eta ondoren beren buruz beste egin zuten gainean zeramaten lehergailua eztandaraziz. Beraietaz gain, beste 52 pertsona hil ziren eta 700 inguru zauriturik suertatu ziren.
Erasoak
[aldatu | aldatu iturburu kodea]Londresko metroa
[aldatu | aldatu iturburu kodea]08:50 — Hiru lehergailuk eztanda egin zuten 50 segundoko denbora-tartearekin Londresko metroan:
- Lehenengo lehergailuak ekialdeko linea zirkularreko 204 zenbakiko trenean eztandarazi zuten, Liverpool Street eta Aldgate geltokien artean. Trenak King's Cross St. Pancras geltokitik irten zen 8 minutu lehenago.
- Bigarren lehergailuak mendebaldeko linea zirkularreko 216 zenbakiko trenean lehertu zen. Trenak Edgware Road geltokia utzi eta Paddington geltokia zuen helburu. Leherketa gertatu zenean, beste tren bat ondotik pasa zen eta kaltetua izan zen, hala nola trena zihoan tueneleko pareta, ondoren erori zena.[2]
- Hirugarren lehergailua hegoaldeko Piccadilly lineako 311 zenbakiko trenean eztandarazi zuten. King's Cross St. Pancras - Russel Square ibilbidea egiten ari zen eta jatorrizko geltokia utzi eta minutura lehertu zen.[3]
![](http://upload.wikimedia.org/wikipedia/commons/thumb/3/3c/7_July_London_bombings_locations.png/300px-7_July_London_bombings_locations.png)
Hildako kopurua | |
---|---|
Aldgate | 7 |
Edgware Road | 6 |
Kings Cross | 26 |
Tavistock Square | 13 |
Terrorista suizidak | 4 |
Guztira | 56 |
Autobusetan
[aldatu | aldatu iturburu kodea]- 09:47 — Leherketa Londresko autobus zerbitzuko 30. zenbakidun lineako solairu biko autobus batean gertatu zen, Tavistock Plazan. Aurretik King's Crossetik igaro zen eta Marble Archerako bidean zihoan. Goizeko 09:00etan Marble Arch utzi eta Euston geltokira abiatu zen 09:35etan eta metrotik ebakuatzen ari zen jendea autobusetara igo zen.
Zorionez, leherketa Britainiar Mediku Elkartearen alboan gertatu zen eta bertako medikuek zaurituak lagundu zituzten; ez zen hildakorik suertatu terrorista izan ezik.[4]
Atentatuaren egiletza
[aldatu | aldatu iturburu kodea]- Mohammad Sidique Khan (30) - Edgware Road Geltokia 8:50 a.m. Dewsburyn bizi zen bere emazte eta semearekin. Pakistandar jatorrikoa zen.
- Shehzad Tanweer (22) - Aldgate Geltokia 08:50 a.m. Leedsen bizi zen bere gurasoekin. Pakistandar jatorrikoa zen.
- Germaine Lindsay (19) - Russell Plaza 08:50 a.m. Aylesburyn bizi zen; bere emaztea haurdun zegoen. Jamaikar jatorrikoa zen.
- Hasib Hussain (18) - Tavistock Plaza 09:47 a.m. Leedsen bizi zen bere anai-arrebekin. Pakistandar jatorrikoa zen.
Atentatuen egunean 4 gizonek Lutonetik Bedfordshirera autoz joan ziren, ondoren trenez Londresera. Bideozaintzako kamerek King's Cross geltokian grabatu zituzten 08:30etan.[5]
Atentatuei erantzuna
[aldatu | aldatu iturburu kodea]Nahiz eta segurtasun deiak egon ziren Erresuma Batuko toki askotan, Londresen bakarrik gertatu zen eraso terrorista. Itxura susmagarriko hainbat pakete lehertarazi zituen poliziak Edinburgh, Brighton, Coventry, Southampton, Portsmouth, Darlington eta Nottingham hirietan. Erresuma Batuko segurtasuna, alerta maila gorenera igo zen. Poliziari hil arte tiro egiteko agindua eman zitzaion itxura susmagarriko edozein pertsonak bonba bat garraiatzen bazuen edo erresistentzia erakusten bazuen.
Vodafone telefonia enpresaren telefono-sareek ezin zituzten dei gehiago kudeatu goizeko 10:00etan, eta larrialdi prozedurak martxan jarri zituzten larrialdi deiei lehentasuna emteko. BBCren arabera Londresko erdigunean telefono sistema moztu zuen poliziak, inork lehergailurik aktiba ez zezan mugikorraren bitartez.
2005eko uztailaren 21eko atentatuak
[aldatu | aldatu iturburu kodea]2005eko uztailaren 21ean, beste eraso terrorista bat gauzatzen saiatu ziren, baina detonagailuak lehertu ziren eta bonbak ez. Ez zen hildakorik egon eta zapuztutako atentatuko ekintzaileak atxilotuak izan ziren.
Ikus, gainera
[aldatu | aldatu iturburu kodea]Erreferentziak
[aldatu | aldatu iturburu kodea]- ↑ BBC webguneko albistea (Ingelesez)
- ↑ I'm lucky to be here, says driver. BBC (Noiz kontsultatua: 2010-06-07).
- ↑ Coming together as a city. BBC (Noiz kontsultatua: 2010-06-07).
- ↑ British suicide bombers carried out London attacks, say police. The Guardian (Noiz kontsultatua: 2010-06-07).
- ↑ Image of bombers' deadly journey, BBC News, 17 Uztaila 2005