YouTube

Youtube interneten bidez bideo digitalak konpartitzeko aukera ematen duen web orrialdea da.

YouTube

Informazioa
Mota	Pribatua
Eslogana	Broadcast Yourself ("Zure burua aurkeztu")
Fundazioa	2005. urteko otsailean
Sedea	San Bruno, Kalifornia, Estatu Batuak
Administrazioa	Chad Hurley, CEO (Zuzendaria nagusia), Steve Chen, CTO ( Teknologia arduraduna), Jawed Karim, kontseilaria.
Industria	Internet Zerbitzuak
Langile kopurua	67 (2006)
Wen orrialde nagusia	www.youtube.com

Pay Pal enpresako izan ziren hiru langile (Chad Hurley, Steve Chen eta Jawed Karim) sortu zuten 2005. urteko Otsailean. Google enpresakoak dira jabe, 2006ko urriaren 10ean, 1.650 milioi dolarrenagtik erosi zutenetik.

YouTubek Adobe Flash formatua erabiltzen du bere edukia eskaintzeko. Bideoak bertan jartzea oso erraza denez, Video Googleren antzera fama handia du. YouTuberen barruan mota askotako bideoak aurkitu daitezke. Nahiz eta, YouTuben, copyright duten bideoak jartzeko arauak egon, telebistako saioak, pelikulak, musika bideoak eta bestelako materiala aurkitu daiteke. YouTubeko bideoetara dauden loturak, blog eta web orri pertsonaletan jarri daitezke APIak erabiliz.

YouTuberen berezitasunak

Bideoen bilaketaren inguruan

Tagei esker bideoak bilatzea erreztasun handiagoz egin daiteke. Halare YouTubeko bideotan bakarrik oinarritzen da.

YouTube Google konpainiaz erosi izan zenez, Google Videoko bilaketetan YouTubeko bideoak ere aurkitu daitezke.

2007ko ekainean hizkuntza askotara itzuli denez, iternazionalizaziorako pauso garrantzitsua eman du.

Copyright

YouTuben aurkitu ditzakegun bideotako askok copyright dute, orrialdetik kenduta izango dira soilik bideo horien jabeak direnak eskatzen baldin badute. Hori gertatuz gero, bideoa jarri zuen pertsonaren kontua itxi egingo dute.

YouTubek eskaintzen dituen aukerak

Bideoak ikusi

YouTubek ematen digun aukeratako bat bideoak ikustea da. Bertan nahi dena lor dezakegu. “Search” atalean bilatu nahi dena adieraziko da eta ondoren botoia sakatu.

Ondoren eskaerarekin bat datozen bideo sorta bat agertuko da. Bila nahi genuena aukeratuko dugu eta ikusteko bere estekan klik egingo dugu. Ezer agertzen ez bada, beste bilaketa bat egin beharko dugu nahi duguna aurkitu arte.

Bideoak sarean jarri

YouTubek, bideoak ikusteaz aparte, gureak ere sarean jartzeko aukera eskaintzen digu. Horretarako, lehenik, web orrialdean erregistratu egin beharko gara “Sign Up” atalean. Bertan eskatzen dizkigun datuak bete beharko ditugu. Hau guztia egin eta gero, “Log In” atalean sartu eta gure erabiltzaile izena eta pasahitza sartuko ditugu.

Orrialdearen goiko aldean "Hello" + erabiltzailearen_izena agertzeak ondo konektatuta gaudela adierazten du. Beraz, bideoak igotzen hasi gaitezke. “Upload Videos” atalean sartuko gara. Bertan ondorengo datuak gehituko ditugu:

• Title: Bideoaren titulua adieraziko da.
• Description: Bideoari buruzko deskribapen bat idatziko da.
• Tags: Bideoari jarriko diogun etiketa adieraziko da (bat baino gehiago jarri dezakegu).
• Video Category: Bideoaren kategoria zein den adieraziko dugu.

Azkenik, aurreko pausu guztiak egindakoan “Continue” botoia sakatu eta aurrera jarraituko dugu. Ondoren, sartu nahi dugun bideoa non dagoen gordeta adierazi beharko dugu:

• ”Browse” botoia sakatu eta igo nahi dugun bideoa bilatuko dugu.
• Bideoa aurkitzean “Upload Video” botoia sakatu eta YouTubera igota daukagu.

Bideoak deskargatu

Bideoak deskargatzea beste aukeratako bat da. Bertan URL helbidea da garrantzitsuena. Bilatutako bideoa deskargatu nahi bada bideoaren ondoan dagoen datu sortan agertzen den URL helbidea jasoko dugu.

URL hau jasorik dugula, bideoak jaisteko aukera ematen duen web orri batera joango gara. Sarean aukera asko aurki ditzakegu. Zein erabiltzen dugun, bere web orrialdean eskatzen dituen pausuak jarraituko ditugu bideoak deskargarzeko.

Beste aukera batzuk

YouTubek eskaintzen dituen aukera erabilienak aurrekoak izan arren beste batzuk ere aurkitu ditzakegu:

• Favourite Videos atalean, berriro bilaketaren bat egin behar ez izateko, gustuko ditugun bideoen zerrenda egin dezakegu.
• Playlists atalean, gai jakin bati buruzko bideoak sartu eta gero denak jarraian ikusteko aukera izango dugu.
• Video Comments atalean, bideoen iruzkinak egiteko posibilitatea ere izango dugu.
• Bideoren bat YouTuberen erabiltzailea den beste norbaiti gomendatu nahi badugu Friend Invites aukera erabiliko dugu.
• Beste norbaiten gomendazioa baldin bada, Received Videos atalean ikusiko ditugu.
• Lagunak gonbidatu nahi baditugu, Invite More Friends atalera joko dugu.

Horrelako beste zenbait aukera aurki ditzakegu. Labur ikusi ahal izateko, My Account atalera joan eta bertan ikusi ahal izango ditugu.

Bestelako informazioa

Hizkuntza desberdinetan erabiltzeko aukera

YouTubek 10 hizkuntzatan erabiltzeko aukera ematen du; horien artean gaztelera, ingelera edo portugesa. Hala ere, eduki originalak ingelesezkoa izaten jarraituko du.

Bitxikeriak

• Lehenengo bideoa: Me at the zoo Bertan ikusi daiteke YouTubeko fundatzaileetako bat zoologiko batea.
• Bideo luzeena: L O N G E S T...vlog 432min (7h, 12min inguru) irauten du.
• Bideo ikusiena: Evolution of Dance

YouTuberen antzeko alternatibak

YouTubez gain badira beste aukera berdinak eskaintzen dituzten gune batzuk:

• Video Google.
• Yahoo! Video.
• MyVideo.

Kanpo loturak

• (Ingelesez) YouTube.com, lekuaren orri nagusia.
• (Ingelesez) YouTube Blog, YouTuberen blog ofiziala.
• (Ingelesez) TestTube, TestTuberen orri nagusia.
• (Gaztelaniaz) YouTube En Español, YouTube gazteleraz.
• (Ingelesez) [1], YouTube Downloader 3.59
• (Ingelesez) Jawed Karim, YouTubeko fundatzaileetako baten web orria.
• (Gaztelaniaz) Video Google, Video Googleren gaztelerako web orrialdea.
• (Gaztelaniaz) Yahoo! Video, Yahoo Videoren gaztelerako web orrialdea.
• (Alemanez) MyVideo. MyVideoren web orria.