Mikel IV.a
Mikel IV.a Paflagoniarra (grezieraz: Μιχαὴλ (Δ´) ὁ Παφλαγών, Mikhaēl ho Paphlagōn; 1010 – Konstantinopla, 1041eko abenduaren 10a) 1034-1041 urteetan Bizantziar Inperioko enperadorea izan zen.
| Mikel IV.a | |||
|---|---|---|---|
 | |||
1034ko apirilaren 11 - 1041eko abenduaren 10a ← Erroman III.a - Mikel V.a, Zoe Porfirogeneta → | |||
| Bizitza | |||
| Jaiotza | Paflagonia, 1010 | ||
| Herrialdea |  Bizantziar Inperioa | ||
| Heriotza | Konstantinopla, 1041eko abenduaren 10a (30/31 urte) | ||
| Hobiratze lekua | Konstantinopla | ||
| Familia | |||
| Ezkontidea(k) | Zoe Porfirogeneta | ||
| Haurrideak | ikusi
| ||
| Leinua | Macedonian dynasty (en)  | ||
| Jarduerak | |||
| Jarduerak | Enperadorea | ||
Zoe Porfirogeneta enperatrizaren ganberazaina eta maitalea zen. 1034an Erroman III.a Argiro enperadorea Zoek pozoiturik hil zen. Mikel alargunarekin ezkondu eta tronura iritsi zen. Hala ere, Mikel izaera ahulekoa eta epileptikoa zenez gero, Konstantino VIII.arekin eta Erroman III.arekin Lehen Ministro izana zen Joan Eunukoa anaiaren esku utzi zuen aginpidea[1].
Joanek armadan eta finantza sisteman egin zituen erreformek Bizantziar Inperioaren susperraldia ekarri zuten, etsaien erasoaldiei aurre eginez. Inperioaren ekialdeko mugan, setio luze baten ostean, Edesa hiria askatua izan zen. Mendebaldean, berriz, Jurgi Maniakesek 1037 eta 1040 bitartean egin zituen kanpainetan, musulmanak ia erabat egotziak izan ziren Siziliatik. Baina Italiako normandiarrren aurkako espedizioak porrot egin zuen eta, 1041ean Maniakesek alde egin ondoren, Siziliako konkista gehienak galdu ziren. Iparraldean serbiarren 1040ko matxinadak arrakasta izan zuen baina, enperadoreak berak gidatutako kanpaina bati esker, Trazia eta Mazedoniako hiriak mehatxatzen zituen bulgariarren eta Balkanetako eslaviarren errebolta, zapaldua izan zen (1041)[1].
Erreferentziak
aldatu- ↑ a b Chisholm, Hugh, ed. (1911): Michael IV the Paphlagonian Encyclopædia Britannica (11th ed.). Cambridge University Press.
| Aurrekoa Erroman III.a |
Bizantziar Inperioko enperadorea 1034–1041 |
Ondorengoa Mikel V.a |
Wikimedia Commonsen badira fitxategi gehiago, gai hau dutenak: Mikel IV.a  |
Datuak: Q41654
Multimedia: Michael IV / Q41654
