Horsens

Horsens; Horsens
	hiria
	Horsenseko katedrala. Irudi gehiago
Administrazioa
Herrialdea	Danimarka
Eskualdea	Erdialdeko Jutlandiako eskualdea
Alkatea	Peter Sørensen (en)
Izen ofiziala	Horsens
Jatorrizko izena	Horsens
Posta kodea	8700
Geografia
Koordenatuak	55°51′43″N 9°51′07″E / 55.8619°N 9.8519°E
Azalera	189 km²
Altuera	5 m
Demografia
Biztanleria	59.449 (2020); 1.932 (2016)
Metropolia	81.565
Dentsitatea	315 bizt/km²
Informazio gehigarria
Sorrera	XII. mendea
Telefono aurrizkia	7
Ordu eremua	UTC+01:00 eta UTC+02:00
Hiri senidetuak	Nokia, Blönduós, Moss, Karlstad udalerria eta Chengdu
	http://www.horsens.dk/

Horsens Danimarkako Erdialdeko Jutlandiako eskualdearen erdialdean dagoen hiria da, hirugarren handiena Århus eta Randersen atzetik.

Geografia

Horsens fiordoko hiria da. Glaziarren morrenek sorturiko muino eta ibar apalen gainean kokatzen da. Århustik 50 kilometro hegoaldera dago.

Historia

Badirudi Horsens izena aintzinako danierazko hors (zaldia) eta næs (lurraldea) hitzen elkarketak sortu zuela, XII menderako jadanik Horsenes izena agertzen baita. X mendeko herri jentilak hiriko lege kodea eratu zuen 1200 urte inguruan. Garai hortan Sven III.ak eta Valdemar I.ak txanponak egin zituzten hirian.

1300 urtean harresietatik at zabaltzeari ekin zion eta hiria eta kaia lubaki batek inguratu zituen. Hiriaren oparoaldi honek ordea atzerakada izan zuen suediarren aurkako gerrak zirela eta.

XVIII mendearen bukaeran Katalina II.ak Errusiatik kanporatutako printzeak bizi izan ziren Horsensen 28 urtez.

XIX mendean industrializazioa iristearekin batera populazioa nabarmen handitu zen. Gaur egun Danimarkako bederatzigarren hiri handiena da.

Kultura

Azken hamarkadan Horsenseko udalak ahalegin handia egin du kulturaren alde. Bertan izan dira hainbat musika talde internazional, hala nola, Madonna, Iron Maiden, Joe Cocker, Elton John, Bob Dylan, Bryan Adams, David Bowie, R.E.M., Paul McCartney, The Rolling Stones, AC/DC eta U2.

Bestalde urtero abuztuko azken astebukaeran Europako Ertaroko Jaialdia antolatzen dute (danieraz Europæisk Middelalderfestival). Horsens Europa iparraldeko ertaroko merkatu handiena bihurtzen da.